ແອັບເປິລແຊ໋ມບໍລິສັດຈົດທະບຽນມູນຄ່າສູງທີ່ສຸດໃນໂລກ

   ໃນທ້າຍອາທິດທີ່ຜ່ານມາ ຮຸ້ນຂອງແອັບເປິລເພີ່ມສູງຂຶ້ນຢ່າງຕໍ່ເນື່ອງຫຼັງຈາກມີການປະກາດລາຍໄດ້ສົ່ງຜົນເຮັດໃຫ້ບໍລິສັດກັບມາເປັນບໍ                    ລິສັດຈົດທະບຽນທີ່ມີມູນຄ່າສູງທີ່ສຸດໃນໂລກ.

   ຕາມຂ່າວຕ່າງປະເທດລາຍງານວ່າ ຫຼັງຈາກມີການເປີດເຜີຍລາຍໄດ້ໃນອາທິດກ່ອນຮຸ້ນຂອງແອັບເປິລເພີ່ມສູງຂຶ້ນ 12% ເປັນຜົນມາຈາກຕົວເລກລາຍໄດ້ທີ່ສູງກວ່າທີ່ນັກລົງທຶນຄາດຄະເນເອົາໄວ້ຫຼັງຈາກແອັບເປິລອອກມາປະກາດໃຫ້ນັກລົງທຶນກຽມຕົວກັບການປັບຕົວຫຼຸດລົງຂອງລາຍໄດ້ບໍລິສັດ, ປະຈຸບັນ ບໍລິສັດແອັບເປິລມີມູນຄ່າ 8,23 ຮ້ອຍຕື້ໂດລາສະຫະລັດ ຊຶ່ງເຮັດໃຫ້ແອັບເປິລລື່ນກາຍຄູ່ແຂ່ງຄືໄມໂຄຊອບ ແລະອາເມຊອນທີ່ມີມູນຄ່າຢູ່ທີ 8,20 ຮ້ອຍຕື້ ແລະ 8,15 ຮ້ອຍຕື້ໂດລາ ຕາມລໍາດັບ. ດັ່ງນັ້ນຈຶ່ງເປັນເລື່ອງທີ່ຄາດຄະເນໄດ້ວ່າ ໃນອະນາຄົດອັນໃກ້ຈະໄດ້ເຫັນການແລກປ່ຽນຕຳແໜ່ງອັນດັບໜຶ່ງຂອງບໍລິສັດທີ່ມີມູນຄ່າສູງທີ່ສຸດໃນໂລກລະຫວ່າງ 3 ບໍລິສັດ.

   ທັງນີ້ ບໍລິສັດອັລຟາເບດ ເຈົ້າຂອງກູເກິລບໍ່ຄວນເບິ່ງຂ້າມເຊັ່ນກັນ ເມື່ອທ້າຍອາທິດທີ່ຜ່ານມາ ຮຸ້ນຂອງບໍລິສັດຈະຫຼຸດລົງເລັກນ້ອຍແຕ່ກໍມີມູນຄ່າຫຼາຍກວ່າ 7,85 ຮ້ອຍຕື້ໂດລາ.

แชร์