ຫຼາຍພາກສ່ວນຮ່ວມສະຫຼອງວັນບໍລິຈາກເລືອດໂລກ

  ວັນທີ 12 ມິຖຸນາ 2020 ນີ້ອົງການກາແດງລາວສູນເລືອດແຫ່ງຊາດໄດ້ຈັດພິທີຈັດກິດຈະກໍາສະເຫຼີມສະຫຼອງວັນບໍລິຈາກເລືອດໂລກຂຶ້ນທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ໂດຍການເປັນທານຮ່ວມຂອງທ່ານ ດຣ. ຄໍາຮຸງ ເຮືອງວົງສີ ປະທານອົງການກາແດງລາວທັງເປັນຮອງປະທານຄະນະກໍາມະການການສົ່ງເສີມ
ການບໍລິຈາກເລືອດໃນທົ່ວສັງຄົມມີພະນັກງານທະຫານ, ຕໍາຫຼວດຕະຫຼອດຮອດນັກຮຽນນັກສຶກສາ ແລະມວນຊົນເຂົ້າຮ່ວມ.
   ຈຸດປະສົ່ງໃນການຈັດກິດຈະກໍາບໍລິຈາກເລືອດໃນຄັ້ງນີ້ກໍເພື່ອເປັນການສະເຫຼີມສະຫຼອງວັນບໍລິຈາກເລືອດໂລກເພື່ອເປັນການສະແດງຄວາມຂອບໃຈຕໍ່ຜູ້ບໍລິຈາກເລືອດທີ່ເຂົາເຈົ້າໄດ້ມອບຂອງຂວັນທີ່ມີຄ່າທີ່ສຸດຕໍ່ຊີວິດນັ້ນກໍຄືການບໍລິຈາກເລືອດດ້ວຍຄວາມສະໝັກໃຈຕໍ່ເພື່ອຊ່ວຍຄົນເຈັບ ແລະສ້າງຄວາມສໍານຶກໃນເລື່ອງຄວາມຈໍາເປັນຂອງການບໍລິຈາກເລືອດປະຈໍາໃຫ້ພຽງພໍເລືອດທີ່ໄດ້ຮັບບໍລິີຈາກໃນແຕ່ລະປີຢູ່ທົ່ວໂລກສາມາດຊ່ວຍຊີວິດຄົນເຈັບໄດ້ນັບລ້ານ ແລະ ຢູ່ ສປປ ລາວ ຂອງພວກເຮົາຕາມສະຖິຕິປີຜ່ານມາມີຄົນເຈັບທີ່ໃຊ້ເລືອດເຂົ້າໃນການປິ່ນປົວກວມເອົາ 40,587 ເທື່ອຄົນ ແລະໄດ້ບໍລິຈາກເລືອດໄດ້ 55,4 ພັນກວ່າຖົງ.
  ໂອກາດດັ່ງກ່າວ ທ່ານ ດຣ ຄໍາຮຸ່ງ ເຮືອງວົງສີ ຍັງໄດ້ຮຽກຮ້ອງໃຫ້ທົ່ວສັງຄົມຈົ່ງຮ່ວມກັນບໍລິຈາກເລືອດເພື່ອໃຫ້ສາມາດຕອບສະໜອງແກ່ຄົນເຈັບໃຫ້ພຽງພໍ, ປອດໄພ ແລະທັນເວລາໂດຍມີເປົ້າໝາຍໃນປີ 2020 ໃຫ້ໄດ້ 60,700 ຖົງ ໂດຍໄດ້ແບ່ງຕົວເລກສູນເລືອດແຕ່ລະແຂວງໄປປະຕິບັດໃຫ້ໄດ້ຕາມເປົ້າໝາຍທີ່ວ່າງໄວ້ເພີ່ມຂຶ້ນໃນແຕ່ລະປີ.

_______________

ຂຽນໂດຍ: ແພງຕາ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์