ວິທີປູກກະທຽມໄວ້ກິນເອງແບບງ່າຍໆ

 ກະທຽມຖືເປັນພືດຜັກສວນຄົວທີ່ທຸກຄົວເຮືອນຕ້ອງມີໄວ້ປະກອບການປຸງແຕ່ງອາຫານ, ແຈ່ວຕ່າງໆ ເພື່ອເພີ່ມລົດຊາດ ແລະຄວາມຫອມແຖມຍັງມີຄຸນປະໂຫຍດຫຼາຍຕໍ່ຮ່າງກາຍເຮົາ, ຊຶ່ງໃນຄໍລໍາສາລະໜ້າຮູ້ມື້ນີ້ນໍາເອົາວິທີປູກມາຝາກພຽງແຕ່ກຽມດິນທີ່ເປັນບ່ອນລະບາຍນໍ້າໄດ້ດີຫຼັງຈາກນັ້ນໂຮຍປູນຂາວໃສ່ຢ່າງນ້ອຍ 15 ມື້ ຂຸດເປັນໜານຂະໜາດ 1-2.5, ຄວາມຍາວຕາມພື້ນທີ່ປູກຍະໄລຍະຫ່າງລະຫວ່າງແປງກວ້າງ 50 ຊັງຕີ ແມັດ ຫຼືຈະປູກໃສ່ຖັງ ແລະອື່ນໆ ກໍໄດ້ຖ້າຫາກມີພື້ນທີ່ນ້ອຍ.

 ວິທີປູກ: ນຳເອົາຫົວຜັກທຽມມາໃຊ້ກີບນອກໃນການປູກຈະເຮັດໃຫ້ໄດ້ຜົນຜະລິດດີ ແລະຫົວໃຫຍ່ ຄວນເລືອກເອົາຫົວແກ່ໆ ແລະແຫ້ງສະນິດແກະເປືອກອອກແລ້ວນຳ ໄປຕາກແດດເລັກນ້ອຍ,ຫົດນໍ້າໃສ່ດິນໃຫ້ຊຸ່ມຈາກນັ້ນກໍນໍາເອົາກະທຽມໄປປູກລົງໃນດິນເອົາສ່ວນຮາກໃຫ້ເລິກປະມານ 2 ໃນ 3 ຂອງກີບຫຼັງຈາກນັ້ນກໍໃຊ້ເຟືອງປົກເພື່ອເກັບຄວາມຊຸ່ມ ແລະ ຊ່ວຍຫຼຸດຄວາມຮ້ອນໃນຕອນກາງເວັນ, ຫຼັງຈາກປູກແລ້ວຄວນໃຫ້ນໍ້າໃຫ້ພຽງພໍ ແລະ ສະໜໍ່າສະເໝີ 7-10 ມື້ສະຫຼຸບແລ້ວໃຫ້ນໍ້າປະມານ 10 ສະນັ້ນຄວນງົດການໃຫ້ນໍ້າເມື່ອກະທຽມແກ່ກ່ອນເກັບ ຫຼືກູ້ຫົວກະທຽມ 2-3 ອາທິດ.

-------

ຮຽບຮຽງໂດຍ: ຟ້າ

แชร์