ເດືອນແລ້ວລາວສົ່ງອອກ ແລະນຳເຂົ້າສິນຄ້າມູນຄ່າ 6,3 ພັນຕື້ກີບ

  ມູນຄ່າການນໍາເຂົ້າ ແລະສົ່ງອອກຂອງ ສປປ ລາວ ໃນເດືອນພຶດສະພາ 2020 ບັນລຸໄດ້ປະມານ 711 ລ້ານໂດລາສະຫະລັດ ເທົ່າກັບ 6,3 ພັນຕື້ກີບ ໃນນັ້ນສິນຄ້າການສົ່ງອອກ 264 ລ້ານໂດລາ, ສິນຄ້ານໍາເຂົ້າ 447 ລ້ານໂດລາ ແລະຂາດດຸນການຄ້າປະມານ 183 ລ້ານໂດລາ.

   ອີງຕາມສູນຂໍ້ມູນຂ່າວສານທາງດ້ານການຄ້າ ສປປ ລາວ ໃຫ້ຮູ້ວ່າ: ສິນຄ້າສົ່ງອອກສະເລ່ຍທັງໝົດແມ່ນເປັນເງິນປະມານ 264 ລ້ານໂດລາສະຫະລັດ ໃນນັ້ນສິນຄ້າທີ່ມີມູນຄ່າສູງສຸດເຊັ່ນ: ແຮ່ທອງມີມູນຄ່າປະມານ 33 ລ້ານໂດລາ, ເຍື່ອໄມ້ ແລະເສດເຈ້ຍ 23 ລ້ານໂດລາ, ທອງແດງ ແລະເຄື່ອງທີ່ເຮັດດ້ວຍທອງແດງ 22 ລ້ານໂດ ລາ, ໝາກກ້ວຍ 20 ລ້ານໂດລາ, ເຄື່ອງດື່ມນໍ້າອັດລົມ, ຊູກໍາລັງ 19 ລ້ານໂດລາ, ເຄື່ອງນຸ່ງຫົ່ມ 12 ລ້ານໂດລາ, ເຄື່ອງໃຊ້ໄຟຟ້າ ແລະອຸປະກອນເຄື່ອງໃຊ້ໄຟຟ້າ 11 ລ້ານໂດລາ, ໝາກໄມ້ປະເພດໝາກໂມ, ໝາກຂາມ,ໝາກມ່ວງ 9,38 ລ້ານໂດລາ,ຄຳປະສົມ, ຄຳແທ່ງ 9,33 ລ້ານໂດລາໂຄງຮ່າງຊິ້ນສ່ວນກ້ອງບັນທຶກພາບ 9,30 ລ້ານໂດລາ ໃນນັ້ນໄດ້ສົ່ງອອກປະເທດຈີນ 100 ລ້ານໂດລາ, ຫວຽດນາມ 69 ລ້ານໂດລາ, ໄທ 57 ລ້ານໂດລາ, ຍີ່ປຸ່ນ 6 ລ້ານໂດລາ ແລະເຢຍລະມັນ 5 ລ້ານໂດລາ.

     ສ່ວນສິນຄ້ານໍາເຂົ້າສະເລ່ຍທັງໝົດ ແມ່ນເປັນເງິນປະມານ 447 ລ້ານໂດລາ ໃນນັ້ນສິນຄ້າທີ່ມີມູນຄ່າສູງສຸດແມ່ນອຸປະກອນກົນຈັກ 46 ລ້ານໂດລາ, ເຫຼັກ ແລະເຄື່ອງທີ່ເຮັດດ້ວຍເຫຼັກ,ເຫຼັກກ້າມີມູນຄ່າປະມານ 32 ລ້ານໂດລາ, ນໍ້າມັນກາຊວນ 22 ລ້ານໂດລາ, ພາຫະນະທາງບົກ (ນອກຈາກລົດຈັກ, ລົດໄຖ) ມີມູນຄ່າປະມານ 21 ລ້ານໂດລາ,ເຄື່ອງດື່ມອັດລົມ,ຊູກໍາລັງປະມານ 20 ລ້ານໂດລາ, ເຄື່ອງໄຟຟ້າ ແລະອຸປະກອນໄຟຟ້າ 18 ລ້ານໂດລາ, ເຄື່ອງໃຊ້ທີ່ເຮັດດ້ວຍພລາສະຕິກ 12 ລ້ານໂດລາ, ເຫຼັກເສັ້ນ ແລະເຫຼັກຮູບປະພັນ ຕ່າງໆມີມູນຄ່າປະມານ 12 ລ້ານໂດລາ, ຊິ້ນສ່ວນອາໄຫຼ່ລົດລວມທັງຢາງ, ແວ່ນ, ໂສ້ປະມານ 11 ລ້ານໂດລາ, ຝຸ່ນ (ປຸຍ) 9 ລ້ານໂດລາສະຫະລັດໃນນັ້ນນຳເຂົ້າຈາກປະເທດໄທ 216 ລ້ານໂດລາ, ຈີນ 140 ລ້ານໂດລາ,ຫວຽດນາມ 44 ລ້ານໂດລາ,ຢີ່ປຸ່ນ 14 ລ້ານໂດລາ ແລະ ສ ອາເມລິກາ 7 ລ້ານໂດລາ ຢ່າງໃດກໍ່ຕາມມູນຄ່າການນໍາເຂົ້າ ແລະສົ່ງອອກຂອງລາວປະຈໍາເດືອນພຶດສະພາ 2020ນີ້ແມ່ນຍັງບໍ່ກວມເອົາມູນຄ່າການສົ່ງອອກໄຟຟ້າ.

----------------

ໜັງສືພິມເສດຖະກິດ-ສັງຄົມ

แชร์