ຫວຽດນາມສົ່ງອອກໝາກລິ້ນຈີ່ 9 ໂຕນ ໄປອົດສະຕຣາລີ

  ກໍ່າປັ່ນຂົນສົ່ງໝາກລິ້ນຈີ່ສົດ 9 ໂຕນຂອງ ສສ ຫວຽດນາມ ໃກ້ຈະເຂົ້າທຽບທ່າກໍ່າປັ່ນອົດສະຕຣາລີ ນີ້ແມ່ນການສົ່ງອອກໝາກລິ້ນຈີ່ຫວຽດນາມໄປຍັງອົດສະຕຣາລີ ຄັ້ງທຳອິດໃນລະດູການປີນີ້.

  ຕາມແຫຼ່ງຂ່າວຈາກອົງການການຄ້າຫວຽດນາມ ປະຈຳອົດສະຕຣາລີ ໃຫ້ຮູ້ວ່າ: ກໍ່າປັ່ນຂົນສົ່ງໝາກລິ້ນຈີ່ອູຮົ່ງດ້ວຍປະລິມານ 9 ໂຕນ ຂອງຫວຽດນາມ ໃກ້ຈະເຂົ້າທຽບທ່າກໍ່າປັ່ນອົດສະຕຣາລີແລ້ວ, ນີ້ແມ່ນການສົ່ງອອກໝາກລິ້ນຈີ່ຫວຽດນາມໄປຍັງອົດສະຕຣາລີຄັ້ງທຳອິດໃນລະດູການປີນີ້, ຄາດວ່າວັນທີ 12 ມິຖຸນານີ້, ປະລິມານໝາກລິ້ນຈີ່ດັ່ງກ່າວຈະຖືກຂົນສົ່ງຮອດທ່າກໍ່າປັ່ນຂອງອົດສະຕຣາລີເພື່ອຮັບໃຊ້ຜູ້ບໍລິໂພກອົດສະຕຣາລີໄດ້ຢ່າງທັນເວລາ.

  ໝາກລິ້ນຈີ່ປະເພດນີ້ມີລົດຫວານ, ຫອມ ແລະມີເປືອກໜາ, ສອດຄ່ອງກັບການຂົນສົ່ງໃນໄລຍະທາງໄກສະນັ້ນຈະແມ່ນຜະລິດຕະພັນທີ່ດີເພື່ອແນະນຳຕໍ່ຜູ້ບໍລິໂພກອົດສະຕຣາລີ.

__________

ໜັງສືພິມເສດຖະກິດ-ສັງຄົມ

แชร์