ລູກຄ້າຄືຫົວໃຈຫຼັກທີ່ຮ້ານເພັດພະໄທ ຈີວເວີລີ້ ຢືດໜັ້ນ

  ຮ້ານ ເພັດພະໄທ ຈີວເວີລີ້ ເນັ້ນຈຸດຂາຍຄືຫົວໃຈຫຼັກຄຸນນະພາບມາດຖານຊື້ຂາຍ ແລະການພັດທະນາສິ້ນຄ້າ, ອອກແບບທັນສະໄໝຊຶ່ງເຮັດໃຫ້ສັງຄົມໃຫ້ຄວາມເຊື່ອໝັ່ນຕະຫຼອດມາໄລຍະຊ້ວງວິກິດໂຄວິດ-19 ຜ່ານມາທາງຮ້ານຍັງເປີດບໍລິການຊື້ຂາຍລະບົບອອນລາຍໃຫ້ລູກຄ້າປົກກະຕິເພື່ອເຫັນຄວາມສຳຄັນລູກຄ້າກັງວົງຕ້ອງການເທຂາຍຄືນເພື່ອຊື້ອາຫານກັກຕຸນຄອບຄົວແຕ່ຍອດຊື້ຂາຍຈາກປົກກະຕິ35%;

  ທ່ານ ນາງ ຈັນໂສ ຈິດຕິວົງ ຫຼື ເປັນທີ່ຮູ້ຈັກກັນຊື່ຫຼິ້ນ ແພັດ ເຈົ້າຂອງຮ້ານເພັດພະໄທ ຈີວເວີລີ້ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມວ່າ: ໄລຍະວິກິດໂຄວິດ-19 ຜ່ານມາຮ້ານເພັດແມ່ນເປີດຊ່ວຍລູກຄ້າໃນການຊື້ຂາຍຄືນໂດຍການຊື້ຂາຍໄລຍະທຳອິດຖືແມ່ນກັ່ງວົງຢ້ານຍອດຂາຍຕົກອາດຈະບໍ່ມີການຊື້ຂາຍ ແລະຈະເທຂາຍຄືນເພື່ອຊື້ເຂົ້າປາອາຫານກັກຕຸນພາຍໃນຄອບຄົວ ແລະເຮັດໃຫ້ພະນັກງານຂາດລາຍໄດ້, ແຕ່ເບິ່ງຕົວຈິ່ງການຊື້ຂາຍແມ່ນບໍ່ໄດ້ຮັບຜົນກະທົບເນື່ອງຈາກເຮົາຊື່ຂາຍທາງອອນລາຍໃຫ້ລູກຄ້າສາມາດຊື້ໄດ້ປົກກະຕິແຕ່ສິ່ງສຳຄັນທາງຮ້ານແມ່ນໄດ້ມີໂອກາດປຶກສາທີມງານຂອງທຸລະກິດເພີ່ມເຖິງຍອດຂາຍຈະຫຼຸດລົງຈາກປົກກະຕິ 100%   ຫຼຸດ 35%.

  ທ່ານ ນາງ ຈັນໂສ ຈິດຕິວົງ ໃຫ້ຮູ້ຕື່ມວ່າ: ຮ້ານເພັດພະໄທແມ່ນເລີ່ມດຳເນີນກິດຈະການມາຕັ້ງແຕ່ປີ 2016 ຊຶ່ງແຮງບັນດາໃຈອັນຫຼັກໆແມ່ນເຫັນວ່າໃນເມື່ອກ່ອນຍ້ອນຄົນລາວເຮົາບໍ່ສາມາດເຂົ້າເຖິງເພັດໄດ້ເພາະເປັນສິນຄ້າທີ່ມີລາຄາແພງ ແລະການບໍລິການກໍບໍ່ທົ່ວເຖິງດັ່ງນັ້ນ, ເລີຍມີຄວາມຄິດວ່ານີ້ອາດຈະເປັນໂອກາດດີອັນໜຶ່ງໃນການລົງທຶນດ້ານເພັດພອຍ ແລະສົ່ງເສີມດ້ານຂໍ້ມູນ-ຂ່າວສານໄປຄຽງຄູ່ກັນເພື່ອໃຫ້ລູກຄ້າສາມາດເຂົ້າເຖິງໄດ້ງ່າຍຂຶ້ນລວມເຖິງກຸ່ມລູກຄ້າທີ່ເປັນໄວໜຸ່ມເພາະໃນເມື່ອກ່ອນເຫັນວ່າຄົນທີ່ຈະສາມາດຊື້ເພັດມາໃສ່ ຫຼື ເກັບອອມໄດ້ຕ້ອງເປັນກຸ່ມຄົນທີ່ມີລາຍຮັບປານກາງຂຶ້ນໄປທີ່ມີອາຍຸຂ້ອນຂ້າງສູງໃນລະດັບໜຶ່ງແຕ່ກຸ່ມໄວໜຸ່ມຊໍ້າພັດບໍ່ສາ ມາດເຂົ້າເຖິງໄດ້ກໍເລີຍເປັນເຫດຜົນໃນການຕັດສິນໃຈດຳເນີນທຸລະກິດດ້ານນີ້ເພື່ອແນໃສ່ເຮັດໃຫ້ໄວໜຸ່ມໄດ້ສຳຜັດກັບເພັດແທ້ດ້ວຍລາຄາທີ່ສາມາດຈັບຕ້ອງງ່າຍ ແລະດີຊາຍ ຫຼືອອກແບບທີ່ມີຄວາມທັນສະໄໝໂດຍທີມງານທີ່ມີປະສົບການຫຼາຍກວ່າ 30 ປີ ເຂົ້າມາໃຫ້ຄຳປຶກສາເພື່ອສ້າງຄວາມເຊື່ອໝັ້ນໃຫ້ກັບລູກຄ້າ.

