ຣັດເຊຍ ປະກາດພາວະສຸກເສີນນໍ້າມັນຮົ່ວໄຫຼ

ທ່ານ ວະລາດິເມຍ ປູຕິນ ປະທານາທິບໍດີຂອງຣັດເຊຍປະກາດສະຖານະການສຸກເສີນດ້ານສິ່ງແວດລ້ອມລະດັບປະເທດເນື່ອງຈາກນໍ້າມັນກະຊວນໃນສາງຂອງ ບໍລິສັດແຫ່ງໜຶ່ງເປ່ເພ ສົ່ງຜົນເຮັດໃຫ້ນໍ້າມັນຈຳນວນຫຼາຍໄຫຼລົງແມ່ນໍ້າທີ່ຈະອອກສູ່ທະເລອາກຕິກ.

ຕາມຂ່າວຕ່າງປະເທດລາຍ ງານວ່າ ຜູ້ນໍາຣັດເຊຍລົງນາມໃນຄຳສັ່ງຝ່າຍບໍລິຫານປະກາດສະຖານະການສຸກເສີນດ້ານສິ່ງແວດລ້ອມລະດັບປະເທດທີ່ເມືອງນໍຣິສ ໃກ້ກັບທະເລອາກຕິກ ຫຼັງຈາເກີດເຫດຖັງເກັບນໍ້າມັນເຊື້ອເພີງຂອງບໍລິສັດນໍສ ນິກເກີລ ຜູ້ປະກອບການ ໂຮງງານໄຟຟ້າເອັນເທັກທີ່ຕັ້ງຢູ່ບໍ່ໄກຈາກສະຖານທີ່ເກັບເຊື້ອເພີງ ຫັກເພລົງມາໃນອາທິດທີ່ຜ່ານມາ ສົ່ງຜົນເຮັດໃຫ້ນໍ້າມັນກະຊວນຫຼາຍ ກວ່າ 20.000 ໂຕນຮົ່ວໄຫຼລົງ ສູ່ແມ່ນໍ້າຫຼາຍສາຍ ແລະອາດໄຫຼ ໄປຈົນເຖິງທະເລອາກຕິກ. ດ້ານ ທ່ານ ເຢບເກນີ ຊິນິເຊຟ ລັດຖະມົນຕີກະຊວງສະຖານະການສຸກເສີນຂອງຣັດເຊຍກຽມລົງພື້ນທີ່ທີ່ເກີດເຫດ ໂດຍທ່ານກ່າວວ່າ ຂັ້ນຕອນການເຮັດຄວາມສະອາດໃນຄັ້ງນີ້ອາດຕ້ອງການສະໜັບສະໜູນຈາກກອງທັບໂດຍຄາດວ່າເຈົ້າໜ້າທີ່ຈະໃຊ້ວິທີເລັ່ງປະຕິກິລິຍາ ໃຫ້ເກີດການລະເຫຍ ເນື່ອງຈາກນໍ້າມັນກະຊວນມີນໍ້າໜັກເບົາກວ່ານໍ້າມັນດິບ.

ຢ່າງໃດກໍຕາມຂັ້ນຕອນການເຮັດຄວາມສະອາດເປັນເລື່ອງທີ່ຍາກບໍ່ແມ່ນພຽງນໍ້າມັນກະຊວນຮົ່ວໄຫຼລົງແມ່ນໍ້າສາຍນີ້ຫຼາຍທີ່ສຸດເທົ່ານັ້ນແຕ່ແມ່ນໍ້າສາຍນີ້ຕື້ນເກີນໄປຈົນບໍ່ອາດສາມາດເດີນທາງດ້ວຍເຮືອໄດ້ ແລະແມ່ນໍ້າຍັງໄຫຼຜ່ານພື້ນທີ່ຊຶ່ງເສັ້ນທາງຄົມມະນາຄົມຍັງເຂົ້າໄປບໍ່ຮອດ.

 -------

ໜັງສືພິມເສດຖະກິດ-ສັງຄົມ

 

แชร์