ໄຄລີ ເຈນເນີ ແຊ໋ມຄົນດັງມີລາຍໄດ້ສູງສຸດ

ວັນທີ 6 ມິຖຸນາ ເວັບໄຊວາລະສານຟອບ ເປີດເຜີຍອັນດັບ ຄົນດັງທີ່ສ້າງລາຍໄດ້ສູງສຸດປະຈຳ ປີ 2020 ໂດຍແຊ໋ມຍັງເປັນນັກສະແດງຄົນດັງ ໄຄລີ ເຈນເນີ.

  ອັນດັບ 1 ໄຄລີ ເຈນເນີ ນັກສະແດງຊື່ດັງໜຶ່ງໃນຕະກຸນຄາເດຊຽນ ແລະນັກທຸລະກິດເຈົ້າຂອງກິດຈະການແຟຊັນເຄືອງສຳອາງອາຍຸ 22 ປີ ຍັງຄອງແຊ໋ມຄົນດັງທີ່ສ້າງລາຍໄດ້ສູງສຸດປະຈຳປີ 2020 ເປັນຈຳນວນເງິນ 590 ລ້ານໂດລາສະຫະລັດ ເຖິງແມ່ນວ່າກ່ອນໜ້ານີ້ ເຈນເນີ ຫາກໍຖືກວາລະສານຟອບປະກາດຖອນລາຍຊື່ຈາກອັນດັບ 1 ມະຫາເສດຖີທີ່ຮັ່ງມີຈາກການສ້າງດ້ວຍຕົວ ເອງດ້ວຍເຫດຜົນວ່າຄອບຄົວຂອງລາວໃຫ້ຕົວເລກລາຍໄດ້ທີ່ສູງເກີດ ຄວາມຈິງ, ອັນດັບ 2 ຄານເຢເສແຣັບເປີດັງຄົນອາເມລິກາອາຍຸ 42 ປີ ສ້າງລາຍໄດ້ 170 ລ້ານໂດລາ, ອັນດັບ 3 ໂຣເຈີ ເຟເດີເຣີນັກແທນນິສຄົນຊູແອັດສ້າງລາຍໄດ້ 106,3 ລ້ານໂດລາ, ອັັນດັບ 4 ຄຣິສເຕີຍໂນ່ ໂຣນັລໂດ້ ນັກ ເຕະບານຄົນປັອກຕຸຍການສ້າງ ລາຍໄດ້ 105 ລ້ານໂດລາ ແລະ ອັນດັບ 5 ລີໂອເນລ ເມສຊີ ນັກເຕະບານຄົນອາກຊັງຕິນ ອາຍຸ 32 ປີສ້າງລາຍໄດ້ 104 ລ້ານໂດລາ.

--------

ຮຽບຮຽງໂດຍ: ແກ້ວ

แชร์