ຣາຊ-ລາວ ສືບຕໍ່ມອບທຶນຊ່ວຍຊາວໜຸ່ມຜູ້ມີທັກສະສີມື

  ໃນວັນທີ 4 ມິຖຸນາ 2020 ທີ່ ເມືອງກາສີ ແຂວງວຽງຈັນ ບໍລິສັດ ຣາຊ-ລາວບໍລິການຈຳກັດ ເປັນບໍລິສັດໃນເຄືອຂອງບໍລິສັດ ຣາຊ ກຣຸ໊ບ ຈຳກັດ (ມະຫາຊົນ) ຊຶ່ງຖືຮຸ້ນໃຫຍ່ໂດຍການໄຟຟ້າຝ່າຍຜະລິດແັ້ຯຫ່ງປະເທດໄທ (EGAT)ແລະລົງທຶນໃນ ສປປ ລາວ

 ໃນທຸລະກິດດ້ານການພັດທະນາພະລັງງານໄຟຟ້າໄດ້ຈັດພິທີມອບ-ຮັບທຶນໂຄງການ “ກ້າໄມ້ແຕກໃບສົດໃສຢືນຕົ້ນໃຫຍ່ງາມ” ຈຳນວນ 10 ລ້ານກີບ ໃຫ້ແກ່ທ້າວ ເຄນໂສ ລັດຕະນະວົງ ຊາວໜຸ່ມບ້ານປຸງຫຼັກ ເມືອງກາສີ ແຂວງວຽງຈັນ ຕາງໜ້າມອບທ່ານ ນາງ ແສງອ່ອນ ປວງມະນີວັນ ຮອງຫົວໜ້າກົມພັດທະນາວິຊາຊີບຊາວໜຸ່ມ ສຊປລ, ທ່ານ ນະລົງວິດ ຄອງສິນຜູ້ຈັດການອົງກອນສຳພັນບໍລິສັດ ຣາຊ-ລາວ ບໍລິການຈຳກັດ, ມີທ່ານ ທອງໄຊ ຮັກມະນີ ເລຂາຄະນະບໍລິຫານງານຊາວໜຸ່ມເມືອງ ກາສີ ພ້ອມດ້ວຍອຳນາດການປົກຄອງບ້ານປຸງຫຼັກ ແລະພະນັກງານທີ່ກ່ຽວຂ້ອງເຂົ້າຮ່ວມ.

   ທ່ານ ນະລົງ ວິດຄອງສິນ ກ່າວວ່າ: ປະຈຸບັນເງິນທຶນໝູນວຽນຈຳນວນນັ້ນໄດ້ຈັດຕັ້ງປະຕິບັດມາໄດ້ 3 ໄລຍະສາມາດມອບທຶນຊ່ວຍເຫຼືອຊາວໜຸ່ມກູ້ຢືມທັງໝົດຈຳ ນວນ 43 ທຶນໃນຂອບເຂດທົ່ວປະເທດລວມທັງການມອບໃນຄັ້ງນີ້ມູນຄ່າທັງໝົດເກືອບ400 ລ້ານກີບ ຊຶ່ງໃນແຕ່ລະປີບໍລິສັດ ແລະ ສູນກາງຊາວໜຸ່ມຍັງໄດ້ລົງຊຸກຍູ້ຕິດຕາມຊາວໜຸ່ມເກືອບທຸກແຂວງໃນທົ່ວປະເທດລວມໄປເຖິງຜູ້ທີ່ປະສົບຜົນສຳເລັດ ແລະຜູ້ທີ່ຍັງດຳເນີນທຸລະກິດໃນປະຈຸບັນຜ່ານການຈັດຕັ້ງປະຕິບັດໂຄງການດັ່ງກ່າວເຮັດໃຫ້ຊາວໜຸ່ມທີ່ດ້ອຍໂອກາດໄດ້ຮັບການສຶກສາຮໍ່າຮຽນ ແລະໄດ້ຮັບການສະໜັບສະໜູນຈາກບໍລິສັດ ຣາຊ-ລາວບໍລິການຈຳກັດ ເຮັດໃຫ້ມີວຽກເຮັດງານທຳສາມາດປະກອບກິດຈະການເປັນຂອງຕົນເອງໄດ້ເຊັ່ນ: ກິດຈະການສ້ອມແປງລົດຈັກຕັດຫຍິບແລະເສີມຄວາມງາມ.

  ທ້າວ ເຄນ ໂສລັດຕະນະວົງ ກ່ອນອື່ນຂອບໃຈມາຍັງກົມພັດທະນາວິຊາຊີບ ຊາວໜຸ່ມ ສຊປລ ກໍຄືຄະນະນໍາຊາວໜຸ່ມກາສີ ແຂວງວຽງຈັນ ແລະບໍລິສັດຣາຊ-ລາວບໍລິ ການຈຳກັດທີ່ໃຫ້ໂອກາດ ແລະມອບທຶນຈຳນວນເງິນ 10 ລ້ານກີບ ຊຶ່ງເງິນຈໍານວນນີ້ຈະນໍາໄປຊື້ອຸປະກອນທີ່ຈຳເປັນເຂົ້າໃນການເປີດຮ້ານສ້ອມແປງລົດຈັກບວກກັບວັດຖຸອຸກອນທີ່ມີຢູ່ເພື່ອພັດທະນາວິຊາຊີບ ແລະ ຄວາມຮູ້ທີ່ຮຽນມາຈາກສູນຝຶກອົບຮົມວິຊາຊີບຊາວໜຸ່ມດອນບອສໂກມາອິນນະຄອນຫຼວງວຽງຈັນເຂົ້າສູ່ໜ້າວຽກຕົວຈິງສ້າງລາຍຮັບເຮັດໃຫຄຸນນະພາບຊີວິດຂອງຄອບຄົວດີຂຶ້ນ ແລະມີທຶນຮອນສົ່ງຄືນໂຄງການເພື່ອເປີດໂອກາດໃຫ້ຊາວໜຸ່ມຜູ້ອື່ນໆ ໄດ້ຮັບໂອກາດຄືກັບຕົນເອງ.

______________

ຂຽນໂດຍ: ວົງມະນີ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์