5 ປີ ຄໍາມ່ວນ ເກັບລາຍຮັບໄດ້ 74,63% ຂອງແຜນການ

 ຕາມການລາຍງານຂອງ ສະຫາຍ ບຸນເລັ່ງ ກຸນອາວົງ ເລຂາພັກຮາກຖານພະແນການເງິນ ແຂວງຄຳມ່ວນ ຕໍ່ກອງປະຊຸມໃຫຍ່ຄະນະພັກຮາກຖານພະແນກການເງິນຄັ້ງທີ X ໃນ 5 ປີຜ່ານມາຂະແໜງການເງິນແຂວງຄໍາມ່ວນ ໄດ້ຮັບມອບໝາຍຕົວເລກແຜນງົບປະມານລາຍຮັບທັງສູນກາງ ແລະ ທ້ອງຖິ່ນທັງໝົດ 3.355,526 ລ້ານກີບ, ຜ່ານການຈັດຕັ້ງປະຕິບັດ 5 ປີ ປະຕິບັດໄດ້ 2.504,237 ລ້ານກີບ ເທົ່າກັບ74,63% ຂອງແຜນການ, ໃນນັ້ນລາຍຮັບສູນກາງປະຕິບັດຢູ່ທ້ອງຖິ່ນໄດ້ 1.371,169 ລ້ານກີບ, ເທົ່າກັບ 85,32% ຂອງແຜນການ, ລາຍຮັບທ້ອງຖິ່ນປະຕິບັດໄດ້ 1.133,067 ລ້ານກີບ, ເທົ່າກັບ 58,55% ຂອງແຜນການ, ອັນ ພົ້ນເດັ່ນໃນການປະຕິບັດລາຍຮັບເຫັນໄດ້ວ່າໃນປີ 2018 ຂະແໜງ ການເງິນພວກເຮົາສາມາດເກັບ ລາຍຮັບໄດ້ລື່ນແຜນທີ່ໄດ້ຮັບມອບ ໝາຍເຖິງ 103,26% ແລະລາຍ ຮັບຈາກຂະແໜງຄຸ້ມຄອງຊັບສິນ ຂອງລັດສາມາດປະຕິບັດໄດ້ລື່ນ ແຜນໃນແຕ່ລະປີ, ສຳລັບປີ 2019 ເຖິງວ່າລາຍຮັບລວມຂອງແຂວງ ຈະບໍ່ໄດ້ຕາມແຜນແຕ່ບາງຂະແໜງໄດ້ປະຕິບັດລື່ນແຜນເປັນຕົ້ນ: ດ່ານພາສີຂົວມິດຕະພາບ 3 ປະຕິບັດໄດ້ເຖິງ 104,97% ຂອງແຜນການປີ, ກອງກວດກາພາສີປະຈຳແຂວງປະຕິບັດໄດ້ 129, 92% ຂອງແຜນການປີ,ຂະແໜງຄຸ້ມຄອງຊັບສິນຂອງລັດປະຕິບັດໄດ້ 136%ຂອງແຜນການປີ, ຫ້ອງການການເງິນເມືອງຍົມມະລາດປະຕິບດໄດ້ 108, 61 %, ດ້ານລາຍຈ່າຍໄດ້ຮັບຕົວເລກລາຍຈ່າຍໃນ 5 ປີ, 2.741,138 ລ້ານກີບ ປະຕິບັດໄດ້ 2.146,512 ລ້ານກີບ ເທົ່າກັບ 78,31% ຂອງແຜນການປີ.​

  ກອງປະຊຸມໃຫຍ່ຄະນະພັກຮາກຖານພະແນກການເງິນແຂວງຄຳມ່ວນໄດ້ສຳເລັດໃນວັນທີ 10 ມິຖຸນາ 2020 ຢູ່ທີ່ສະໂມສອນ 21 ມີນາ ໂດຍພາຍໃຕ້ການເປັນປະ ທານຂອງສະຫາຍ ບຸນເລັ່ງ ກຸນອາວົງ ເລຂາພັກຮາກຖານພະແນການເງິນແຂວງ, ເປັນກຽດເຂົ້າຮ່ວມໂດຍສະຫາຍ ບຸນມີ ພິມມະສອນ ຮອງເລຂາພັກແຂວງ, ຮອງ ເຈົ້ງແຂວງໆຄຳມ່ວນ, ມີຕາງໜ້າຄະນະຈັດຕັ້ງແຂວງ, ຄະນະໂຄສະນາອົບຮົມແຂວງຕະຫຼອດຄະນະໜ່ວຍພັກ ແລະສະມາຊິກພັກຂົງເຂດດັ່ງກ່າວເຂົ້າຮ່ວມ.

  ໃນວາລະດຳເນີນກອງປະຊຸມບັນດາສະຫາຍສະມາຊິກພັກໄດ້ເຫັນດີເປັນເອກະພາບຕໍ່ບົດລາຍງານການເມືອງຊຶ່ງສະເໜີໂດຍສະຫາຍ ບຸນເລັ່ງ ກຸນອາວົງ ທີ່ໄດ້ຕີລາຄາຜົນງານດ້ານດີ, ດ້ານອ່ອນ ແລະຂໍ້ຄົງຄ້າງການຊີ້ນຳ-ນຳພາໃນໄລຍະຜ່ານມາໂດຍສະເພາະແມ່ນວຽກງານການເມືອງແນວຄິດ, ວຽກກໍ່ສ້າງພັກ-ພະນັກງານ, ອົງການຈັດຕັ້ງມະຫາຊົນ ແລະ ວຽກງານວິຊາສະເພາະຕະຫຼອດ ໄລຍະ 5 ປີ ຜ່ານມາ, ພ້ອມນັ້ນຍັງໄດ້ຮັບຮອງເອົາທິດທາງແຜນ ການໃນ 5 ປີຕໍ່ໜ້າ (2020- 2024), ປະຈຸບັນທົ່ວຄະນະພັກ ຮາກຖານພະແນກການເງິນແຂວງມີສະມາຊິກພັກທັງໝົດ 201 ສະຫາຍ, ຍິງ 53 ສະຫາຍ, ໃນນີ້ສະມາຊິກພັກສຳຮອງ 18 ສະຫາຍ, ຍິງ 9 ສະຫາຍ, ກອງປະຊຸມຍັງໄດ້ປ່ອນບັດເລືອກເອົາຄະນະພັກຊຸດໃໝ່, ໂດຍເຫັນດີເປັນເອກະພາບເລືອກເອົາສະຫາຍ ປ/ອ ສົມສະອາດ ອຸ່ນສີດາ ເປັນເລຂາ, ສະຫາຍ ຄຳສິງ ໄຊສິດທິເດດ ເປັນຮອງເລຂາທັງເປັນປະທານກວດກາ,ເລືອກເອົາສະຫາຍ ບຸນເລັ່ງ ກຸນອາວົງ, ສະຫາຍ ສີສະຫວາດ ໄຊຍະວົງ, ສະຫາຍ ສຸພັດ ສຸແສງໄທ, ສະ ຫາຍ ຫົງໄທ ຄຳວົງສາ ແລະ ສະຫາຍ ເກດສະກັນ ແສງປະດິດ ເປັນຄະນະ.

แชร์