ປະຊາຊົນຊຳລະຄ່ານໍ້າປະປາຜ່ານເອຊີລີດາ ທັນໃຈ ຈະໄດ້ຮັບສ່ວນຫຼຸດ 5%

  ໃນຍຸກສະໄໝເຕັກໂນໂລຊີ ແລະໃນຊ້ວງການແຜ່ລະບາດຂອງພະຍາດ COVID-19 ຜະລິດຕະພັນດີຈີຕອລ ແລະອີເລັກໂທຣນິກແມ່ນມີບົດບາດສຳຄັນຫຼາຍຜະລິດ ຕະພັນດີຈີຕອລຊ່ວຍໃຫ້ບັນດາຫົວໜ່ວຍທຸລະກິດສາມາດເຮັດທຸລະກຳການໂອນເງິນ ແລະ ທຸລະກຳອື່ນໆໃນບັນຊີຂອງຕົນເອງໄດ້ຢ່າງສະດວກສະບາຍ. ທຸລະກຳການໂອນເງິນ,ການຊຳລະຄ່າສາທາລະນຸປະໂພກສາມາດດຳເນີນການໄດ້ແບບອັດຕະໂນມັດ, ສະນັ້ນລູກຄ້າຂອງທະນາຄານ ເອຊີລີດາ ສາມາດໃຊ້ເວລາໄປເຮັດສິ່ງອື່ນໆໄດ້ອີກ.
ທະນາຄານ ເອຊີລີດາ ລາວຈຳກັດ,ປະຊາທະນາຄານທີ່ທ່ານໄວ້ວາງໃຈ ແລະມີວິໄສທັດໃນການເປັນຜູ້ນຳໃນດ້ານທະນາຄານເພື່ອ SME ໃນ ສປປ ລາວຈິ່ງໄດ້ຈັດມີການຈັດກິດຈະກຳເປັນການຊຸກຍູ້ສົ່ງເສີມແລະຄືນກຳໄລໃຫ້ກັບລູກຄ້າທີ່ຊຳລະຄ່ານໍ້າປະປາຜ່ານ ເອຊີລີດາ ທັນໃຈຈະໄດ້ຮັບສ່ວນຫຼຸດ 5% ຂອງຈຳນວນເງິນທີ່ຊຳລະເລີ່ມແຕ່ວັນທີ 8 ມິຖຸນາ ເຖີງວັນທີ 31 ສີງຫາ 2020.
  ປະຈຸບັນ, ມີລູກຄ້າເກືອບ 50 ພັນຄົນ ນຳໃຊ້ເອຊີລີດາທັນໃຈທີ່ມີຫຼາກຫຼາຍ functionເຊັ່ນ: ການຊຳລະຜ່ານ QR Code, ການໂອນເງິນ, ການຊຳລະຄ່າສາທາລະນຸປະໂພກ (ນໍ້າປະປາ, ໂທລະຄົມ ແລະອື່ນໆ) ກວດການເຄື່ອນໄຫວບັນຊີ,ອັດຕາແລກປ່ຽນ ແລະຂໍ້ມູນທີ່ກ່ຽວຂ້ອງອື່ນໆ ແລະ function ໃໝ່ໆອີກທີ່ຈະພ້ອມໃຫ້ບໍລິການໃນໄວໆນີ້ເຊັ່ນ: ການຊຳລະໃບບິນຄ່າອິນເຕີເນັດ, ການຕື່ມ ມູນຄ່າໂທ ແລະການຊຳລະໃບບິນອື່ນໆ.
 ໃນໂອກາດສະເຫຼີມສະຫຼອງ 12 ປີ ແຫ່ງການດຳເນີນງານໃນ ສປປ ລາວ, ທະນາຄານເອຊີລີດາລາວຈຳກັດໄດ້ຖືກຈັດເປັນທະນາຄານທຸລະກິດອັນດັບ 1 ໃນການສ້າງວຽກເຮັດງານທຳໃນຂະແໜງການດັ່ງກ່າວໃຫ້ແກ່ປະຊາຊົນລາວ ແລະເປັນທະນາຄານແຫ່ງທຳອິດໃນລາວທີ່ໃຫ້ບໍລິການຖອນເງິນສົດຜ່ານຕູ້ເອທີເອັມໂດຍບໍ່ໃຊ້ບັດດ້ວຍການນຳໃຊ້ເລກລະຫັດ OTP. ACLEDA ToanChet (ທັນໃຈ) ທີ່ຊ່ວຍໃຫ້ສູກຄ້າສາມາດເຮັດທຸລະກຳໄດ້ທຸກວັນທຸກທີ່ ທຸກເວລາ. ໃນລະດັບພາກພື້ນ, ກຸ່ມທະ ນາຄານເອຊີລີດາປະກອບມີທະນາຄານເອຊີລີດາມະຫາຊົນເຊິ່ງສ້າງຕັ້ງຂຶ້ນຕັ້ງແຕ່ປີ 1993 ແລະບໍລິສັດລູກທີ່ດຳເນີນທຸລະກິດຢູ່ປະເທດກຳປູເຈຍ, ລາວ ແລະມຽນມາດ້ວຍມູນຄ່າຊັບສິນລວມທັງໝົດຫຼາຍກວ່າ 6 ຕື້ໂດລາ ສະຫະລັດ, ສາຂາ 316 ແຫ່ງ, ຕູ້ ATM 688ໜ່ວຍ ແລະຍັງໃຫ້ບໍລິການລູກຄ້າຫຼາຍລ້ານຄົນ ແລະບໍລິການໂອນເງິນທົ່ວໂລກ.

แชร์