ວັນທີ 1 ມີິຖຸນາຜ່ານມາ ທີ່ສະໂມສອນໃຫຍ່ຂອງເມືອງໃໝ່, ໄດ້ຈັດໃຫ້ມີພິທີປະກາດການແຕ່ງຕັ້ງຮອງເຈົ້າເມືອງໆ ໃໝ່ແຂວງຜົ້ງສາລີ ຂຶ້ນຢ່າງເປັນທາງການໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ທອງສີ ເສົາສຸລິພົມ ຮອງເຈົ້າແຂວງຜົ້ງສາລີ, ຜູ້ຊີ້ນຳຂົງເຂດວັດທະນະທຳສັງຄົມຂັ້ນແຂວງ,ທັງເປັນຜູ້ຊີ້ນຳວຽກງານຮອບດ້ານຂອງເມືອງໃໝ່, ມີທ່ານ ສົມຈິດ ສິດທິວົງ ເລຂາພັກເມືອງເຈົ້າເມືອງໆໃໝ່,ມີບັນດາທ່ານຜູ້ຕາງໜ້າຈາກພະແນກພາຍໃນແຂວງ, ກວດກາແຂວງ, ຈັດຕັ້ງແຂວງ, ບັນດາທ່ານກຳມະການປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າ ຫ້ອງການພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

bbທ່ານ ບຸນສະຫວັດ ເຫຼັກກັນຍາ ຫົວໜ້າຫ້ອງການບໍລິຫານຄະນະຈັດຕັ້ງແຂວງໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງ, ສະບັບເລກທີ 0969/ຈຂ.ຜລ ລົງວັນທີ 27 ເມສາ 2020 ວ່າດ້ວຍການແຕ່ງຕັ້ງໃຫ້ພະນັກງານດຳລົງຕຳແໜ່ງບໍລິຫານຂັ້ນຮອງເຈົ້າເມືອງໆໃໝ່ຊຶ່ງໄດ້ຕົກລົງແຕ່ງຕັ້ງທ່ານ ຄຳເລີດ ອິນແກ້ວ ກຳມະການປະ ຈຳພັກເມືອງເປັນຮອງເຈົ້າເມືອງ, ທ່ານ ດຣພອນສະຫວັນ ມະນີວົງສີ ກຳມະການພັກເມືອງເປັນຮອງເຈົ້າເມືອງ.

  ໃນໂອກາດນີ້ ທ່ານ ທອງສີ ເສົາສຸລິພົມ ຮອງເຈົ້າແຂວງໆຜົ້ງສາລີ, ຜູ້ຊີ້ນຳຂົງເຂດວັດທະນະທຳສັງຄົມຂັ້ນແຂວງ, ທັງເປັນຜູ້ຊີ້ນຳວຽກງານຮອບດ້ານຂອງເມືອງໃໝ່ກໍໄດ້ມີຄຳເຫັນໂອ້ລົມກ່ອນອື່ນທ່ານກໍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານ ແລະໄຊຊະນະທີ່ເມືອງໃໝ່ຍາດມາໄດ້ໃນໄລຍະທີ່ຜ່ານມາພ້ອມກັນນີ້ທ່ານຍັງໄດ້ຮຽກ ຮ້ອງມາຍັງຜູ້ທີ່ໄດ້ຮັບການແຕ່ງຕັ້ງໃໝ່ຈົ່ງເພີ່ມທະວີການກໍາແໜ້ນແນວທາງ, ນະໂຍບາຍຂອງພັກ-ລັດ, ມະຕິ, ຄໍາສັ່ງ, ນິຕິກຳຕ່າງໆຂອງຂັ້ນເທິງລວມທັງພາລະບົດ ບາດສິດໜ້າທີ່ຂອງແຕ່ລະພາກສ່ວນ, ຄາດໝາຍສູ້ຊົນທີ່ຂັ້ນເທິງກໍ່ຄືຂັ້ນຂອງຕົນວາງອອກ, ສືບຕໍ່ເສີມຂະຫຍາຍມູນເຊື້ອອັນດີໃນການຊີ້ນຳ-ນໍາພາວຽກງານຮອບດ້ານ ຕາມບົດບາດຂອງຄະນະປະຈໍາພັກເມືອງກໍ່ຄືຂອງການຄຸ້ມຄອງລັດ, ຄຸ້ມຄອງສັງຄົມຂອງອົງການປົກຄອງເມືອງເພື່ອໃຫ້ວຽກງານຮອບດ້ານກໍຄືຄາດໝາຍຕ່າງໆ ທີ່ທາງເມືອງວາງອອກໃຫ້ບັນລຸເປັນກ້າວໆ.

ຂຽນໂດຍ: ແສງຄຳ ສາລີວັນ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์