ໃນໄລຍະກາງເດືອນເມສາ ຫາ ເດືອນພຶດສະພາຜ່ານມານີ້ເຈົ້າໜ້າທີ່ພະແນກຕໍາຫຼວດ ປກສ ເມືອງໄຊຍະບູລີ ແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີ ວ່າມີກຸ່ມຄົນບໍ່ດີເຄື່ອນໄຫວໝົ້ວສຸມຢາເສບຕິດຈຶ່ງໄດ້ນໍາໜ່ວຍງານວິຊາສະເພາະລົງເຄຶ່ອນໄຫວອອກກວດກາລາດຕະເວນຢູ່ເຂດເທດສະບານເມືອງ ແລະພົບເຫັນຜູ່ຕ້ອງສົງໄສຈຶ່ງໄດ້ເຂົ້າກັກຕົວທ້າວເຊງຫິນອາຍຸ 47 ປີ ອາຊີບປະຊາຊົນ ບ້ານນາຕໍນ້ອຍ ເມືອງໄຊຍະບູລີ ແຂວງໄຊຍະບູລີພ້ອມດ້ວຍຂອງກາງຢາເສບຕິດປະເພດ (ຢາບ້າ) ຈໍານວນ 199 ເມັດ, ລົດຈັກເວບໄອຈີນບໍ່ມີເລກທະບຽນ 1 ຄັນ, ໂທລະສັບ 1 ເຄື່ອງ, ເງິນກີບ 100.000 ກີບ, ທ້າວ ວິລະກອນ ໄຊຍະພອນ ອາຍຸ 22 ປີ ອາຊີບປະ ຊາຊົນ ບ້ານທ່າເດື່ອ ເມືອງໄຊຍະບູລີ ແຂວງໄຊຍະບູລີ ພ້ອມດ້ວຍຢາເສບຕິດປະເພດ (ຢາບ້າ) ຈໍານວນ 807 ເມັດ; ລົດຈັກເວບໄອ້ຈີນບໍ່ມີເລກທະບຽນ 1 ຄັນ, ໂທລະ ສັບ 1 ເຄື່ອງເງິນກີບ 100.000 ກີບ; ທ້າວ ນຽນ ຄໍາເລັກ ອາຍຸ 30 ປີ ອາຊີບປະຊາຊົນຢູ່ບ້ານດົງຫຼວງເມືອງພຽງ ແຂວງໄຊຍະບູລີ ພ້ອມດ້ວຍຂອງກາງຢາເສບຕິດ ປະເພດ ( ຢາບ້າ ) ຈໍານວນ 203 ເມັດ. ລົດຈັກເວບຈີນ 1 ຄັນ ບໍ່ມີເລກທະບຽນ ແລະທ້າວເຈມ ວິລະວົງ ອາຍຸ 20 ປີ ອາຊີບປະຊາຊົນ ຢູ່ບ້ານປົ່ງວາງ ເມືອງພຽງ ແຂວງໄຊຍະບູລີ ພ້ອມດ້ວຍຢາເສບຕິດປະເພດຢາບ້າ 81 ເມັດ ແລະລົດຈັກ MSX ສີດໍາແດງໝາຍເລກທະບຽນ 9915 ໄຊຍະບູລີຈຸດຈັບ,ຜູ້ຖືກຫາທັງ 4 ຄົນ ຍັງຢູ່ລະຫວ່າງການສອບສວນຂອງເຈົ້າໜ້າທີ່ເພື່ອຂະຫາຍຜົນຫາກຸ່ມແກ້ງ, ພັກພວກດຽວກັນມາດໍາເນີນຄະດີຕາມລະບຽບກົດໝາຍ.

_____________

ຂຽນໂດຍ: ແສງທອງ ທອງສະໄໝ    

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์