ບຸນເພັງ ໄຊຍະສິດ ພົ້ນທຸກຍ້ອນໂຄງການ “ກ້າໄມ້ແຕກໃບ ສົດໃສ ຢືນຕົ້ນ ໃຫຍ່ງາມ”

 ໂຄງການ “ກ້າໄມ້ແຕກໃບສົດໃສຢືນຕົ້ນໃຫຍ່ງາມ” ເປັນໂຄງການໜຶ່ງຂອງບໍລິສັດຣາຊ-ລາວ ບໍລິການຈຳກັດ ທີ່ໄດ້ສະໜອງທຶນຊຸກຍູ້ຊາວໜຸ່ມທົ່ວປະເທດທີ່ຮຽນຈົບມາແລ້ວບໍ່ມີທຶນໃນການປະກອບອາຊີບທີ່ໝັ້ນຄົງໂດຍສະເພາະຢູ່ເຂດຊົນນະບົດຊຶ່ງ ທ້າວ ບຸນເພັງ ໄຊຍະສິດ ກໍເປັນອີກບຸກຄົນໜຶ່ງທີ່ໄດ້ຮັບທຶນຈາກໂຄງການດັ່ງກ່າວພາຍ ຫຼັງໄດ້ຮັບທຶນກໍໄດ້ປະກອບກິດຈະການເຮັດຮ້ານສ້ອມແປງລົດແລ້ວເຮັດໃຫ້ຊີວິດການເປັນຢູ່ນັບມື້ນັບດີຂຶ້ນສາມາດເວົ້າໄດ້ວ່າຫຼຸດພົ້ນຈາກຄວາມທຸກຍາກໄດ້ຍ້ອນໂຄງການດັ່ງກ່າວ.

  ທ້າວ ບຸນເພັງ ໄຊຍະສິດ ຊາວໜຸ່ມຢູ່ບ້ານດອນ ເມືອງຫຼາແຂວງ ອຸດົມໄຊໃຫ້ສຳພາດວ່າ: ຄອບຄົວຕົນເອງໃນເມື່ອກ່ອນປະກອບອາຊີບ, ເຮັດນາ ແລະສວນໄປຕາມລະ ດູການຜົນຜະລິດທີ່ໄດ້ຮັບເຖິງວ່າຊ່ວຍຈຸນເຈື່ອຄອບຄົວແຕ່ກໍບໍ່ສາມາດເຮັດໃຫ້ເສດຖະກິດພົ້ນເດັ່ນຂຶ້ນໄດ້ພໍເທົ່າໃດພຽງແຕ່ແກ້ໄຂຊີວິດການເປັນຢູ່ພາຍໃນຄອບຄົວເທົ່ານັ້ນ, ຍ້ອນຄວາມຊອກຮູ້ຊ່ອງທາງແລະຄວາມດຸໝັ່ນ, ມັກຮັກອາຊີບສ້ອມແປງເພື່ອເປັນການສ້າງລາຍຮັບເຂົ້າໃນຄອບຄົວເຮັດໃຫ້ຄອບຄົວຫຼຸດພົ້ນອອກຈາກຄວາມທຸກ ຍາກຈຶ່ງມີແນວຄິດຫັນ ປ່ຽນອາຊີບຈາກການເຮັດໄຮ່, ນາ ແລະ ສວນມາເປັນສ້ອມແປງ ນໍາໃຊ້ວິຊາທີ່ຕົນເອງຮຽນມາ ແລະ ເຮັດໂຕຈິງເພື່ອຊອກຫາລາຍຮັບໃຫ້ສູງຂຶ້ນ ແລະເປັນອາຊີບທີ່ໝັ້ນຄົງ, ພໍຕົກມາໃນໄລຍະປີ 2018 ຕົນຈຶ່ງໄດ້ຖືກຄັດເລືອກຈາກຄະນະຊາວໜຸ່ມບ້ານກໍຄືຊາວໜຸ່ມແຂວງອຸດົມໄຊ ຈຳນວນ 10 ລ້ານກີບ ໂດຍມີກຳນົດສົ່ງທຶນຄືນໃນເວລາ 3 ປີພາຍຫຼັງທີ່ໄດ້ຮັບທຶນດັ່ງກ່າວຕົນເອງໄດ້ນຳໃຊ້ທຶນດັ່ງກ່າວເປີດກິດຈະການສ້ອມແປງລົດຈັກຢູ່ເຮືອນຂອງຕົນເຮັດໃຫ້ຊີວິດການເປັນຢູ່ດີຂຶ້ນ ແລະສາມາດຄືນທຶນໃຫ້ກັບທາງໂຄງການໄປແລ້ວງວດທີ 1 ໃນຈໍານວນ 3 ລ້ານກີບ ສ່ວນທີ່ເຫຼືອກໍ່ຍັງສືບຕໍ່ດໍາເນີນກິດຈະການ ແລະ ຈະທະຍອຍສົ່ງຕົ້ນທຶນໃຫ້ກັບໂຄງ ການໃຫ້ຄົບຕາມຈຳນວນ.

  ທ້າວ ບຸນເພັງ ໄຊຍະສິດ ຕື່ມວ່າ: ຊີວິດການເປັນຢູ່ປະຈຸບັນຖ້າທຽບໃສ່ເມື່ອກ່ອນແມ່ນມີຄວາມແຕກໂຕນກັນຫຼາຍແຕ່ກ່ອນເປັນຄອບຄົວທີ່ຂາດໆເຂີນໆ ອາໄສແຕ່ການເຮັດໄຮ່-ເຮັດນາເປັນຫຼັກແຕ່ປະຈຸບັນໄດ້ຢືດຖືອາຊີບສ້ອມແປງລົດເປັນຫຼັກໄດ້ເຮັດໃຫ້ຊີວິດການເປັນຢູ່ຂອງຄອບຄົວພິກປີ້ນອອກຈາກຄວາມທຸກຍາກເທື່ອລະກ້າວ, ປະຈຸ ບັນໃນຄອບຄົວສາມາດຊື້ດິນ, ຮ້ານສ້ອມແປງລົດຈັກ, ເຮືອນ ແລະມີເງິນເກັບຈຳນວນໜຶ່ງພ້ອມນັ້ນໃນອະນາຄົດຍັງມີແຜນຈະຂະຫຍາຍຮ້ານອັດສີດອີກ.

แชร์