   ສ່ວນດ້ານການບໍລິຫານນັ້ນທາງຮ້ານ ເພັດພະໄທ ຈີວເວີລີ້ ພວກເຮົາແມ່ນເນັ້ນຄວາມເປັນກັນເອງເພາະບໍ່ຢາກໃຫ້ລູກຄ້າທີ່ມາໃຊ້ບໍລິການຢ້ານເກງ ແລະເວລາເຂົ້າມາຮ້ານເພັດກໍສາມາດເລືອກເບິ່ງສິນຄ້າໄດ້ຕາມສະບາຍໃຈ ແລະທົດລອງໃສ່ເບິ່ງກໍໄດ້ເພາະລູກຄ້າບາງຄົນຄິດວ່າສິນຄ້າມີລາຄາແພງຈົນບໍ່ກ້າຈັບບາຍ ແລະ ທົດລອງໄດ້ໂດຍ ຈຸດເດັ່ນຂອງຜະລິດຕະພັນເຮົານັ້ນທີ່ຫຼາຍໆຄົນບອກຕໍ່ກັນແມ່ນຄຸນນະພາບຂອງເພັດເພາະທາງຮ້ານໄດ້ເລືອກເພັດທີ່ມີການເຈຍລະໄນທີ່ດີ ແລະ ມີສີທີ່ງົດງາມໃສ່ແລ້ວເບິ່ງຄືຂອງທີ່ມີລາຄາແພງເໜືອກວ່າສິນຄ້າ, ຄຽງຄູ່ກັນນັ້ນ, ເຮົາຍັງໃສ່ໃຈເລື່ອງການດີຊາຍ ຫຼືການອອກແບບທີ່ມີຄວາມທັນສະໄໝຕາມຍຸກຕາມສະໄໝ ແລະ ມີການອັບເດດໃໝ່ຢູ່ຕະຫຼອດເວລາແບບບໍ່ໃຫ້ຊໍ້າໃຜ”.​

  ສຳລັບຜະລິດຕະພັນພວກເຮົາມີຫຼາຍຢ່າງເຊັ່ນ: ແຫວນເພັດ, ຕຸ້ມຫູເພັດ, ຈີ້ເພັດ, ສາຍແຂນເພັດ, ຄຳອີຕາລີ, ຊຸດເພັດອອກງານ ແລະອື່ນໆ ໂດຍສິນຄ້າທີ່ໄດ້ຂາຍດີທີ່ສຸດແມ່ນແຫວນເພັດຊຶ່ງມີລາຄາບໍ່ແພງຢ່າງທີ່ຄິດເລີ່ມຕົ້ນທີ່ 1 ລ້ານກວ່າກີບຂຶ້ນໄປຈົນເຖິງ 1 ຕື້ກີບ

ສຸດທ້າຍນີ້ກໍບໍ່ມີຫຍັງຫຼາຍຂໍສະແດງຄວາມຂອບໃຈອັນລົ້ນເຫຼືອມາຍັງລູກທຸກທ່ານທີ່ໃຫ້ການສະໜັບສະໜູນຮ້ານ ເພັດພະໄທ ຈິວເວີລີ້ ພວກເຮົາເລື້ອຍມາລວມທັງການບອກຕໍ່ ແລະ ການແນະນຳລູກຄ້າມາໃຫ້ຕະຫຼອດມາ ແລະ ທາງຮ້ານພວກເຮົາກໍບໍ່ໄດ້ຢູ່ລ້າພ້ອມຈະພັດທະນາໄປເລື້ອຍໆ ເພື່ອຕອບໂຈດ ແລະ ຕອບສະໜອງຄວາມຮຽກຮ້ອງຕ້ອງການຂອງລູກຄ້າ ແລະ ຂໍໃຫ້ລູກຄ້າໝັ້ນໃຈກັບທີມງານ ແລະ ຜະລິດຕະພັນເພັດພະໄທ ຈີວເວີລີ້ ພ້ອມສັນຍາວ່າຈະພັດທະນາໃຫ້ດີຂຶ້ນໄປເລື້ອຍໆຕາມຄວາມຕ້ອງການຂອງລູກຄ້າຢ່າງແນ່ນອນ.

  ຢ່າງໃດກໍຕາມ, ສຳລັບຮ້ານເພັດພະໄທ ຈີວເວີລີ້ ແມ່ນຕັ້ງຢູ່ບ້ານສີດຳດວນ ເມືອງຈັນທະບູລີ ນະຄອນຫຼວງວຽງຈັນ, ຖ້າຫາກທ່ານໃດສົນໃຈຊື້ເພັດເປັນຂອງຂວັນໃຫ້ກັບຕົນເອງ, ຄອບຄອບ, ໝູ່ເພື່ອນ ແລະແຟນກໍສາມາດເຂົ້າໄປເລືອກເບິ່ງໄດ້ເລີຍ ຫຼືຖ້າບໍ່ສະດວກກໍສາມາດໂທໄປຕິດຕໍ່ພົວພັນໄດ້ທີ່ເບີ 030 555 6555, 020 99939789 ແລະ 020 92899659.

--------------------

ຂ່າວ: ບຸນນິກ  

แชร์