ວິທີກໍາຈັດ ແລະປ້ອງກັນສັດຕູພືດໃນນາເຂົ້າ

  ໃນລະດູການປູກເຂົ້າແຕ່ລະຄັ້ງຫາກລະດູໃດບໍ່ມີການລະບາດຂອງສັດຕູເຂົ້ານັບວ່າເປັນໂຊກດີຂອງຊາວນາແຕ່ນັ້ນກໍຖືວ່າເປັນເລື່ອງຍາກທີ່ສຸດເພາະໃນປະຈຸບັນການລະບາດຂອງສັດຕູເຂົ້າເພີ່ມຂຶ້ນເລື້ອຍໆເຊັ່ນ: ກາຍລະບາດຂອງເພ້ຍ, ຕັກກະແຕນ ແລະອື່ນໆ, ດັ່ງນັ້ນຊາວນາຈຳເປັນຕ້ອງຮູ້ຈັກສັດຕູທີ່ມັກເກີດຂຶ້ນກັບເຂົ້າໂດຍສະ ເພາະຊະນິດທີ່ເກີດການລະບາດຢູ່ເປັນປະຈຳ, ຄວນຮູ້ຈັກວິທີປ້ອງກັນ, ກຳຈັດຢາງຖືກຕ້ອງ, ປອດໄພຕໍ່ຕົນເອງ ແລະສິ່ງແວດລ້ອມ.

 ອີງຕາມແຫ່ງຂໍ້ມູນກະສິກໍາ ແລະປ່າໄມ້ໃຫ້ຮູ້ວ່າ: ສັດຕູພືດທີ່ເກີດຂຶ້ນກັບນາເຂົ້າປະກອບມີບົ້ງກທູ້ກ້າ, ບົ້ງຕົ້ນເຂົ້າ ແລະຕັກກະແຕນສໍາລັບບົ້ງກະທູ້ກ້າ: ເປັນບົ້ງທີ່ອອກຫາກິນກາງຄືນປີກທາງໜ້າຈະເປັນສີເທົາປົນນໍ້າຕານ, ປີກຄູ່ຫຼັງມີສີຂາວ ແລະໜອນຊະນິດນີ້ມັກຈະວາງໄຂ່ຢູ່ກຸ່ມບໍລິເວນຍອດເຂົ້າ ແລະຈະໃຊ້ເວລາຝັກໄຂ່ໃນຕອນເຊົ້າ ແລະ ມັກກັດກິນໃບອ່ອນຂອງຕົ້ນເຂົ້າເປັນອາຫານ, ໂດຍທົ່ວໄປແລ້ວບົ້ງຈະທຳລາຍຕົ້ນເຂົ້າໃນເວລາກາງຄືນພວກມັນຈະກັດກິນໃບເຂົ້າຂົນເຫຼືອແຕ່ກ້ານສ້າງຄວາມເສຍ ຫາຍຢ່າງວ່ອງໄວໃນ 1-2 ວັນ ແລະບົ້ງປະເພດນີ້ຈະມັກລະບາດໃນໄລຍະລະດູຝົນ, ວິທີປ້ອງກັນ ແລະກຳຈັດ: ບໍ່ຄວນໃສ່ປຸ໋ຍໄນໂຕເຈນຫຼາຍເກີນໄປເພາະຈະເຮັດໃຫ້ໃບເຂົ້າງາມ ແລະເຮັດໃຫ້ບົ້ງມາວາງໄຂ່ຫຼາຍຂຶ້ນ, ໄລຍະເຂົ້າໄດ້ອາຍຸ 3-4 ສັບດາຫຼັງປັກດໍາຖ້າພົບຍອດເຂົ້າຫ້ຽນປະມານ 10-15% ຂອງທົ່ງນາໃຫ້ໃຊ້ສານຊະນິດພົ່ນນໍ້າເຊັ່ນ: ຄໍໄພຣິຟໍ 20% ໃນອັດຕາ 80 ມິລີລິດຕໍ່ນໍ້າ 20 ລິດ ຫຼືຄາໂບ ຊັນແຟນ 20% ອັດຕາ 81 ມິລີລິດຕໍ່ນໍ້າ 20 ລິດ ພົ່ນໃຫ້ທົ່ວທົ່ງນາພຽງຄັ້ງດຽວ.

