ສະຫຼຸບແລ້ວຍິ່ງສາກໄວແບັດເຕີຣີຍິ່ງເສື່ອມໄວ

 ປະຈຸບັນລະບົບສາກໄຟໃນສະມາດໂຟນເດີນທາງມາໄກຫຼາຍ ແຮງໄດ້ເຖິງ 40W ແຕ່ຍັງມີຄຳຖາມໃຫ້ສົງໄສວ່າຍິ່ງສາກໄວແບບນີ້ແບັດເຕີຣີຈະເສື່ອມໄວ ຫຼື ບໍ່? ຊຶ່ງ OPPO ຜູ້ຜະລິດສະມາດໂຟນທີ່ໃຊ້ລະບົບຊາກໄວດັ່ງ SuperVOOC ເປັນຈຸດຂາຍຂອງເຄື່ອງເລື້ອຍມາ ກໍຍອມຮັບວ່າຍິ່ງສາກໄວເທົ່າໃດ ແບັດເຕີຣີຍິ່ງເສື່ອມໄວເທົ່ານັ້ນ.

ເມື່ອເດືອນທີ່ຜ່ານມາ OPPO ເປີດໂຕ OPPO Ace 2 ສະມາດ ໂຟນຕົວແຮງມາພ້ອມກັບ Sna pdragon 865, ໜ້າຈໍ 90Hz ແບັດເຕີຣີຄວາມຈຸ 4.000mAh ທີ່ຮອງຮັບສາກໄວໄດ້ແຮງເຖິງ 65W ແລະສາກບໍ່ມີສາຍແຮງ ເຖິງ 40W ໂດຍກຳລັງໄຟເຖິງ 65W ນັ້ນເປັນກຳລັງໄຟທີ່ແຮງລະດັບດຽວກັບໂນ໊ຕບຸກເລີຍທັງນີ້ OPPO  ໄດ້ຢືນຢັນກັບທາງ Anand Tech ດ້ວຍຕົນເອງວ່າ “Fast Charge ຫຼື ສາກໄຟໄວບໍ່ເປັນຜົນ ດີຕໍ່ແບດເຕີຣີໃນໄລຍະຍາວ” ໂດຍ Endrei F. ເປີດເຜີຍຂໍ້ມູນຈາກ OPPO ວ່າກຳລັງໄຟ 40W ເຮັດໃຫ້ປະສິດທິພາບແບັດເຕີຣີເຫຼືອ ພຽງ 70% ໃນຂະນະທີ່ກຳລັງໄຟ 15 W ເຮັດໃຫ້ປະສິດທິພາບຂອງ ແບັດເຕີຣີເຫຼືອເຖິງ 90% ເມື່ໃຊ້ ໃນໄລຍະເວລາເທົ່າກັນນີ້ອາດເປັນໜຶ່ງເຫດຜົນທີ່ເປັນຫຍັງຜູ້ຜະລິດແບັດເຕີຣີອື່ນໆຄື Apple, Sam sung ແລະOnePlus ເລືອກບໍ່ ເຮັດລະບົບສາກໄວທີ່ຫຼາຍເກີນໄປອອກມາ (ແຕ່ Apple ມາຊ້າແດ່) ໂດຍ Apple ມີສາກໄວ 18W ມາໃຫ້ໃນກ່ອງສ່ວນ Samsung ມີສາກໄວ 25W ມາໃຫ້ໃນກ່ອງ ແລະOnePlus ມີສາກໄວ 30W ມາໃຫ້ເປັນໄປໄດ້ວ່າແບັດເຕີຣີທີ່ ເນັ້ນໃຫ້ຄົນໃຊ້ສະມາດໂຟນໃນໄລຍະຍາວອາດຈະບໍ່ເນັ້ນລະບົບສາກໄວທີ່ຫຼາຍເກີນໄປເພື່ອຖະໜອມ ແບັດເຕີຣີໃຫ້ສາມາດຢູ່ໄດ້ດົນ.

ໃຜທີ່ວາງແຜນໃຊ້ສະມາດໂຟນ ເຄື່ອງໜຶ່ງຈັກ 2-4 ປີບໍ່ເນັ້ນປ່ຽນ ເລື້ອຍໆກໍບໍ່ແນະນຳໃຫ້ໃຊ້ Fast Charge ທີ່ໄວເກີນໄປແຕ່ຫາກໃຜມີແຜນປ່ຽນ 1-2 ປີກໍໃຊ້ຕາມທີ່ສະດວກຈະດີກວ່າ.

-----

ໜັງສືພິມເສດຖະກິດ-ສັງຄົມ

แชร์