ເສດຖະກິດຫວຽດນາມກັບມາເຕີບໂຕ

  ເສດຖະກິດ ສສ ຫວຽດນາມ ກັບມາເຕີບໂຕຄືນໃໝ່ພາຍຫຼັງເກີດການແຜ່ລະບາດຂອງພະຍາດໂຄວິດ-19. ຕາມຂ່າວສານຫວຽດ ນາມລາຍງານວ່າໃນ 5 ເດືອນຕົ້ນປີ 2020 ນີ້ຍອດວົງເງິນສົ່ງອອກ-ນໍາເຂົ້າສິນຄ້າຂອງຫວຽດນາມຄາດຄະເນວ່າບັນລຸໄດ້ເກືອບ 197 ຕື້ໂດລາສະຫະລັດ. ຊຶ່ງຫວຽດນາມສືບຕໍ່ມີມູນຄ່າການສົ່ງອອກເກີນດຸນແມ່ນ 1,9 ຕື້ໂດລາ, ສູງກວ່າຫຼາຍເມື່ອທຽບໃສ່ຕົວເລກຂາດດຸນ 256 ລ້ານໂດລາໃນໄລຍະດຽວກັນຂອງປີກາຍ,ຕາມການຄາດຄະເນຂອງກອງທຶນເງິນການເງີນກົນແລ້ວ, ຫວຽດນາມແມ່ນໜຶ່ງໃນຈຳນວນໜ້ອຍປະເທດທີ່ມີການເຕີບໂຕເປັນບວກ ດ້ວຍອັດຕາແມ່ນ 2,7%.

    ໃນຂະນະດຽວກັນ, ທະນາຄານໂລກຄາດຄະເນວ່າ ການເຕີບໂຕປີ 2020 ຂອງຫວຽດນາມຈະຢູ່ໃນລະດັບ 4,9% ແລະທະນາຄານພັດທະນາອາຊີຄາດຄະເນວ່າ ແມ່ນ 4,8%. ດ້ວຍບັນດາການເຕີບໂຕຂອງພື້ນຖານເສດຖະກິດໃນເດືອນພຶດສະພາທີ່ຜ່ານມານີ້ ແມ່ນກຳລັງໜູນເພື່ອໃຫ້ຫວຽດນາມບັນລຸໄດ້ບັນດາເປົ້າໝາຍເຕີບໂຕທີ່ວາງອອກ.

--------

ໜັງສືພິມເສດຖະກິດ-ສັງຄົມ

แชร์