  ສ່ວນບົ້ງຕົ້ນເຂົ້າ: ເປັນສັດຕູເຂົ້າທີ່ພົບໄດ້ທຸກສະພາບແວດລ້ອມ, ບົ້ງຕົ້ນເຂົ້າມັກທຳລາຍຕົ້ນເຂົ້າເມື່ອອາຍຸໄດ້ 30-50 ວັນ, ມັນຈະວາງໄຂ ແລະຝັກເປັນບົ້ງທໍາລາຍກາບໃບເຮັດໃຫ້ກາບໃບເຂົ້າມີສີເຫຼືອງ ຫຼືສີນໍ້າຕານຊຶ່ງຈະເຫັນເປັນອາການຊໍ້າໆ ໂດຍສະເພາະຈະມັກພົບເຫັນໃນໄລຍະປັກດຳແລ້ວປະມານ 1 ເດືອນ ເມື່ອຕົ້ນເຂົ້າໃຫຍ່ຂຶ້ນບົ້ງກໍຈະກັດກິນຕົ້ນເຂົ້າເຮັດໃຫ້ເກີດອາການໃບຫ້ຽນໃນໄລຍະທຳອິດ, ໃບ ແລະຍອດທີ່ຖືກທຳລາຍຈະເຫຼືອງໃນໄລຍະຕໍ່ມາ, ການປ້ອງກັນ ແລະກຳຈັດ, ກ່ອນຈະປູກເຂົ້າຄວນກຳຈັດໄຮ່ນາໂດຍການໄຖເພື່ອກຳຈັດທີ່ຢູ່ອາໄສຂອງແມງໄມ້, ບໍ່ຄວນຫວ່ານເຂົ້າ ຫຼື ປັກດຳເຂົ້າຖີ່ເກີນໄປ, ໃຊ້ຢາໄພຣິຟໍ 20% ໃນອັດຕາ 80 ມິລີລິດຕໍ່ນໍ້າ 20 ລິດ ຫຼືຄາໂບຊັນແຟນ 20% ອັດຕາ 81 ມິລີລິດຕໍ່ນໍ້າ 20 ລິດ ພົ່ນໃຫ້ທົ່ວທົ່ງນາພຽງຄັ້ງດຽວ.

 ສໍາລັບຕັກກະແຕນມັກຈະເຂົ້າທຳລາຍຕົ້ນເຂົ້າແຕ່ເດືອນສິງຫາ-ເດືອນພະຈິກເພາະໄລຍະນີ້ເປັນໄລຍະທີ່ເຂົ້າເລີ່ມມີການປົ່ງໃບ,ຕັກແຕນຈະມີການລວມໂຕເປັນກຸ່ມ ແລະເຄື່ອນຍ້າຍເປັນຝູງໂດຍການເຂົ້າໄປກັດກິນໃບອ່ອນຂອງຕົ້ນເຂົ້າສ່ວນຫຼາຍຕັກກະແຕນຈະເລີ່ມລົງທໍາລາຍພືດໃນໄລຍະຕອນເຊົ້າ ແລະຕອນບ່າຍ, ການກຳຈັດ ແລະ ວິທີປ້ອງກັນ, ຫຼັງຈາກທີ່ເກັບກ່ຽວເຂົ້າແລ້ວຄວນຈູດຕໍເຂົ້າເພື່ອກຳຈັດການວາງໄຂ່ຂອງຕັກແຕນ, ໃຊ້ສານເຄມີສີດພົ່ນໃນບໍລິເວນທີ່ຕັກກະແຕນລະບາດແຮງເຊັ່ນ: ຟີນິໂຕໄຣອອນ 50%, ເຊວິນ 85%, ຟ໋ອກຊິນ 80% ປະສົມເຂົ້າກັນແລ້ວພົນສີດໃຫ້ທົ່ວທົ່ງນາ ຫຼືຈະໃຊ້ວິທີກໍາຈັດແບບທຳມະຊາດໂດຍການໃຊ້ດ່າງກວດຝູງຕັກແຕນເພື່ອນຳມາເປັນອາຫານ.

แชร์