ເບຣັກຊິດກະທົບເຖິງກຳປູເຈຍ

   ຈາກຜົນການສຶກສາຫຼ້າສຸດພົບວ່າ ຜົນກະທົບຈາກເບຣັກຊິດບໍ່ພຽງແຕ່ອັງກິດ ແລະສະຫະພາບເອີຣົບເທົ່ານັ້ນ ແຕ່ຍັງເປັນໄພຄຸກຄາມກັບຫຼາຍປະເທດກຳລັງພັດທະນາທີ່ເພິ່ງພາການຄ້າກັບອັງກິດ ໂດຍກຳປູເຈຍຈະໄດ້ຮັບຜົນກະທົບຫຼາຍທີ່ສຸດ.

   ຕາມຂ່າວຕ່າງປະເທດລາຍງານວ່າ ການອອກຈາກອີຢູຂອງອັງກິິດ ແລະສົນທິສັນຍາທີ່ກ່ຽວຂ້ອງ ແລະຂໍ້ຕົກລົງທາງການຄ້າອາດເຮັດໃຫ້ 1,7 ລ້ານຄົນ ຕົກຢູ່ໃນສະພາບທຸກຍາກ, ໃນຖານະສະມາຊິກຂອງອີຢູ ອັງກິດມີສ່ວນຮ່ວມໃນໂຄງການ Everything but Arms (EBA) ລວມທັງ European General ized Scheme of Preferences (GSP) ໂດຍທັງສອງໂຄງການເປັນການຍົກເລີກການເກັບພາສີ ຫຼື ຫຼຸດພາສີໃຫ້ຕໍ່າລົງສຳລັບສິນຄ້າທີ່ ສົ່ງອອກຈາກປະເທດກຳລັງພັດທະນາໄປຍັງອີຢູ EBA ເພື່ອເອື້ອອຳນວຍປະໂຫຍດໃຫ້ກັບ 49 ປະເທດພັດທະນານ້ອຍທີ່ສຸດຂອງໂລກ ໂດຍຫຼຸດພາສີເຖິງ  99% ກັບສິນຄ້າສົ່ງອອກໄປອີຢູ, ປະຈຸບັນກຳປູເຈຍສົ່ງອອກສິນຄ້າ 7,7% ໄປຍັງອັງກິດເຮັດໃຫ້ກຳປູເຈຍໄດ້ຮັບຜົນກະທົບຈາກເບຣັກຊິດຫຼາຍທີ່ສຸດຖ້າຫາກອັງກິດອອກຈາກອີຢູ ແລະກັບໄປຢູ່ພາຍໃຕ້ຂໍ້ບັງຄັບຂອງອົງການການຄ້າໂລກ (WTO) ພາສີທີ່ເພີ່ມຂຶ້ນ ແລະອຸປະສັກທາງການຄ້າອື່ນໆຈະສົ່ງຜົນຕໍ່ຕົວເລກຈີດີພີຂອງກຳປູເຈຍຫຼຸດລົງເຖິງ 1,08% ແລະການບໍລິໂພກຄົວເຮືອນຫຼຸດລົງ 1,4%.

ທ່ານ Kristen Hopewell ຜູ້ອາວຸໂສດ້ານເສດຖະກິດການເມືອງລະຫວ່າງປະເທດທີ່ Uni versity of Edinburgh ລະບຸວ່າຖ້າຫາກບໍ່ມີການຍົກເວັ້ນທາງການຄ້າຈາກອີຢູ ກຳປູເຈຍຈະຖືກບີບອອກຈາກຕະຫຼາດຊຶ່ງມີຄວາມສ່ຽງທີ່ຜົນປະໂຫຍດຂອງປະເທດກຳລັງພັດທະນາຈະກາຍເປັນຄວາມເສຍຫາຍທີ່ຄວບຄູ່ໄປກັບຂະບວນການເບຣັກຊິດ. ຫຼັງຈາກເບຣັກຊິດກຳ ປູເຈຍ ແລະເອທິໂອເປຍຈະໄດ້ຮັບຜົນກະທົບຫຼາຍທີ່ສຸດ.

แชร์