ອິນເດຍປັບຫຼຸດອັດຕາດອກເບ້ຍລົງ 0,25ເປິເຊັນ

   ທະນາຄານກາງອິນເດຍ (ອາໄອບີ) ປັບຫຼຸດອັດຕາດອກເບ້ຍນະໂຍບາຍລົງ 0,25% ໃນທ້າຍອາທິດທີ່ຜ່ານມາ ຊຶ່ງເປັນຄວາມເຄື່ອນໄຫວທີ່ຄາດວ່າຈະ ຊ່ວຍກະຕຸ້ນເສດຖະກິດປະເທດ.

ຕາມຂ່າວ ຕ່າງປະເທດລາຍງານວ່າ ທະນາຄານກາງອິນເດຍລະບຸວ່າ ອັດຕາດອກເບ້ຍມາດຕະຖານະດັບທີ່ທະນາຄານກາງກຳນົດໃຫ້ກັບດາທະນາຄານການຄ້າຈະຖືກປັບຫຼຸດລົງ 0,25% ເຫຼືອ 6,25%, ອັດຕາເງິນເຟີ້ຢູ່ທີ່ 2,2% ໃນເດືອນທັນວາຜ່ານມານີ້ເປັນການຕັດສິນໃຈປັບຫຼຸດອັດຕາດອກເບ້ຍຄັ້ງທຳອິດພາຍໃຕ້ຜູ້ບໍລິຫານທະນາຄານກາງຄົນໃໝ່ ຊັກຕິກັນ ຕາດາສ ທີ່ຫາກໍໄດ້ແຕ່ງຕັ້ງໃນເດືອນທັນວາປີທີ່ຜ່ານມາ ຊຶ່ງລາຍງານລະບຸວ່າ ກະຊວງການເງິນຂອງອິນເດຍກຳລັງກົດດັນທະນາຄານກາງໃຫ້ອອກນະໂຍບາຍເພື່ອຊ່ວຍໃຫ້ເກີດການເຕີບໂຕໃນໄລຍະສັ້ນ ກ່ອນການເລືອກຕັ້ງໂດຍທ່ານ ນະເຣນທາ ໂມດີ ນາຍົກລັດຖະມົນຕີ ອິນເດຍຈະລົງຊີງຕຳແໜ່ງສະໄໝທີ່ສອງ, ຂໍ້ມູນເປີດເຜີຍວ່າ ເສດຖະກິດອິນເດຍເຕີບໂຕ 7,1% ໃນເດືອນມັງກອນ-ກັນຍາໃນປີທີ່ຜ່ານມາ.

  ການປັບຫຼຸດພາສີໃນຄັ້ງນີ້ສ້າງຄວາມປະຫຼາດໃຈໃຫ້ກັບນັກວິເຄາະສ່ວນໃຫຍ່ທີ່ຄາດຄະເນວ່າ ອັດຕາພາສີຈະຄົງທີ່ນັກເສດຖະສາດ 32 ຄົນຈາກທັງໝົດ 43 ຄົນຄາດວ່າ ຈະບໍ່ມີການປ່ຽນແປງ, ໂດຍທະນາຄານກາງອິນເດຍປັບຂຶ້ນອັດຕາພາສີສອງຄັ້ງໃນປີທີ່ຜ່ານມາຍ້ອນຄວາມກັງວົນກ່ຽວກັບພາວະເງິນເຟີ້.

แชร์