ເຕັກໂນໂລຊີລຸ້ນໃໝ່ໃຊ້ຊ່ວຍເຫຼືອ ແລະຮອງຮັບການເຮັດວຽກຂອງພະນັກງານແພດ

 ການແຜ່ລະບາດຄັ້ງໃຫຍ່ ຂອງເຊື້ອໂຄວິດ-19 ໃນຄັ້ງນີ້ໄດ້ ສົ່ງຜົນກະທົບຕໍ່ກວ່າ 210 ປະເທດທົ່ວໂລກທີ່ມີຜູ້ຕິດເຊື້ອຫຼາຍກວ່າ 4 ລ້ານຄົນ ແລະກະທົບຕໍ່ເສດຖະກິດທົ່ວໂລກຢ່າງຮຸນແຮງມີຜົນເຮັດໃຫ້ໜ່ວຍງານທາງການແພດຕ່າງໆຕ້ອງຢູ່ພາຍໃຕ້ແຮງກົດດັນໃນການປິ່ນປົວຄົນເຈັບທີ່ຫຼັ່ງໄຫຼເຂົ້າມາເປັນຈຳນວນຫຼາຍຕ້ອງແຂ່ງຂັນກັບເວລາເພື່ອເລ່ງການຮັກສາຊີວິດ ແລະປ້ອງກັນການແຜ່ຂະຫຍາຍໄວຣັດລະຫວ່າງຜູ້ຄົນຊຶ່ງເຮັດໃຫ້ມີຫຼາຍຄັ້ງພວກເຂົາຕ້ອງເສຍສະລະ ແລະຍອມສ່ຽງຊີວິດຕົນເອງ ເພື່ອປິ່ນປົວຄົນເຈັບແມ່ນແຕ່ໃນບາງຄັ້ງຍັງຕ້ອງປິ່ນປົວໂດຍປະສະຈາກອຸປະກອນປ້ອງກັນສ່ວນບຸກຄົນ (PPE).

  ການປັບໃຊ້ເຕັກໂນໂລຊີໄດ້ຢ່າງທັນການຈຶ່ງເຂົ້າມາມີສ່ວນຊ່ວຍໃນການຕໍ່ສູ້ຄັ້ງນີ້ໂດຍຊ່ວຍທຳການທົດສອບກໍລະນີຕ້ອງສົງໄສອຳນວຍຄວາມສະດວກໃນການແຍກວັດຖຸອຸປະກອນທາງການແພດໄປຍັງພາກພື້ນຕ່າງໆຊຶ່ງມີຄວາມຕ້ອງການຫຼາຍທີ່ສຸດໄດ້ ແລະຍັງສາມາດຈັດການດູແລສຸຂະພາບໄລຍະໄກໃນພື້ນທີ່ທີ່ມີຄວາມສ່ຽງຕໍ່ການລະ ບາດຕໍ່າ.

  ຄວາມກ້າວໜ້າຂອງເຕັກໂນໂລຊີ AI ໃນທາງການແພດ: ເຕັກໂນໂລຊີ AI ໃນທາງການແພດຂອງ Tencent ໄດ້ເຂົ້າມາຊ່ວຍເລ່ງຜົນວິໄຈຄົນເຈັບໂຄວິດ-19 ເນື່ອງ ຈາກແພດໃນດ່ານໜ້າກຳລັງປະເຊີນກັບແຮງກົດດັນທີ່ເພີ່ມຂຶ້ນເພາະບໍ່ສາມາດຮອງຮັບຄວາມຕ້ອງການໃຊ້ເຄື່ອງສະແກນລັງສີຄອມພິວເຕີ (ຊີທີສະແກນ-CT Scan) ໄດ້ຢ່າງພຽງພໍຈາກການທີ່ມີຄົນເຈັບຈຳນວນຫຼາຍໃນຂະນະທີ່ມີເຄື່ອງຊີທີສະແກນຈຳນວນຈຳກັດ.

_____________

ໜັງສືພິມເສດຖະກິດ-ສັງຄົມ

แชร์