ມອບເງິນນະໂຍບາຍອຸດໜູນຜູ້ເສຍຊີວິດປາງສົງຄາມ

 ວັນທີ 3 ມິຖຸນາຜ່ານ, ພະແນກແຮງງານ ແລະສະຫວັດດີການສັງຄົມແຂວງສະຫວັນນະເຂດ ໄດ້ຈັດພິທີມອບ-ຮັບນະໂຍບາຍຕໍ່ຜູ້ທີ່ມີຜົນງານ ແລະຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕປະຈຳປີ 2019 ຂຶ້ນທີ່ຫ້ອງປະຊຸມຂອງພະແນກດັ່ງກ່າວຕາມດໍາລັດ 272/ລບ ປະຈໍາປີ 2019 ໃຫ້ກຽດເປັນປະ ທານໂດຍ ທ່ານ ໂພໄຊ ໄຊຍະສອນຮອງເຈົ້າແຂວງສະຫວັນນະເຂດ, ທ່ານ ບຸນລົບ ໂຄດຫຼັກຄໍາ ຫົວໜ້າພະແນກແຮງງານ ແລະສະຫວັດດີການສັງຄົມແຂວງ, ມີບັນ ດາພະນັກງານພີ່ນ້ອງຂອງຜູ້ທີ່ໄດ້ຮັບນະໂຍບາຍໃນຄັ້ງນີ້ເຂົ້າຮ່ວມ.

  ທ່ານ ບຸນລົບ ໂຄດຫຼັກຄໍາ ກໍ່ໄດ້ຂຶ້ນຜ່ານຂໍ້ຕົກລົງຂອງທ່ານລັດຖະມົນຕີກະຊວງແຮງງານ ແລະສະຫວັດດີການສັງຄົມວ່າດ້ວຍການອະນຸມັດເງິນອຸດໜູນຜູ້ເສຍສະຫຼະຊີວິດໃນປາງສົງຄາມຈໍານວນ 23 ທ່ານ, ລວມເປັນເງິນ 509,17 ລ້ານກີບ ແລະອະນຸມັດເງິນອຸດໜູນເທື່ອດຽວຜູ້ຍັງມີຊີວິດ (ບໍາເນັດ) ຈໍານວນ 28 ທ່ານ, ລວມ ເປັນເງິນ 613,6 ລ້ານກີບ ຊຶ່ງມີຜູ້ໄດ້ຮັບເງິນນະໂຍບາຍໃນຄັ້ງນີ້ມີຈໍານວນທັງໝົດ 51 ທ່ານ, ລວມເປັນຈໍານວນເງິນທັງໝົດ 1,122 ຕື້ກວ່າກີບ.

  ໃຫ້ກຽດມອບເງິນອຸດໜູນນະໂຍບາຍໃນຄັ້ງນີ້ໂດຍ ທ່ານ ໂພໄຊ ໄຊຍະສອນ ຊ້ອງໜ້າບັນດາຄະນະກໍາມະການຄົ້ນຄວ້ານະໂຍບາຍ ແລະພະນັກງານທີ່ກ່ຽວຂ້ອງ.

แชร์