ບາງເສັ້ນທາງທີ່ຜູ້ປະກອບການຂົນສົ່ງຂອງລາວ ຕ້ອງຮູ້ກ່ອນສົ່ງສິນຄ້າໄປໄທ

  ເພື່ອເປັນການອຳນວຍຄວາມສະດວກໃຫ້ກັບຜູ້ປະກອບການຂອງລາວ ແລະຂອງປະເທດໄທ, ໃນການຈະຂົນສົ່ງສິນຄ້າຜ່ານແດນທາງບົກໄປຍັງປະເທດໜຶ່ງ ຫຼື ປະເທດທີ່ສາມ, ຊຶ່ງກົມພາສີ, ກະຊວງການເງິນແຫ່ງຣາຊະ ອານາຈັກໄທໄດ້ອອກແຈ້ງການກ່ຽວກັບພິທີການທາງພາສີວ່າດ້ວຍການຜ່ານແດນຕາມຂໍ້ຕົກ ລົງການຂົນສົ່ງທາງຖະໜົນລະຫວ່າງລັດຖະບານແຫ່ງຣາຊະອານາຈັກໄທ ແລະ ສປປ ລາວ ເລກທີ 141, ລົງວັນທີ 10 ພະຈິກ 2017, ໃຫ້ການຈັດຕັ້ງປະ ຕິບັດການຜ່ານແດນໃຫ້ສອດຄ່ອງກັບມາດຕະຖານສາກົນຂອງອະນຸສັນຍາບາເຊໂລນາ ແລະ ເພື່ອເປັນການອຳນວຍຄວາມສະດວກໃຫ້ແກ່ຜູ້ປະກອບການຂອງສອງປະເທດ.

   ໂດຍຫຼ້າສຸດສູນຂໍ້ມູນຂ່າວສານ ທາງດ້ານການຄ້າຂອງລາວ ກໍໄດ້ ມີການອັບເດດແຈ້ງການດັ່ງກ່າວ ເພື່ອທົບທວນຄືນຂໍ້ກຳນົດເສັ້ນ ທາງ ແລະລະບຽບການຂົນສົ່ງຜ່ານແດນທາງບົກຂອງປະເທດ ລາວ ແລະໄທ, ຊຶ່ງໃນນັ້ນ ໄດ້ກຳ ນົດລະອຽດເປັນຕົ້ນແມ່ນກຳນົດ ທ່າ ຫຼື ສະຖານທີ່ທີ່ນຳເຂົ້າ, ສົ່ງ ອອກ, ຜ່ານເຂົ້າ ແລະຜ່ານອອກ ລະຫວ່າງໄທ-ລາວ, ສິນຄ້າຜ່ານ ແດນສາມາດຜ່ານເຂົ້າ ແລະຜ່ານ ອອກໄດ້ສະເພາະດ່ານພາສີໜອງ ຄາຍ, ດ່ານພາສີນະຄອນພະນົມ, ດ່ານພາສີມຸກດາຫານ, ດ່ານພາສີ ຊ່ອງເມກ, ດ່ານພາສີຊຽງຂອງ, ດ່ານພາສີບຶງການ, ດ່ານພາສີທ່າ ລີ່ (ໜອງຜື), ດ່ານພາສີຊຽງຄານ (ຄົກໄຜ່), ດ່ານພາສີເຂມມະລາດ (ປາກແຊງ) ແລະດ່ານພາສີທຸ່ງ ຊ້າງ (ຫ້ວຍໂກ໋ນ), ພ້ອມນັ້ນ, ຍັງໄດ້ກຳນົດທ່າ ຫຼື ສະຖານທີ່ທີ່ ນຳເຂົ້າ ແລະສົ່ງອອກລະຫວ່າງ ປະເທດໄທ ກັບປະເທດທີ່ສາມໂດຍສິນຄ້າຜ່ານແດນສາມາດນຳເຂົ້າ ແລະສົ່ງອອກໄດ້ສະເພາະຫ້ອງການພາສີທ່າເຮືອບາງກອກ, ຫ້ອງການພາສີທ່າເຮືອແຫຼມສະບັງ, ດ່ານພາສີມາບຕາພຸດ, ດ່ານພາສີແມ່ສອດ, ດ່ານພາສີແມ່ສາຍ, ດ່ານພາສີອະລັນຍາປະເທດ ແລະດ່ານພາສີສຸໄຫງໂກລົກ.

