ໂຮງຮຽນນະພາ ເປີດຮັບນັກຮຽນຜູ້ດ້ອຍໂອກາດພ້ອມສືບຕໍ່ເຂັ້ມງວດຕ້ານພະຍາດໂຄວິດ

  ຖືເປັນຂ່າວດີສຳລັບພີ່ນ້ອງບ້ານຫົວຂົວທາງໂຮງຮຽນລ້ຽງເດັກອະນຸບານ-ປະຖົມນະພາໜຶ່ງໂຮງຮຽນເອກກະຊົນທີ່ທຸ້ມເທໃສ່ທຸກດ້ານຂອງການສຶກສາເພື່ອໃຫ້ນັກຮຽນໄດ້ຮັບຄຸນນະພາບທີ່ດີສົມບູນປະຈຸບັນເປີດເຂົ້າຮຽນປົກກະຕິພ້ອມເປີດໂອກາດປະຊາຊົນບ້ານຫົວຂົວຊຶ່ງປີ 1 ທາງໂຮງຮຽນແມ່ນຈະຮັບນັກຮຽນຜູ້ດ້ອຍໂອກາດບໍ່ມີເງິນຈ່າຍຄ່າຮຽນເຂົ້າມາຮຽນລ້າຈຳນວນ 5 ຄອບຄົວຕໍ່ປີ, ພ້ອມສືບຕໍ່ປະຕິດບັດເຝົ້າລະວັງທຸກຂັ້ນຕອນຂອງຄະນະສະເພາະກິດຕ້ານໂຄວິດເນັ້ນຄູ-ນັກຮຽນເຮັດຄວາມສະ ອາດທຸກຄັ້ງ.

 ທ່ານ ນາງ ເພັນນະພາ ວົງສະໝໍລະພູມ ອຳນວຍການໂຮງຮຽນລ້ຽງເດັກອະນຸບານ-ປະຖົມນະພາໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມຮູ້ວ່າ: ໄລຍະຜ່ານມາພາຍຫຼັງທີ່ໂຮງຮຽນທົ່ວປະເທດໄດ້ຢຸດສອນເນື່ອງຈາກພະຍາດໂຄວິດລະບາດທາງໂຮງຮຽນພວກເຮົາກໍໄດ້ແນະນຳທາງຄູ ແລະຜູ້ປົກຄອງຮ່ວມມືກັນສິດສອນນັກຮຽນທາງລະບົບອອນລາຍເພື່ອໃຫ້ນັກຮຽນບໍ່ລືມບົດຮຽນທີ່ເຄີຍຮຽນມານອກຈາກນີ້ທາງໂຮງຮຽນຍັງຈັດຕັ້ງປະຕິດກວດຕາມກົດລະບຽບນຳເອົາວິຊາການກ່ຽວຂ້ອງລົງມາກວດປະຈຳ ແລະໄດ້ແນະນຳຄູເອົາໃຈໃສ່ທັງຄູ ແລະນັກຮຽນ ມີວິທີລ້າງມືຖືກຕ້ອງການກິນສະອາດ, ຢູ່ສະອາດການກິນສະອາດຢູ່ສະອາດຫຼີກລ່ຽງໃຊ້ມືສຳພັດໃບໜ້າ.

  ສຳລັບປະຈຸບັນໂຮງຮຽນລ້ຽງເດັກອະນຸບານ-ປະຖົມນະພາເມື່ອກ່ອນເປັນໂຮງຮຽນບ້ານຫົວຂົວທີ່ເກົ່າແກ້ ແລະທາງຄອບຄົວໄດ້ມາເຂົ້າພັດທະນາຕົບແຕ່ງໃໝ່ທັງໝົດ ໂດຍສະເພາະອາຄານ, ທາສີຫ້ອງ, ຕິດແອ, ຫ້ອງໃສ່ກັ້ນເດັກນ້ອຍລົ້ມຊຶ່ງໂຮງຮຽນແມ່ນເລີ່ມເປີດບໍລິການມາແຕ່ປີ 2018-2019 ເປີດ ປີທຳອິດມີນັກຮຽນ 8 ຄົນ ແລະມາສົກຮຽນ 2019-20120 ຖືກວ່າຜູ້ປົກຄອງພໍ່ແມ່ນນັກຮຽນໃຫ້ຄວາມສົມໃຈທີ່ເຮັດໃຫ້ເຫັນຕົວເລກນັກຮຽນເພີ່ມຂຶ້ນ 100 ກວ່າຄົນ ຊຶ່ງທາງໂຮງຮຽນເນັ້ນການຮຽນການສອນຕາມຫຼັກສູດກະຊວງສຶກສາທິການ ແລະກີລາວາງອອກ ແລະໄດ້ເສີມພາສາອັງກິດເຂົ້າຮຽນ ແລະສົກຮຽນໜ້ານຳເອົາພາສາຈີນ.

 ສຳລັບໂຮງຮຽນລ້ຽງເດັກອະນຸບານ-ປະຖົມນະພາແມ່ນຈະມີຄູສອນທີ່ມີປະສົບການຫຼາຍປີ ແລະ ຄູຕ່າງປະເທດທີ່ເພິ່ນເນັ້ນເອົາໃຈໃສ່ລະບົບການຮຽນ ແລະຄວາມປອດໄພທີ່ສຸດນອກຈາກນີ້ທາງໂຮງຮຽນເນັ້ນໃສ່ຄວາມສະອາດປອດໄພທຸກຈຸດຂອບເຂດເພິ່ນມີກ້ອງວົງຈອນປະຈຸບັນມີນັກຮຽນທັງໝົດ 50 ກວ່າຄົນ, ຄູ 7 ຄົນມີຫ້ອງຮຽນ 10 ຫ້ອງແຕ່ລະຫ້ອງຕິດແອລາຄ່າຮຽນເດືອນ 1380.000 ກີບມີຊຸດນັກຮຽນ ແລະອຸປະກອນການສຶກສາໂດຍທາງໂຮງຮຽນ ລ້ຽງເດັກຈະຮັບນັກຮຽນແຕ່ 5 ເດືອນຂຶ້ນໄປ,ອະນຸບານ 2 ປີ ຂຶ້ນໄປ, ສະນັ້ນທານໃດສົນໃຈສາມາດເຂົ້າຫາເພິ່ນໄດ້ພ້ອມແລ້ວເບິ່ງດ້ວຍແລລູກຂອງທານປຽບເໝືອນລູກໃນຄອບຄົວສະຖານທີ່ຕັ້ງຢູ່ບ້ານຫົວຂົວ ເມືອງໄຊເສດຖາ ນະຄອນຫຼວງວຽງຈັນ ຫຼື ໂທສອບຖາມ 020 23226395.

________________

ຂຽນໂດຍ: ບຸນນິກ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์