ແຕ່ງຕັ້ງຮອງຫົວໜ້າຫ້ອງການສຶກສາທິການ ແລະກີລາເມືອງຕຸ້ມລານ

   ພິທີປະກາດແຕ່ງຕັ້ງຮອງຫົວໜ້າຫ້ອງການສຶກສາທິການ ແລະກີລາເມືອງຕຸ້ມລານ ແຂວງສາລະວັນ ໄດ້ຈັດຂຶ້ນໃນວັນທີ 4 ມິຖຸນາ 2020 ຢູ່ຫ້ອງປະຊຸມຂອງ ຫ້ອງການສຶກສາທິການ ແລະກີລາ ເມືອງ ໂດຍໃຫ້ກຽດເຂົ້າຮ່ວມຂອງ ທ່ານ ສົມຄິດ ກອງໄຊສະຫວັດ ຮອງເລຂາພັກເມືອງ ຜູ້ຊີ້ນຳວຽກ ງານການເມືອງແນວຄິດ, ພັກ-ພະນັກງານ, ທ່ານ ສຸນີ ນາມມະບົວລີ ຮອງຫົວໜ້າພະແນກສຶກສາທິການ ແລະກີລາແຂວງ, ທ່ານ ບຸນລອດ ຄຸນຍອດປັນຍາ ກຳມະການພັກ ເມືອງ ຫົວໜ້າຫ້ອງການສຶກສາທິການ ແລະກີລາເມືອງ ມີບັນດາ ຫົວໜ້າຫ້ອງການ, ຮອງຫ້ອງການ, ພະນັກງານພາຍໃນຫ້ອງການຕະຫຼອດຮອດຫົວໜ້າໜວດແຕ່ລະໂຮງ ຮຽນເຂົ້າຮ່ວມ.

---------

ໜັງສືພິມເສດຖະກິດ-ສັງຄົມ

   ໃນພິທີທ່ານ ບຸນລອດ ຄຸນຍອດປັນຍາ ຫົວໜ້າຫ້ອງການສຶກສາທິການ ແລະກີລາເມືອງ ໄດ້ຂຶ້ນຜ່ານບົດລາຍງານ ໂດຍຫຍໍ້ໃນການຈັດຕັ້ງປະຕິບັດວຽກງານການສຶກສາ, ຫ້ອງການສຶກສາທິການ ແລະກີລາ ເມືອງ ແມ່ນຫ້ອງການໜຶ່ງສາຍຕັ້ງ ຂຶ້ນກັບພະແນກສຶກສາທິການ ແລະ ກີລາແຂວງສາລະວັນ, ສາຍຂວາງ ຂຶ້ນກັບຫ້ອງວ່າການປົກຄອງເມືອງ ຕຸ້ມລານ ແລະເປັນເສນາທິການໃຫ້ແກ່ເຈົ້າເມືອງຕຸ້ມລານ ຊຶ່ງມີພະນັກງານບໍລິຫານ ແລະຄູສອນທັງໝົດ 287 ຄົນ, ຍິງ 101 ຄົນ ໃນນັ້ນມີພະນັກງານລັດຖະກອນທັງໝົດ 253 ຄົນ, ຍິງ 82 ຄົນ, ຄູອາສາສະໝັກ 27 ຄົນ, ຍິງ 10 ຄົນ, ຄູສອນ 95% ມີ 7 ຄົນ, ຍິງ 5 ຄົນ ແລະຈໍານວນພະນັກງານ ຫ້ອງການທັງໝົດ 39 ຄົນ, ຍິງ 10  ຄົນ, ທົ່ວເມືອງມີໂຮງຮຽນ ລ້ຽງເດັກ 1 ແຫ່ງ, ອະນຸບານທັງ ໝົດ 7 ແຫ່ງ, ຫ້ອງກຽມ 21 ແຫ່ງ, ໝວດໂຮງຮຽນປະຖົມສົມບູນ 34 ແຫ່ງ, ປະຖົມສົມບູນ 35 ແຫ່ງ, ມູນລະປະຖົມ 4 ແຫ່ງ, ມັດຖະຍົມ ຕົ້ນ 6 ແຫ່ງ ແລະ ມສ 2 ແຫ່ງ, ທົ່ວ ເມືອງມີນັກຮຽນທັງໝົດ 6.806 ຄົນ, ຍິງ 2.800 ຄົນ.

 ພ້ອມດຽວກັນນີ້ທ່ານ ແຫຼ້ ແສງ ມະນີຮອງຫົວໜ້າຄະນະຈັດຕັ້ງ ເມືອງໄດ້ຂຶ້ນຜ່ານຂໍ້ຕົກລົງຂອງ ທ່ານເຈົ້າເມືອງຕຸ້ມລານ ສະບັບເລກທີ 145/ ຈມ.ຕລ ລົງວັນທີ 7 ພຶດສະພາ 2020 ວ່າດ້ວຍ: ການແຕ່ງຕັ້ງຮອງຫົວໜ້າຫ້ອງການສຶກສາທິການ ແລະກີລາເມືອງ ຕຸ້ມລານ, ໂດຍແຕງຕັ້ງທ່ານ ກິຄຳ ແກ້ວອຸດອນ ເປັນຮອງຫົວໜ້າຫ້ອງ ການສຶກສາທິການ ແລະກີລາເມືອງ.

---------

ໜັງສືພິມເສດຖະກິດ-ສັງຄົມ

แชร์