ພົບຊາຍນອນເສຍຊີວິດຢູ່ກ້ອງຂົວນໍ້າດົງ

  ເວລາປະມານ 15 : 40 ນາທີ ຂອງວັນທີ 10 ມິຖຸນາ 2020 ນີ້ທາງເຈົ້າໜ້າທີ່ໄດ້ຮັບແຈ້ງເຫດຈາກພົນລະເມືອງທີ່ພົບເຫັນວ່າມີຄົນເປືອຍກາຍນອນເສຍຊີວິດຢູ່ກ້ອງຂົວນໍ້າດົງບ້ານສັງຄະໂລກເຈົ້າໜ້າທີ່ສຶບສວນ-ສອບ ສວນ ປກສແຂວງ ແລະໜ່ວຍກູ້ຊີບອົງການກາແດງລາວຫຼວງພະບາງຈຶ່ງໄດ້ລົງຈຸດພື້ນທີ່ດັ່ງກ່າວ.

   ຕາມຈົດໝາຍບັນທຶກຄໍາໃຫ້ການຈາກກອງບັນຊາການ ປກສ ແຂວງຫຼວງພະບາງ, ໂດຍຜູ້ໃຫ້ການຊື່ ທ້າວ ຍິ່ງ (ອ້າຍ ຄີງຜູ້ເສຍຊີວິດ) ອາຍຸ 35 ປີ, ອາຊີບກໍາມະກອນ, ສັນຊາດລາວ, ບ້ານເກີດ ກາສີ ເມືອງກາສີ, ແຂວງວຽງຈັນ, ປະຈຸບັນຢູ່ບ້ານປົ່ງຫວ້ານ, ໜ່ວຍ 3 ນະຄອນຫຼວງພະບາງ, ແຂວງຫຼວງພະບາງ ແລະຈາກການໃຫ້ສໍາພາດຂອງທ້າວ ຍິ່ງ ເລົ່າຕໍ່ທີມຂ່າວໜັງສືພິມເສດຖະກິດ-ສັງຄົມ ພວກເຮົາຜ່ານທາງໂທລະສັບໃນຕອນແລງຂອງວັນ10 ມິຖຸນາຜ່ານມາຮູ້ວ່າ: ຜູ້ເສຍຊີວິດແມ່ນນ້ອງຊາຍຄີງຊື່ ທ້າວ ຊູ ຊຶ່ງຜ່ານມາລາວເຄີຍຕິດເສບຢາເສບຕິດ ແລະໄດ້ນໍາໄປປິ່ນປົວຈາກນັ້ນລາວກໍລົ້ມປ່ວຍຈົນມາໄດ້ 10 ກວ່າປີແລ້ວ ແຕ່ລາວກັບມາປ່ວຍຮ້າຍແຮງແມ່ນປີ 2019 ປ່ວຍໜັກກວ່າຜ່ານມາ,

 ມີການລະເມີຮ້ອງໄຫ້ຕະຫຼອດ ແລະ ປີ 2020 ນີ້ເຫັນວ່າອາການລາວໜັກຂຶ້ນກວ່າເກົ່າຈຶ່ງໄດ້ຂັ້ນຫ້ອງໃຫ້ລາວນອນສະເພາະຮ້າຍແຮງກວ່ານັ້ນແມ່ນໄດ້ຂັ້ນໄວ້ບໍ່ໃຫ້ອອກມານອກເພາະເປັນຫ່ວງຈະໄປທໍາຮ້າຍຄົນໃນບ້ານ. 

 ທ້າວ ຍິ່ງ ແຊ່ຈ່າວກ່າວຕື່ມວ່າກ່ອນການເສຍຊີວິດຂອງລາວຄືນອອກມາວັນທີ 9 ມິຖຸນາ 2020 ລາວຮ້ອງໃຫ້ໆປ່ອຍລາວ ແລະ ຍ້ອນຄວາມອິດເມື່ອຍທີ່ເຝົ້າລາວບໍ່ໄດ້ນອນພໍຮອດປະມານ 3-4 ໂມງເຊົ້າ ຕົນເອງແມ່ນນອນລັບບໍ່ຮູ້ເມື່ອຄີງເລີຍພໍຕື່ນເຊົ້າມາຊອກຫານ້ອງຊາຍບໍ່ເຫັນຈຶ່ງພາກັນອອກຊອກຫາຈົນມາຮອດ 15:40 ໂມງ ເຈົ້າໜ້າທີ່ໄດ້ພົບສົບວ່າມີຄົນຕາຍຢູ່ກ້ອງຂົວນໍ້າດົງຈຶ່ງພາກັນມາເບິ່ງ ແລະ ແມ່ນນ້ອງຊາຍຂອງຕົນເອງທີ່ເສຍຊີວິດ ແລະໄດ້ນໍາໄປທໍາພິທີທາງສາສະໜາທີ່ບ້ານຂອງຕົນ ເອງ.

----------------

ຂຽນໂດຍ: ສີສຸວັນ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์