ທົ່ວໂລກເສຍຊີວິດຍ້ອນພະຍາດໂຄວິດ 4 ແສນກວ່າຄົນ

  ສະຖານະການການແຜ່ລະບາດຂອງເຊື້ອພະຍາດໂຄວິດ-19ຍັງແຜ່ລະບາດຢ່າງຕໍ່ເນື່ອງອາເມລິກາຕິດເຊື້ອໂຄວິດ-19 ຫຼາຍກວ່າ 2 ລ້ານຄົນ ແລະທົ່ວໂລກເສຍຊີວິດແລ້ວຫຼາຍກວ່າ 4 ແສນຄົນ.

  ຕາມຂ່າວຕ່າງປະເທດລາຍງານວ່າສະຖານະການພະຍາດໂຄວິດ-19 ຍັງແຜ່ລະບາດຢ່າງຕໍ່ເນື່ອງໂດຍຕາມການລາຍງານໃນເວລາ 6 ໂມງເຊົ້າຂອງວັນທີ 8 ມິຖຸນາ (ຕາມເວລາຂອງບ້ານເຮົາ)ລະບຸວ່າເຊື້ອໂຄວິດ-19ໄດ້ລຸກລາມໄປແລ້ວ 213 ປະເທດສົ່ງຜົນເຮັດໃຫ້ຍອດຜູ້ຕິດເຊື້ອສະສົມເພີ່ມຂຶ້ນເປັນ 7.081.593 ແລະເສຍຊີວິດ 405.074 ຄົນ ແລະຄົນເຈັບທີ່ຕິດເຊື້ອໂຄວິດປິ່ນປົວດີຢູ່ທີ່ 3.453.636 ຄົນ, ອາເມລິກາມີຜູ້ຕິດເຊື້ອສະສົມ 2.007.093 ຄົນເປັນຄົນເຈັບລາຍໃໝ່ 18.549 ຄົນເສຍຊີວິດເພີ່ມອີກ 370 ຄົນສົ່ງຜົນເຮັດໃຫ້ຍອດຜູ້ເສຍຊີວິດຢູ່ທີ່ 112.466 ຄົນ. ຂະນະທີ່ຣັດເຊຍມີຜູ້ຕິດເຊື້ອລາຍໃໝ່ 8.984 ຄົນ ຍອດຜູ້ຕິດເຊື້ອສະສົມຢູ່ທີ່ 467.673 ຄົນ ໃນຈຳນວນນີ້ມີຜູ້ເສຍຊີວິດ 5.859 ຄົນ.

 ດ້ານແອັດສະປາຍພົບຜູ້ຕິດເຊື້ອລາຍໃໝ່ 240 ຄົນລວມຜູ້ຕິດເຊື້ອສະສົມ 288.630 ຄົນ ເສຍຊີວິດເພີ່ມ 1 ຄົນລວມເປັນ 27.136 ຄົນ, ອັງກິດມີຍອດຜູ້ຕິດເຊື້ອ 286.194 ຄົນ, ຜູ້ຕິດເຊື້ອລາຍໃໝ່ 1.326 ຄົນສ່ວນຜູ້ເສຍຊີວິດເພີ່ມຂຶ້ນເປັນ 40.542 ຄົນ.

__________

ໜັງສືພິມເສດຖະກິດ-ສັງຄົມ

แชร์