5ຈີ ເຮັດໃຫ້ເຮືອທຸງເຖິງຈຸດຮ້ອນ ລາຄາອາດຈະສູງໄປຕະຫຼອດປີ 2020

    ທຸກຄ່າຍສະມາດໂຟນຕ່າງກໍແຂ່ງຂັນກັນເພື່ອດັນສະມາດໂຟນຂອງຕົນເອງໃຫ້ຖືກໃຈຜູ້ບໍລິໂພກໂດຍຟີເຈີສຳຄັນທີ່ເຮືອທຸງໃນປີນີ້ຕ້ອງມີຄື 5ຈີ ເຖິງແມ່ນວ່າຈະເປັນ ເຕັກໂນໂລຊີທີ່ຍັງບໍ່ແຜ່ຫຼາຍແຕ່ເຊື່ອວ່າທຸກຄົນຄົງຄິດໄປໃນທຳນອງດຽວກັນວ່າຊື້ໄວ້ກ່ອນເລີຍດີກວ່າ ແລະດ້ວຍເຫດຜົນນີ້ເອງທີ່ເຮັດໃຫ້ເຮືອທຸງ Android ຫຼາຍໆຄ່າຍໃນ ປະຈຸບັນມີລາຄາທີ່ສູງເກີນໄປຫຼາຍ ແມ່ນແຕ່ແບຣນຈີນຄື Xiaomi ຫຼື OnePlus.

 ບັນຫາຫຼັກໆຂອງ Snapdragon 865 ຄືຕົວຊິປເຊຕບໍ່ມີໂມເດັມ 5ຈີເຂົ້າມາໃນຕົວຫາກຢາກຈະເຮັດໃຫ້ສະມາດໂຟນຮອງຮັບການໃຊ້ງານ 5ຈີ ຈະຕ້ອງຊື້ໂມເດັມແຍກ ຄື Snapdragon X55 5ຈີ ຊຶ່ງທຽບກັບ Snapdragon 855 ນັ້ນມີຊິບໂມເດັມ 4ຈີ ແບບອອນບອດເລີຍ. ຄວາມແຕກຕ່າງລະຫວ່າງຊິບ Snapdra gon 855 ແລະSna pdragon 865.

  ອັນທີ່ຈິງນີ້ບໍ່ແມ່ນຄັ້ງທຳອິດທີ່ສະມາດໂຟນ Android ມີຊິບໂມເດັມແຍກອອກຈາກຊິບເຊັຕກ່ອນໜ້ານີ້ມີ HTC Thunderbolt ທີ່ ໃຊ້ຊິບເຊັຕ+ຊິບໂມເດັມແຍກຜົນທີ່ຕາມມາຄືຫາຍະນະໂດຍ HTC Thunderbolt ມີຄວາມຮ້ອນສະສົມພາຍໃນເຄື່ອງສູງຊໍ້າບັ໊ກເລັກນ້ອຍແຖມແບັດເຕີຣີທີ່ຢູ່ໄດ້ບໍ່ດົນປານໃດຈົນ HTCຕ້ອງອອກມາຂໍອະໄພຜູ້ບໍລິໂພກຢ່າງໃຫຍ່.

  ຫາກບໍ່ສົນໃຈເຮືອທຸງແລ້ວການ ເລືອກສະມາດໂຟນທີ່ໃຊ້ຊິບປະມວນຜົນ Snapdragon 765G ກໍເປັນທາງເລືອກທີ່ບໍ່ຂີ້ຮ້າຍເພາະເປັນ Soc ທີ່ມີໂມເດັມ 5ຈີ ພາຍໃນຕົວເລີຍບໍ່ຄືກັບ Snapdragon 865 ເຖິງແມ່ນວ່າຈະແຮງກໍຈິງແຕ່ຈຳ ເປັນຕ້ອງມີຊິບໂມເດັມແຍກເພື່ອຮອງຮັບການໃຊ້ງານ 5ຈີ ແຕ່ຫາກຢາກໄດ້ເຮືອທຸງປີ 2021 ເລີຍກໍຈະດີກວ່າກ່ອນໜ້ານີ້ມີລາຍງານວ່າ Snapdragon 865 ລຸ້ນໃໝ່ຈະມາພ້ອມກັບຊິບໂມເດັມ 5ຈີ ພາຍໃນຕົວເລີຍຊຶ່ງອາດເຮັດໃຫ້ຕົ້ນທຶນໃນການຜະລິດສະມາດໂຟນເຮືອທຸງຮອງຮັບ 5ຈີ ໃນປີໜ້າມີລາຄາທີ່ຖືກລົງກວ່ານີ້ກໍເປັນໄດ້.

------------

ໜັງສືພິມເສດຖະກິດ-ສັງຄົມ

 

แชร์