ຊາວກະສິກອນບ້ານຫາດສະຕີ ສຸມໃສ່ເກັບກ່ຽວມ້ຽນມັດເຂົ້ານາແຊງ

  ທ່ານ ບຸນໂດຍ ພູມປະເສີດ ຫົວໜ້າກຸ່ມການຜະລິດຊາວກະສິກອນບ້ານຫາດສະຕີ ເມືອງໄຊ ເສດຖາແຂວງອັດຕະປື ໄດ້ໃຫ້ສໍາພາດວ່າ: ປະຈຸບັນຊາວກະສິກອນບ້ານຫາດສະຕີ ໄດ້ສຸມໃສ່ເກັບກຽວມ້ຽນມັດເຂົ້ານາແຊງຂອງຕົນຢ່າງມີຄວາມຮັບຜິດຊອບສູງເພື່ອໃຫ້ທ່ວງທັນກັບລະດູການເນື່ອງຈາກການປັກດໍາເຂົ້ານາແຊງປີນີ້ຫຼ້າຊ້າເມື່ອທຽບກັບປີຜ່ານມາ, ສາເຫດກໍ່ຍ້ອນຫຼາຍປັດໄຈເປັນຕົ້ນການສະໜອງນໍ້າບໍ່ທ່ວງທັນກັບລະດູການມີການສ້ອມແປງຄອງຊົນລະປະທານ ແລະສ້ອມແປງຈັກສູດນໍ້າ, ຊຶ່ງຕາມແຜນການປັກດໍາເຂົ້ານາແຊງປີນີ້ມີເນື້ອທີ່ 39 ເຮັກຕາ, ມີ 60 ຄອບຄົວ ແລະໄດ້ປັກດໍາສໍາເລັດຕາມແຜນການ, ແນວພັນທີ່ໃຊ້,ແນວພັນເຂົ້າທ່າດອກຄໍາ 8, ເຂົ້າກໍຂໍຄາດຄະເນສະມັດຕະພາບຜົນຜະລິດໃຫ້ໄດ້ປະມານ 4,5 ໂຕນຕໍ່ເຮັກຕາ

 ທ່ານ ບຸນໂດຍ ພູມປະເສີດ ຫົວໜ້າກຸ່ມການຜະລິດ ບ້ານຫາດສະຕີໄດ້ກ່າວຕື່ມວ່າ: ສໍາລັບການຜະລິດລະດູຝົນປີນີ້ຂອງກຸ່ມການຜະລິດບ້ານຫາດສະຕີມີແຜນປັກດໍາ ເຂົ້ານາປີໃນເນື້ອທີ່ 388 ກວ່າເຮັກຕາ, ເພື່ອຍົກສະມັດຕະພາບຜົນຜະລິດໃຫ້ສູງແມ່ນຈະໄດ້ນໍາໃຊ້ເຂົ້າປັບປຸງ, ຄາດຄະເນສະເລ່ຍສະມັດຕະພາບໃຫ້ໄດ້ 2 ໂຕນຕໍ່ເຮັກ ຕາ ແລະມີແຜນຈະປູກມັນຕົ້ນ, ອ້ອຍໃນເນື້ອທີ່ 15 ກວ່າເຮັກຕາ ແລະພືດກີນໃບ, ກິນໝາກຈໍານວນໜຶ່ງ, ຊຶ່ງມາຮອດປະຈຸບັນຊາວກະສິກອນບ້ານຫາດສະຕີໄດ້ກຽມ ຄວາມພ້ອມສຸມໃສ່ໃນການຜະລິດລະດູຝົນໃຫ້ທ່ວງທັນກັບລະດູການເປັນຕົ້ນກະກຽມຕົກກ້າ, ໄຖຮຸດນາ, ກຽມຝຸ່ນ ແລະອຸປະກອນການ ຜະລິດອື່ນໆ.

______________

ຂຽນໂດຍ: ຂ,ອັດຕະປື ວັດທະນາ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์