ໂຮງແຮມວັນວຽງຈັນ ຖືກຄັດເລືອກເປັນສູນກັກໂຕແຂກ

  ໂຮງແຮມວັນວຽງຈັນເປັນໜຶ່ງໃນໂຮງແຮມທີ່ລັດຖະບານໄດ້ຄັດເລືອກເປັນສູນກັກກັນຊົ່ວຄາວໃຫ້ແກ່ແຂກໂດຍແນໃສ່ມາດຕະການການກັກໂຕຂອງຄະນະສະເພາະກິດວາງອອກເຊັ່ນ: ຜູ້ທີ່ມາກັກກັນຊົ່ວຄາວຈະຕ້ອງຢູ່ໃນຫ້ອງຕະຫຼອດ 24 ຊົ່ວໂມງເປັນເວລາ 14 ວັນ ແລະຫ້າມມາຍ່າງເລາະຕາມສະຖານທີ່ຕ່າງໆເດັດຂາດ,ຫ້າມບໍ່ໃຫ້ໄປມາຫາສູ່ກັນລະຫວ່າງຫ້ອງກັບຫ້ອງ ແລະບໍ່ໃຫ້ນັດບຸກຄົນພາຍນອກບໍລິເວນໂຮງແຮມເດັດຂາດ.

 ທ່ານ ສີລິພອນ ສະເດັດຕັນ ເຈົ້າຂອງໂຮງແຮມວັນວຽງຈັນ ໃຫ້ສຳພາດວ່າ: ໂຮງແຮມວັນວຽງຈັນເປີດບໍລິການປີ 2019 ພາຍຫຼັງພະຍາດໂຄວິດ-19 ມີການລະບາດກໍ່ໄດ້ປິດບໍລິການຕາມຄະນະສະເພາະກິດວ່າງອອກປະຈຸບັນລັດຖະບານໄດ້ຜ່ອນຜັນມາດຕະການໂຮງແຮມເຮົາຖືກເລືອກເປັນສູນກັກກັນຊົ່ວຄາວໃຫ້ແກ່ແຂກນັກທ່ອງ ທ່ຽວແຕ່ຕົ້ນເດືອນພຶດສະພາຜ່ານມາຊຶ່ງມາຮອດປະຈຸບັນແມ່ນມີຜູ້ທີ່ເຂົ້າມາກັກໂຕ 10 ກວ່າຄົນ ໃນນັ້ນເປັນຄົນລາວ ແລະຕ່າງປະເທດໃນນີ້ທາງໂຮງແຮມແມ່ນຈະສະ ໜອງອຸປະກອນເຄື່ອງໃຊ້ຂັ້ນພື້ນຖານທີ່ຈຳເປັນໃນຫ້ອງນອນທີ່ກຳນົດໄວ້ເພື່ອໃຫ້ນຳໃຊ້ຄົບ 14 ວັນ ສໍາລັບການບໍລິການອາຫານແມ່ນຈະຈັດສົ່ງອາຫານຕາມເວລາທີ່ໂຮງແຮມຈັດສັນໄວ້ໃຫ້ເຊົ້າ, ສວຍ ແລະແລງ, ຜູ້ກັກໂຕຈະຕ້ອງປະຕິບັດການວັດແທກອຸນຫະພູມ ຮ່າງກາຍ 2 ຄັ້ງຕໍ່ວັນ ແລ້ວລາຍງານໃຫ້ເຈົ້າໜ້າທີ່ຕາມລະບຽບຢ່າງເຂັ້ມງວດພາຍຫຼັງກັກກັນຄົບ 14 ວັນອອກໄປແລ້ວຍັງໄດ້ມີການພົ້ນຢາຂ້າເຊື້ອເພື່ອຮອງຮັບການປ້ອງກັນແຂກຄົນຕໍ່ໄປ.

  ໂຮງແຮມວັນວຽງຈັນເປັນໜຶ່ງໃນໂຮງແຮມທີ່ລັດຖະບານໄດ້ຄັດເລືອກເປັນສູນກັກກັນຊົ່ວຄາວໃຫ້ແກ່ແຂກກໍຄືບຸກຄົນ, ນັກຮຽນ-ນັກສຶກສາ, ນັກທຸລະກິດຈາກປະເທດອ້ອມຂ້າງທີ່ໄດ້ຮັບອະນຸຍາດໃຫ້ເດີນທາງເຂົ້າມາ ສປປ ລາວ ຊຶ່ງໂຮງແຮມເຮົາກໍໄດ້ປະຕິບັດຕາມຄຳສັ່ງ, ຄໍາແນະນໍາມາດຕະການການປ້ອງກັນການຕິດເຊື້ອທີ່ຄະນະສະ ເພາະກິດວາງອອກຢ່າງເຄັ່ງຂັດຕໍ່ບັນດາແຂກທີ່ເຂົ້າມາໃຊ້ບໍລິການ.

______________

ຂຽນໂດຍ: ແພງຕາ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์