ເມືອງສາມັກຄີໄຊ ຈັດກິດຈະກຳປູກຕົ້ນໄມ້ຢູ່ໂຮງຮຽນບ້ານກະໂສມ

  ພິທີປູກຕົ້ນໄມ້ແຫ່ງຊາດດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 1 ມິຖຸນາ 2020 ຜ່ານມານີ້ທີ່ໂຮງຮຽນປະຖົມສຶກສາບ້ານກະໂສມເມືອງສາມັກຄີໄຊແຂວງອັດຕະ ປື ໂດຍພາຍໃຕ້ການເປັນປະທານຂອງທ່ານ ບຸນທະມາລີ ເຈົ້າເມືອງສາມັກຄີໄຊ ແລະການເປັນກຽດເຂົ້າຮ່ວມຂອງທ່ານ ນາງ ມີນາພອນ ໄຊສົມພູ ຮອງເລຂາພັກ ຫົວ ໜ້າຄະນະຈັດຕັ້ງແຂວງ, ທ່ານນາງ ແສງເດືອນ ຟອງສະໝຸດ ຮອງຫົວໜ້າພະແນກກະສິກຳ ແລະປ່າໄມ້ແຂວງ, ທ່ານ ອຸດົມສິນ ສີຊານົນ ຮອງຫົວໜ້າພະແນກສຶກສາທິການ ແລະກີລາແຂວງ, ມີບັນດາຄະນະການນຳຂັ້ນແຂວງ, ຂັ້ນເມືອງພ້ອມດ້ວຍພະນັກງານ, ທະຫານ, ຕຳຫຼວດ,ອົງການປົກຄອງບ້ານ, ນັກທຸລະກິດ, ພໍ່-ແມ່ປະຊາຊົນ ແລະນ້ອງນັກຮຽນເຂົ້າຮ່ວມຢ່າງຫຼວງຫຼາຍ.

 ຊຶ່ງຕົ້ນໄມ້ທີ່ນຳມາປູກຄັ້ງນີ້ມີຈຳນວນ 360 ຕົ້ນໃນນັ້ນມີໄມ້ຂະຍູງ 300 ຕົ້ນ, ໄມ້ສາມສາ 10 ຕົ້ນ, ດອກຄູນ 10 ຕົ້ນ, ການປູກແມ່ນມີຄອກອ້ອມຢ່າງແໜ້ນໜ້າທຸກຕົ້ນ.

___________

ໜັງສືພິມເສດຖະກິດ-ສັງຄົມ

แชร์