ແອັບເປິ້ນກລາສຮອງຮັບສາຍຕາສັ້ນຍາວມີໄລດາເຊື່ອມຕໍ່ໄອໂຟນໄດ້

  ອີກໜຶ່ງສິນຄ້າທີ່ລໍຖ້າ Apple ເປີດໂຕຄື “ແວ່ນຕາອັດສະລິຍະ” ທີ່ຕອນນີ້ຍັງບໍ່ມີຄ່າຍໃດຜະລິດລ້າສຸດ Jon Prosser ໄດ້ເປີດເຜີຍລາຍລະອຽດຂອງແວ່ນຕາອັດສະລິຍະດັ່ງກ່າວເພີ່ມເຕີມອອກມາໃຫ້ໄດ້ຊາບກັນ.

  ລາຍລະອຽດ:

- ແວ່ນຕາອັດສະລີຍະຂອງ Apple ຈະໃຊ້ຊື່ສຳລັບເຮັດການຕະຫຼາດວ່າ “Apple Glass” ທີ່ບໍ່ມີ es.

- ລາຄາເລີ່ມຕົ້ນ 499 ໂດລາສະຫະລັດ ຮອງຮັບການໃຊ້ງານຮ່ວມກັບເລນສຳລັບຜູ້ມີບັນຫາດ້ານສາຍຕາເຊັ່ນ: ສາຍຕາສັ້ນ-ຍາວ ທີ່ມີຄ່າໃຊ້ຈ່າຍເພີ່ມ.

- ຈະມີໜ້າຈໍສະແດງຜົນຂຶ້ນທັງສອງເລນສັ່ງງານໄດ້ດ້ວຍການໃຊ້ທ່າທາງ.

- ແວ່ນຕາຮອງຮັບກັບການເຊື່ອມຕໍ່ກັບ iPhone.

- ເຄື່ອງຕົ້ນແບບຕອນນີ້ມີເຊນເຊີ LiDAR ຫຼື ເຊນເຊີສຳລັບວັດ ໄລຍະຊັດເລິກ-ຕຶ້ນ ແລະຮອງຮັບການສາກບໍ່ມີສາຍ.

- ຄາດວ່າຈະເປີດໂຕໃນທ້າຍປີ 2021 ຫຼື ຕົ້ນປີ 2022.

  Jon ລາຍງານວ່າ Apple ວາງແຜນທີ່ຈະເປີດໂຕພາຍໃຕ້ຄຳຂວັນ “One More Thing” ຄຳເວົ້າອະມະຕະຂອງ Steve Jobs ທີ່ສ້າງສຽງຮື້ຮາເພາະມັນໝາຍເຖິງຜະລິດຕະພັນທີ່ລໍ້າຍຸກແທ້ໆເໝືອນກັບຕອນທີ່ເປີດໂຕ AppleWatch ທີ່ Apple ກໍໃຊ້One More Thing ເໝືອນກັນສຳລັບງານເປີດໂຕ iPhone ປີນີ້ Jon ລາຍງານເພີ່ມເຕີມວ່າ Apple ໄດ້ເລື່ອນວັນເປີດໂຕຈາກເດີມທີ່ຈະເປີດໂຕໃນເດືອນກັນຍາເໝືອນທຸກໆ ປີໄປເປັນເດືອນຕຸລາແທນເນື່ອງຈາກບັນຫາການແຜ່ລະບາດຂອງໄວຣັດໂຄວິດ-19.

____________

ໜັງສືພິມເສດຖະກິດ-ສັງຄົມ 

แชร์