ກຽມເປີດແອັບເປິ້ນສະໂຕຣກວ່າ 25 ສາຂາ ໃນອາເມລິກາ ແລະ100 ສາຂາທົ່ວໂລກ

  ບໍລິສັດແອັບເປິ້ນ ອິງກຽມ ເປີດແອັບເປິ້ນສະໂຕຣຫຼາຍກວ່າ 25 ສາຂາທົ່ວອາເມລິກາໃນອາທິດນີ້ ແລະຄາດວ່າຈະສາມາດເປີດໃຫ້ບໍລິການຫຼາຍກວ່າ 100 ສາຂາທົ່ວ ໂລກໃນອີກບໍ່ດົນຫຼັງຈາກທີ່ຫຼາຍປະ ເທດເລີ່ມຜ່ອນຄາຍລ໊ອກດາວ.

  ບໍລິສັດຜູ້ຜະລິດໄອໂຟນໄດ້ສັ່ງປິດຮ້ານສາຂາທົ່ວໂລກນອກ ສປ ຈີນ ໃນເດືອນມີນາ ເພື່ອຕອບສະໜອງວິກິດການແຜ່ລະບາດຂອງໄວ ຣັດໂຄວິດ-19 ໂດຍກ່ອນໜ້ານີ້ບໍລິສັດໄດ້ປິດແອັບເປິ້ນສະໂຕຣຫຼາຍ ກວ່າ 50 ສາຂາໃນຈີນຕັ້ງແຕ່ ເດືອນມັງກອນ ກ່ອນຈະທະຍອຍ ເປີດຕົວອີກຄັ້ງໜຶ່ງເມື່ອຊ່ວງເດືອນ ມີນາ ທີ່ຜ່ານມາທັງນີ້ແອັບເປິ້ນສະໂຕຣທຸກສາຂາຍັງຄົງມີກົດການ ຢູ່ຫ່າງກັນທາງສັງຄົມຈຳກັດຈຳນວນຜູ້ເຂົ້າໃຊ້ບໍລິການ ແລະບາງ ສາຂາອາດໃຫ້ບໍລິການໃນຮູບແບບ ທີ່ລູກຄ້າບໍ່ຕ້ອງລົງຈາກລົດ (Cur bside/storefront service) ລາຍໄດ້ຈາກການຂາຍຕົງ ຊຶ່ງລວມຍອດຄ້າຍ່ອຍຜ່ານແອັບເປິ້ນສະ ໂຕຣ, ເວັບໄຊ ແລະການຈຳໜ່າຍ ໃຫ້ແກ່ບໍລິສັດຕ່າງໆ ຕົກເປັນປະມານ 31% ຂອງລາຍໄດ້ທັງໝົດ  260 ຕື້ໂດລາສະຫະລັດຂອງແອັບ ເປິ້ນໃນປີ 2019.

    ແອັບເປິ້ນສະໂຕຣເລີ່ມກັບມາເປີດບໍລິການ 5 ສາຂາທຳອິດໃນອາເມລິກາຕັ້ງແຕ່ທ້າຍອາທິດທີ່ ແລ້ວ ໂດຍມີການກວດວັດອຸນຫະພູມຮ່າງກາຍທັງພະນັກງານ ແລະ ລູກຄ້າ ແລະບັງຄັບໃສ່ຜ້າອັດປາກອັດດັງກ່ອນເຂົ້າຮ້ານປະຈຸບັນແອັບ ເປິ້ນສະໂຕຣມີຢູ່ທັງໝົດ 510 ສາຂາທົ່ວໂລກ ແລະ271 ສາຂາໃນອາເມລິກາເວັບໄຊ 9tp5Mac ລາຍງານວ່າແອັບເປິ້ນສະໂຕຣໄດ້ທະຍອຍເປີດ 10 ສາຂາໃນອິຕາລີໃນເດືອນພຶດສະພາເປັນຕົ້ນໄປ.

___________

ໜັງສືພິມເສດຖະກິດ-ສັງຄົມ

แชร์