ເມືອງທ່າແຕງ ມອບໃຫ້ຄອບຄົວທຸກຍາກ

  ໃນວັນທີ 10 ມິຖຸນາ 2020 ນີ້ທີ່ຫ້ອງການແຮງງານສະຫວັດດີການ ແລະສັງຄົມເມືອງທ່າແຕງ ແຂວງເຊກອງ ໄດ້ຈັດພິທີມອບເຂົ້າສານໜຽວໃຫ້ແກ່ຄອບຄົວຜູ້ທີ່ປະສົບເຄາະຮ້າຍໄພພິບັດນໍ້າຖ້ວມປີ 2019 ແລະຄອບຄົວຜູ້ທຸກຍາກໃນທົ່ວເມືອງໂດຍການເປັນປະທານຂອງທ່ານ ສີສັກດາ ແສງນາລີວົງ ຫົວໜ້າຫ້ອງການແຮງງານສະຫວັດດີການ ແລະສັງຄົມເມືອງທ່າແຕງ,ມີຄະນະກຳມະການປ້ອງກັນແລະຄວບຄຸມໄພພິບັດ, ຫົວໜ້າເຂດຈຸດສຸມພັດທະນາ 6 ເຂດ ແລະອໍານາດການປົກຄອງບ້ານເຂົ້າຮ່ວມ.

  ທ່ານ ສີສັກດາ ແສງນາລີວົງ ຫົວໜ້າຫ້ອງການແຮງງານ ແລະສະຫວັດດີການ-ສັງຄົມເມືອງທ່າແຕງໃຫ້ຮູ້ວ່າ: ການມອບເຂົ້າສານໜຽວໃນຄັ້ງນີ້ແມ່ນໄດ້ປະຕິບັດ ຕາມຂໍ້ຕົກລົງຂອງທ່ານເຈົ້າເມືອງສະບັບເລກທີ 104 ລົງວັນທີ 18 ພຶດສະພາ 2020 ແລະປະຕິບັດຕາມແຜນແບ່ງປັນຂອງພະແນກແຮງງານສະຫວັດດີການ-ສັງ ຄົມແຂວງໃນຈໍານວນເຂົ້າສານໜຽວທັງໝົດ 139 ໂຕນ ເພື່ອຊ່ວຍເຫຼືອ ບັນເທົາທຸກໃຫ້ແກ່ຄອບຄົວຜູ້ທີ່ປະສົບເຄາະຮ້າຍຈາກໄພພິບັດນໍ້າຖ້ວມປີໃນ 2019 ຜ່ານມາ ແລະຄອບຄົວຜູ້ທຸກຍາກໃນທົ່ວເມືອງທ່າແຕງ ຈຳນວນ 36 ບ້ານ ຂອງ 6 ເຂດຈຸດສຸມພັດທະນາ 625 ຄອບຄົວ 3.784 ຄົນ ແລະຄອບຄົວທຸກຍາກຈຳນວນ 217 ຄອບຄົວ 1.136 ຄົນ ຊຶ່ງເຂົ້າສານໜຽວທັງໝົດ 139 ໂຕນ, ແມ່ນໄດ້ມອບໃຫ້ກັບຄອບຄົວຜູ້ທີ່ປະສົບເຄາະຮ້າຍຈາກໄພພິບັດນໍ້າຖ້ວມໃນປີ 2019 ທັງໝົດ 93,750 ໂຕນ ແລະຄອບຄົວຜູ້ທຸກຍາກ 28,400 ໂຕນ ສ່ວນເຂົ້າສານໜຽວທີ່ຍັງເຫຼືອແມ່ນໄດ້ແຮໄວ້ເພື່ອແກ້ໄຂໄພພິບັດສຸກເສີນຕໍ່ໄປ.

_____________

ຂຽນໂດຍ: ລັດຕະນາ ຄໍາສົມພູ     

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์