   ສຳລັບການກຳນົດເສັ້ນທາງ ໃນການຂົນສົ່ງສິນຄ້າຜ່ານແດນ ທີ່ສົ່ງມາລາວ ຫຼື ລາວສົ່ງໄປປະ ເທດທີ່ສາມແມ່ນສາມາດສົ່ງຕາມ ເສັ້ນທາງຄື: ແມ່ສາຍຫາບາງ ກອກເສັ້ນທາງເລີ່ມຈາກດ່ານພາ ສີແມ່ສາຍ ຜ່ານຊຽງລາຍ- ພະ ເຍົາ-ລຳປາງ-ຕາກ-ກຳແພງ ເພັດ-ນະຄອນສະຫວັນ-ສິງບູລີ-ອ່າງທອງ-ອະຍຸດທະຍາ-ປະທຸມ ທານີ-ບາງກອກ ໂດຍໃຊ້ເສັ້ນ ທາງຫຼວງເລກທີ 01, 32 ແລະ ທາງຫຼວງພິເສດ ລະຫວ່າງເມືອງ ເລກທີ 09, ຊ່ອງທາງທີສອງແມ່ນ ຜ່ານຊຽງຂອງຫາຊຽງລາຍເສັ້ນ ທາງ ເລີ່ມຈາກດ່ານພາສີຊຽງ ຂອງ ຈົນຮອດຊຽງລາຍ ໂດຍໃຊ້ ເສັ້ນທາງຫຼວງເລກທີ 1020 ແລະ 1152; ໜອງຄາຍຫາບາງກອກ ເສັ້ນທາງເລີ່ມຈາກໜອງຄາຍ ຜ່ານອຸດອນທານີ-ຂອນແກ່ນ-ນະຄອນລາດຊະສີມາ-ສະລະບຸ ລີ-ປະທຸມທານີ-ບາງກອກ ໂດຍ ໃຊ້ເສັ້ນທາງຫຼວງເລກທີ 02 ແລະ 01; ມຸກດາຫານຫາແມ່ສອດ ເສັ້ນທາງເລີ່ມຈາກມຸກດາຫານ ຜ່ານກາລະສິນ-ຂອນແກ່ນ-ພິດ ຊະນຸໂລກ-ສຸໂຂໄທ-ຕາກ-ເມືອງ ແມ່ສອດໃຊ້ເສັ້ນທາງຫຼວງເລກທີ 2042, 413, 209, 12 ແລະ 105; ຫິນກອງ ຫາ ອະລັນຍາປະເທດ ເສັ້ນທາງເລີ່ມຈາກຫິນກອງ (ແຍກທາງຫຼວງໝາຍເລກ 01) ຜ່ານນະຄອນນາຍົກ-ປາຈິນບຸລີ-ສະແກ້ວ-ເມືອງອະລັນຍາປະເທດ (ຊາຍແດນກຳປູເຈຍ) ໂດຍໃຊ້ ເສັ້ນທາງຫຼວງໝາຍເລກ 33; ນະຄອນລາດຊະສີມາຫາມາບ ຕາພຸດ ເສັ້ນທາງເລີ່ມຈາກນະຄອນ ລາດຊະສີມາ ຜ່ານເມືອງກະບິນ ບຸລີ-ເມືອງພະນົມ ສາລະຄາມ-ມາບຕາພຸດ ໂດຍໃຊ້ເສັ້ນທາງ ຫຼວງເລກທີ 304, 331, 36 ແລະ 3191; ບາງກອກຫາແຫຼມ ສະບັງ ເສັ້ນທາງເລີ່ມຈາກບາງ ກອກຜ່ານຊົນບຸລີ-ແຫຼມສະບັງ- ມາບຕາພຸດ ໂດຍໃຊ້ເສັ້ນທາງ ຫຼວງພິເສດລະຫວ່າງເມືອງເລກ ທີ 07 (ມໍເຕີເວບາງກອກ-ຊົນບຸລີ ສາຍໃໝ່) ແລະທາງຫຼວງເລກທີ 36; ບາງກອກຫາສຸໄຫງໂກລົກ ເສັ້ນທາງເລີ່ມຈາກບາງກອກຜ່ານສະໝຸດສາຄອນ-ສະໝຸດ ສົງຄາມ-ເພັດຊະບຸລີ-ປະຈວບຄິ ລິຂັນ-ຊຸມພອນ-ພັດທະລຸງ-ປັດ ຕານີ-ນາລາທິວາດ-ສຸໄຫງໂກລົກ ໂດຍໃຊ້ທາງຫຼວງໝາຍເລກທີ 35, 04, 41, 43, 42, 4084 ແລະ 4057; ນະຄອນລາດຊະສີມາຫາອຸບົນລາດຊະທານີຫາຊ່ອງເມັກເສັ້ນທາງເລີ່ມຈາກນະຄອນລາດຊະສີມາຜ່ານເມືອງໂຊກໄຊ-ເມືອງເດດອຸດົມ-ອຸບົນ ລາດຊະທານີ-ດ່ານພາສີຊ່ອງເມັກໂດຍໃຊ້ທາງຫຼວງເລກທີ 224, 24 ແລະ 217; ເມືອງສົມເດັດຫາສະກົນນະຄອນ ຫາ ນະ ຄອນພະນົມ ໃຊ້ທາງຫຼວງເລກທີ 213 ແລະ 22, ທັງນີ້ກໍເພື່ອໃຫ້ປະກອບການຂອງສອງປະເທດເຂົ້າໃຈ ແລະນຳໃຊ້ເສັ້ນທາງຖືກຕ້ອງຕາມລະບຽບການທີ່ວາງອອກ.

แชร์