ຟອດເອີ້ນຄືນລົດ 2,15 ລ້ານຄັນ

   ລະບົບລ໊ອກປະຕູມີບັນຫາບໍລິສັດ ຟອດ ມໍເຕີ ຜູ້ຜະລົດລາຍໃຫຍ່ຂອງອາເມລິກາ ເອີ້ນຄືນລົດປະມານ 2,15 ລ້ານຄັນໃນອາເມລິກາ. ຕາມຂ່າວຕ່າງປະເທດລາຍງານວ່າ ບໍລິສັດ ຟອດ ມໍເຕີ ຜູ້ຜະລົດລາຍໃຫຍ່ຂອງອາເມລິກາປະກາດໃນທ້າຍອາທິດທີ່ຜ່ານມາ ຈະເອີ້ນຄືນລົດຈຳນວນ 2,15 ລ້ານຄັນ ໃນອາເມລິກາຫຼັງຈາກພົບລະບົບລ໊ອກປະຕູອາດມີບັນ ຫາ ໂດຍອາໄຫຼຂອງອັນລ໊ອກປະຕູມີຄວາມບອບບາງ ແລະອາດແຕກຫັກ ຊຶ່ງອາດຈະເຮັດໃຫ້ປະຕູບໍ່ສາມາດປີດ ລ໊ອກໄດ້ແຕ່ຖ້າຫາກຜູ້ຂັບຂີ່ພະຍາຍາມປິດຫຼາຍໆຄັ້ງປະຕູອາດປິດລ໊ອກຊົ່ວຄາວ ແຕ່ກໍອາດຈະເຮັດໃຫ້ປະເປີດ ອອກໃນຂະນະຂັບຂີ່, ຟອດ ຊຶ່ງເປັນຜູ້ລິດລົດລາຍໃຫຍ່ອັນດັບສອງຂອງອາເມລິກາເປີດເຜີຍວ່າ ການເອີ້ນຄືນ ລົດ ເພື່ອນໍາມາແກ້ໄຂບັນຫາໃນຄັ້ງນີ້ ຄວບຄຸມລົດຟອດຫຼາຍລຸ້ນທີ່ຜະລິດລະຫວ່າງປີ 2011 ເຖິງປີ 2015 ທັງນີ້ ລົດທີ່ເອີ້ນຄືນອາດບໍ່ໄດ້ຮັບການຕິດຕັ້ງລະບົບອຸປະກອນລ໊ອກປະຕູໃໝ່ທຸກຈຸດທຸກຄັນ ຫຼື ໄດ້ຮັບການສ້ອມແປງຢ່າງຖືກຕ້ອງຈາກຕົວແທນຈຳໜ່າຍເມື່ອຄັ້ງທີ່ມີການເອີ້ນຄືນລົດຄັ້ງທຳອິດໃນປີ 2015 ແລະ 2016.

    ບໍລິສັດຟອດຖະແຫຼງວ່າລົດທີ່ມີລະບົບອຸປະກອນລ໊ອກຜິດປົກກະຕິອາດຈະເກີດຈາກອາການຄາຍລ໊ອກ ແລະ ເຮັດໃຫ້ປະຕູເປີດອອກ ໂດຍບໍ່ໄດ້ຕັ້ງໃຈຂະນະຂັບຂີ່ຢ່າງໃດກໍຕາມ ບໍລິສັດຍັງບໍ່ໄດ້ຮັບແຈ້ງໃດໆກ່ຽວກັບອຸບັດເຫດຄວາມເສຍຫາຍ ຫຼື ການບາດເຈັບຈາກກໍລະນີຄວາມບົກພ່ອງຂອງອຸປະກອນດັ່ງກ່າວ.

--------

ໜັງສືພິມເສດຖະກິດ-ສັງຄົມ

 

แชร์