ຫົງສາປະກາດແຕ່ງຕັ້ງພະນັກງານ 3 ຫ້ອງການ

  ພິທີປະກາດຍົກຍ້າຍ ແລະແຕ່ງຕັ້ງພະນັກງານ 3 ຫ້ອງການຂອງເມືອງຫົງສາໄດ້ຈັດຂຶ້ນໃນວັນທີ 5 ມິຖຸນາ 2020 ໂດຍການເປັນປະທານຂອງທ່ານ ນາງ ດາວວິນ ລາດຊະກິດ ຮອງເລຂາຄະນະບໍລິຫານງານພັກເມືອງ,ຜູ້ຊີ້ນຳຂົງເຂດວຽກງານພັກ-ພະນັກງານຂອງເມືອງ,ມີຄະນະປະຈໍາພັກເມືອງ,ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ກົມກອງພ້ອມດ້ວຍພະນັກງານ 3 ຫ້ອງການເຂົ້າຮ່ວມຢ່າງພ້ອມພຽງ.

ທ່ານ ພົມມາ ພົມມະຫານ ຫົວໜ້າຄະນະຈັດຕັ້ງເມືອງໄດ້ຂຶ້ນຜ່ານ ຂໍ້ຕົກລົງສະບັບເລກທີ່ 357/ຈມ ຫສ ລົງວັນທີ 26 ພຶດສະພາ 2020 ວ່າດ້ວຍການຍົກຍ້າຍພະ ນັກງານໄປຮັບໜ້າທີ່ໃໝ່ທ່ານເຈົ້າເມືອງຫົງສາຕົກລົງຍົກຍ້າຍທ່ານ ດຣ ບຸນອ້ອມ ສຸທໍາມະວົງ ຮອງອໍານວຍການໂຮງໝໍຊຸມຊົນເມືອງຫົງສາໄປປະຈໍາການຢູ່ຫ້ອງສາທາ ລະນະສຸກເມືອງຫົງສາ,ຮັບຟັງຂໍ້ຕົກລົງສະບັບເລກທີ 358/ຈມ. ຫສ ລົງວັນທີ 26 ພຶດສະພາ 2020,ວ່າດ້ວຍການແຕ່ງຕັ້ງຮອງອໍານວຍການໂຮງໝໍຊຸມຊົນເມືອງ, ທ່ານເຈົ້າເມືອງຫົງສາເຫັນດີແຕ່ງຕັ້ງທ່ານຊ່ຽວຊານໂຟນີວົງປະເສີດເປັນຮອງອໍານວຍການໂຮງໝໍຊຸມຊົນເມືອງຫົງສາ, ຮັບຟັງການຜ່ານຂໍ້ຕົກລົງສະບັບເລກທີ 350 /ຈມ ຫສ ລົງວັນທີ 22 ພຶດສະພາ 2020 ວ່າດ້ວຍການແຕ່ງຕັ້ງຮອງຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະທ່ອງທ່ຽວເມືອງ, ເຈົ້າເມືອງຫົງສາຕົກລົງເຫັນດີແຕ່ງຕັ້ງ ທ່ານ ໄກເພັດ ຄໍາມຸງແກ້ວ ເປັນຮອງຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ແລະ ຂໍ້ຕົກລົງສະບັບເລກທີ 356/ຈມ. ຫສ, ລົງວັນທີ 26 ພຶດສະພາ 2020 ວ່າດ້ວຍການແຕ່ງຕັ້ງຮອງຫົວໜ້າຫ້ອງການຍຸຕິທໍາເມືອງຫົງສາ, ທ່ານເຈົ້າເມືອງຫົງສາຕົກລົງເຫັນດີແຕ່ງຕັ້ງທ່ານ ບຸນປອນ ມະຫາວົງສະນັ່ນເປັນຮອງຫົວໜ້າຫ້ອງການຍຸຕິທໍາເມືອງຫົງສາຊຶ່ງທັງ 3 ທ່ານ, ແມ່ນຮັບເງິນອຸດໜູນຕໍາແໜ່ງປະເພດ 5 ຕາມດຳລັດ 203 /ລບ ທີ່ວາງໄວ້,

  ໃນຕອນທ້າຍພິທີຮອງເລຂາຄະນະບໍລິຫານງານພັກເມືອງ, ໃຫ້ທິດຊີ້ນໍາ ແລະເນັ້ນໜັກຫຼາຍດ້ານໃຫ້ຜູ້ທີ່ໄດ້ຮັບການຍົກຍ້າຍ ແລະແຕ່ງຕັ້ງໃນຄັ້ງນີ້ຊຶ່ງທ່ານໄດ້ກ່າວວ່າ ການຍົກຍ້າຍ ແລະແຕ່ງຕັ້ງແມ່ນເປັນວຽກປົກກະຕິ,ເພື່ອສືບຕໍ່ກໍ່ສ້າງພະນັກງານສືບທອດປ່ຽນແທນຕາມແນວທາງຂອງພັກລັດ,ພ້ອມນັ້ນທ່ານຍັງໄດ້ເນັ້ນໜັກໃຫ້ເອົາ ໃຈໃສ່ຕັ້ງໜ້າປະຕິບັດວຽກງານໃຫ້ມີຜົນສຳເລັດ,ເປັນແບບຢ່າງໃນການດຳລົງຊີວິດໃນສັງຄົມ,ພ້ອມກັນພັດທະນາວຽກງານໃນຂອບເຂດຮັບຜິດຜິດຊອບໃຫ້ມີການພັດທະນາດີຂຶ້ນກວ່າເກົ່າ.

_____________

ຂຽນໂດຍ: ບຸນປອນ     

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์