ກຳປູເຈຍ ເລັ່ງແຈກເງິນອຸດໜູນໃຫ້ 2,3 ລ້ານຄົນ

 ກະຊວງວາງແຜນກຳປູເຈຍເປີດເຜີຍແຜນການນາຍົກລັດຖະມົນຕີ ຮຸນເຊນ ແຈກເງິນ 5,6 ແສນຄອບຄົວຫຼືເກືອບ 2,3 ລ້ານຄົນຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກການແຜ່ລະບາດຂອງເຊື້ອພະຍາດໂຄວິດ-19.

 ຕາມຂ່າວຕ່າງປະເທດລາຍງານວ່າ ເຈົ້າໜ້າ ທີ່ອາວຸໂສປະຈຳກະຊວງວາງແຜນຂອງກຳປູ ເຈຍລາຍງານວ່າ ກຳປູເຈຍວາງແຜນແຈກເງິນອຸດໜູນໃຫ້ກັບຄອບຄົວທີ່ທຸກຍາກ ແລະຂາດແຄນຈຳນວນ 562.686 ຄອບຄົວ ຊຶ່ງມີສະມາຊິກເກືອບ 2,3 ລ້ານຄົນ ໃນໄລຍະການແຜ່ລະບາດຂອງເຊື້ອໂຄວິດ-19, ໂດຍຄອບຄົວທີ່ທຸກຍາກເຫຼົ່ານີ້ ຈະໄດ້ຮັບເງິນອຸດໜູນຈາກລັດຖະບານ ແຕ່ຍັງບໍ່ເປີດເຜີຍເຖິງລາຍລະອຽດກ່ຽວກັບຈຳນວນເງິນ ແລະເວລາທີ່ພວກເຂົາຈະໄດ້ຮັບເງິນ, ທັງນີ້ ໄດ້ກຽມສົ່ງຂໍ້ມູນນີ້ໄປເຖິງທ່ານນາ ຍົກລັດຖະມົນຕີແລ້ວ ຜ່ານທາງກະຊວງເສດຖະກິດ ແລະການເງີນເພື່ອໃຫ້ ທ່ານ ຮຸນເຊນ ເປັນຜູ້ຕັດສິນໃຈເລື່ອງນີ້,

 ກະຊວງສາທາລະນາສຸກກຳປູເຈຍລາຍ ງານການກວດພົບໂຄວິດ-19 ທີ່ໄດ້ຮັບການຢືນຢັນລວມມີ 125 ຄົນ ຊຶ່ງສ່ວນໃຫຍ່ເປັນຄົນເຈັບທີ່ມາຈາກຕ່າງປະເທດ ແລະຍັງບໍ່ມີລາຍ ງານການກວດພົບຄົນເຈັບທີ່ເສຍຊີວິດ ໂດຍ ຂະນະນີ້ຍັງເຫຼືອຄົນເຈັບທີ່ປິ່ນປົວຢູ່ໂຮງໝໍພຽງ 2 ຄົນ.

--------

ໜັງສຶພິມເສດຖະກິດ-ສັງຄົມ

แชร์