ໄມໂຄຣຊອບກຽມປິດວິນໂດໂຟນ

   ບໍລິສັດໄມໂຄຣຊອບຄໍປໍເຣຊັນອອກຖະແຫຼງການລະບຸວ່າທາງບໍລິສັດຈະຍຸຕິການໃຫ້ບໍລິການສະໜັບສະໜູນໂທລະສັບມືຖືວິນໂດໂຟນ” ໃນທ້າຍປີນີ້ຫຼັງຈາກທີ່ຄັ້ງໜຶ່ງໄມໂຄຊອບເຄີຍຄາດຫວັງວ່າວິນໂດໂຟນຈະເປັນຜະລິດຕະພັນທີ່ຈະຕີຕະຫຼາດຊຳຊຸງ, ແບລ໊ກເບີຣີ ຫຼື ໄອໂຟນ.

ທັງນີ້ໄມໂຄຣຊອບລະບຸວ່າໃນວັນທີ 10 ທັນວາທາງບໍລິສັດຈະ ຍຸຕິການອັບເດດການປ້ອງກັນລະ ບົບ ຫຼື ການສະໜັບສະໜູນດ້ານເຕັກນິກຕໍ່ວິນໂດໂຟນ ໂດຍບໍ່ເສຍຄ່າໃຊ້ຈ່າຍ “ຈາກການທີ່ບໍລິສັດຍຸຕິການສະໜັບສະໜູນລະບົບປະຕິບັດການວິນໂດ10 ໂມບາຍເຮົາຈຶ່ງຂໍແນະນຳໃຫ້ລູກຄ້າຫັນໄປໃຊ້ອຸປະກອນຊຶ່ງໃຊ້ລະບົບປະຕິບັດການແອນດຣອຍ ຫຼື ໄອໂຟນ” ຖະແຫຼງການລະບຸໄມໂຄຣຊອບໄດ້ເປີດໂຕວິນໂດໂຟນ 7 ໃນປີ 2010 ຊຶ່ງ ຂະນະນັ້ນໄມໂຄຣຊອບປະກາດວ່າແບລ໊ກເບີຣີ ແລະ ໄອໂຟນຕາຍແລ້ວ.

ນັກວິເຄາະລະບຸວ່າສາເຫດທີ່ສຳຄັນທີ່ເຮັດໃຫ້ໄມໂຄຣຊອບປະສົບຄວາມລົ້ມແຫຼວໃນການຈຳ                                                           ໜ່າຍວິນໂດໂຟນເປັນເພາະມີແອັບພະລິເຄຊັນນ້ອຍເກີນໄປເມື່ອທຽບກັບລະບົບແອນດຣອຍ ຫຼື ໄອໂອ ເອສຂອງໄອໂຟນ

แชร์