ບ້ານຊ່າງໄຫ ເປັນຈຸດທົດລອງການທ່ອງທ່ຽວແບບປະຊາຊົນມີສ່ວນຮ່ວມອາຊຽນຂັ້ນແຂວງ

ໃນວັນທີ 11 ມິຖຸນາ 2020 ນີ້ ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວໄດ້ຈັດຊຸດອົບຮົມຄະນະກຳມະການຄັດເລືອກ, ຮັບຮອງ, ຢັ້ງຢືນ ແລະປະເມີນຜົນມາດຕະຖານການທ່ອງທ່ຽວແບບປະຊາຊົນມີສ່ວນຮ່ວມອາຊຽນຂັ້ນ ແຂວງຂຶ້ນທີ່ຫ້ອງປະຊຸມພະແນກ ຖວທ ແຂວງຫຼວງພະບາງ ໂດຍ ເປັນປະຮ່ວມຂອງທ່ານ ນາງ ສຸດາ ພອນ ຄົມທະວົງ ຫົວໜ້າພະແນກ ຖວທ ແຂວງ, ທ່ານ ອາລຸນ ບຸນມີ ໄຊ ຫົວໜ້າກົມພັດທະນາການທ່ອງ ທ່ຽວກະຊວງ ຖວທ, ມີຄູຝຶກຈາກກະຊວງ ຖວທ ພ້ອມດ້ວຍຄະນະກຳມະການຄັດເລືອກຂັ້ນແຂວງ ເຂົ້າຮ່ວມ.

  ຊຸດອົມຮົມຄັ້ງນີ້ຜູ້ເຂົ້າຮ່ວມ ແມ່ນໄດ້ຮຽນຮູ້ຫຼັກການ, ເງື່ອນໄຂ, ຂັ້ນຕອນ, ວິທີການປະເມີນ, ການຄິດໄລ່ ແລະສັງລວມ, ມາດຕະຖານເງື່ອນໄຂ ແລະຕົວຊີ້ບອກຂອງ ການທ່ອງທ່ຽວແບບປະຊາຊົນມີ ສ່ວນຮ່ວມອາຊຽນ ຊຶ່ງປະກອບມີ 8 ເງື່ອນໄຂຄື: ເງື່ອນໄຂດ້ານ ການເປັນເຈົ້າຂອງ ແລະການຄຸ້ມຄອງຂອງຊຸມຊົນ, ດ້ານການປະກອບສ່ວນຂອງສັງຄົມ, ດ້ານການ ມີສ່ວນຮ່ວມໃນການປົກປັກຮັກສາ ແລະປັບປຸງສະພາບແວດລ້ອມ,ດ້ານການຊຸກຍູ້ສົ່ງເສີມໃຫ້ມີການ ແລກປ່ຽນລະຫວ່າງນັກທ່ອງທ່ຽວ ແລະຊຸມຊົນທ້ອງຖິ່ນ,ດ້ານການທ່ອງທ່ຽວ ແລະການບໍລິການທີ່ມີ ຄຸນນະພາບ, ດ້ານການຮັບປະກັນຄຸນນະພາບການບໍລິການອາຫານ ແລະເຄື່ອງດຶ່ມ, ດ້ານການຮັບປະກັບຄຸນນະພາບຂອງສະຖານທີ່ພັກເຊົາ ແລະເງື່ອນໄຂສຸດທ້າຍແມ່ນການຮັບປະກັນການຈັດຕັ້ງປະຕິບັດຂອງຜູ້ປະກອບການທຸລະກິດ ທ່ອງທ່ຽວ.

 ທັງນີ້ກໍເພື່ອເຮັດໃຫ້ການທ່ອງ ທ່ຽວແບບປະຊາຊົນມີສ່ວນຮ່ວມໃຫ້ໄດ້ຮັບມາດຕະຖານ, ພ້ອມທັງ ເປັນການສ້າງວຽກເຮັດງານທຳ ໃຫ້ປະຊາຊົນຢູ່ທ້ອງຖິ່ນດັ່ງກ່າວມີລາຍຮັບເພີ່ມຂຶ້ນ ແລະຊຸດອົບຮົມຄັ້ງນີ້ໄດ້ເລືອກເອົາບ້ານຊ່າງໄຫ ເມືອງປາກອູເປັນຈຸດທົດລອງການ ລົງປະຕິບັດປະເມີນຕົວຈິງຂອງຄະນະກໍາມະການເພື່ອຈະສ້າງໃຫ້ ເປັນແບບຢ່າງໃນການກຽມຄວາມພ້ອມໃຫ້ແກ່ການປະເມີນຂັ້ນຕໍ່ໄປເພື່ອກ້າວໄປສູ່ຄວາມເປັນເອກະພາບກັນໃນການປະເມີນທີ່ພົວພັນ ເຖິງການທ່ອງທ່ຽວແບບປະຊາຊົນ ມີສ່ວນຮ່ວມຂອງ ສປປ ລາວ ເວົ້າລວມ, ໂດຍສະເພາະແມ່ນແຂວງຫຼວງພະບາງ.

__________

ໜັງສືພິມເສດຖະກິດ-ສັງຄົມ

แชร์