ກຽມເປີດຕະຫຼາດນັດພົບແຮງງານໃນຮູບແບບອອນລາຍ

  ວັນທີ 4 ມິຖຸນາ 2020 ບໍລິສັດ 108-1009 Group Co.,Ltd ໄດ້ຖະແຫຼ່ງຂ່າວຜ່ານໄລ່ສົດເວັບໄຊ www.jobfest.la ກ່ຽວກັບການຈັດງານມະຫະກໍາວຽກເຮັດງານທໍາ Job Fest ຊຶ່ງນໍາສະເໜີໂດຍທ່ານ ແກ້ວວີສຸກ ດາລາສານ ຜູ້ອໍານວຍການ ບໍລິສັດ 108-1009 Group Co.,Ltd ປີນີ້ໂດຍຕັ້ງເປົ້າວ່າຈະມີບໍລິສັດ ແລະອົງກອນຕ່າງໆ 50 ກວ່າພາກສ່ວນເຂົ້າປະກາດຮັບພະນັກງານ ແລະຜູ້ຊອກວຽກມາຝາກປະຫວັດ 500 ຄົນ.
  ງານ Job Fest “The First Online Job Fair & Career Development Seminar In Laos ມະຫະກຳວຽກເຮັດງານທໍາທາງອອນລາຍ ຊຶ່ງເປັນຄັ້ງທໍາອິດໃນ ສປປ ລາວ ທີ່ຈະຈັດຂື້ນໃນລະຫວ່າງວັນທີ 24-30 ມິຖຸນາ 2020 ທີ່ຈະມາເຖິງນີ້ໂດຍຕັ້ງເປົ້າວ່າຈະມີບໍລິສັດ ແລະອົງກອນຕ່າງໆ 50 ກວ່າແຫ່ງເຂົ້າປະກາດຮັບພະນັກງານ ແລະ ຜູ້ຊອກວຽກມາຝາກປະຫວັດ 500 ຄົນນອກນັ້ນຍັງມີຫຼາກຫຼາຍກິດຈະກຳເຊັ່ນ: ຕະຫຼາດນັດພົບແຮງງານໃນຮູບແບບອອນລາຍ: ເຊິ່ງມີບໍລິສັດຕ່າງໆປະກາດວຽກຫຼາກຫຼາຍຕໍາແໜ່ງຈາກບໍລິສັດແລະອົງກອນຕ່າງໆ 50 ກວ່າແຫ່ງ ໂດຍຜ່ານເວັບໄຊຣ www.JobFest.la ແລະກິດຈະກໍາງານສໍາມະນາໄລ່ສົດຜ່ານ Facebook “Job Fest by 108” ພາຍໃຕ້ຂໍ້ມູນການປະກາດສະໝັກວຽກ, ຂໍ້ມູນຕະຫຼາດແຮງງານ ແລະອື່ນໆ.


  ຈຸດປະສົງແມ່ນມີເປົ້າໝາຍເພື່ອສົ່ງເສີມການຈ້າງງານໃຫ້ແກ່ຜູ້ທີ່ວ່າງງານຢູ່ແລ້ວ, ຜູ້ວ່າງງານທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ, ຜູ້ທີ່ຢາກປ່ຽນວຽກນອກຈາກນັ້ນດ້ານຂອງງານສຳມະນາກໍເປັນການເຜີຍແຜ່ໃຫ້ຄວາມຮູ້ ແລະ ເສີມສ້າງທັກສະ ແລະ ແງ່ຄິດໃນການພັດທະນາຕົນເອງແກ່ຜູ້ທີ່ເຂົ້າຮ່ວມງານ ລວມເຖິງພໍ່ແມ່ຜູ້ປົກຄອງທີ່ຊອກຮູ້ຫາຂໍ້ມູນເພື່ອວາງແຜນອະນາຄົດໃຫ້ລູກຫຼານ ແລະ ນັກສຶກສາຈົບໃໝ່ໃນໄລຍະນີ້ສຳລັບໃຜທີ່ສົນໃຈເຂົ້າຮ່ວມງານພຽງແຕ່ລົງທະບຽນທີ່ www.jobfest.la ຕິດຕາມການເຄື່ອນໄຫວ ແລະຂໍ້ມູນລາຍລະອຽດຕ່າງໆກິດຈະກຳຂອງງານໄດ້ທີ່ Facebook Page “JobFest By 108”.

แชร์