ແຄມຂອງວິວ ອາຫານແຊບ ບັນຍາກາດດີ ສັງຄົມໃຫ້ການຕອບຮັບ

  ຮ້ານອາຫານແຄມຂອງວິວ ນະຄອນຫຼວງວຽງຈັນ ຖືເປັນຮ້ານໜຶ່ງທີ່ສ້າງຂຶ້ນເໝາະແກ່ການພັກຜ່ອນນັ່ງຫຼິ້ນພ້ອມຊົມວິວກັບບັນຍາກາດສົດໆມີສະຖານທີ່ຕິດແຄມຂອງນອກຈາກນີ້ມີອາຫານນັບແຕ່ພື້ນບ້ານຮອດອາຫານທະເລປະມານ 60-70 ລາຍການໄວ້ຄອຍບໍລິການ.


   ເມື່ອບໍ່ດົນມານີ້ ທ່ານ ສີນວນ ຫຼວງຜົມ ເຈົ້າຂອງຮ້ານແຄມຂອງວິວໃຫ້ສຳພາດຕໍ່ນັກຂ່າວໜັງສືພິມເສດຖະກິດ-ສັງຄົມ ໃຫ້ຮູ້ວ່າ: ຮ້ານອາຫານແຄມຂອງວິວເລີ່ມເປີດບໍລິການມາທ້າຍປີ 2019 ຈາກຕົນເອງມີຄວາມມັກຮັກໃນການບໍລິການຮ້ານອາຫານໄປເປັນພະນັກງານມາ 10 ປີໄດ້ຮຽນຮູ້ ແລະນຳເອົາປະສົບການມາເປີດຮ້ານຕົນເອງ.


   ປະຈຸບັນຮ້ານອາຫານແຄມຂອງວິວຖືເປັນຮ້ານໜຶ່ງທີ່ສັງຄົມໃຫ້ຄວາມສົນໃຈ ແລະເປັນທີ່ຍອມຮັບດີໂດຍສະເພາະຊາວເມືອງຫາດຊາຍຟອງ ທີ່ສັງເກດໄດ້ເຫັນວ່າແຕ່ ລະມື້ຄ່ອຍຄໍ່າຍາມແລງຈະມີລູກຄ້າມານັ່ງໃຊ້ບໍລິການທຸກໂຕະໂດຍສະເພາະຫຼາຍກ່ອນໝູ່ແມ່ນວັນເສົາ-ອາທິດ.


    ຮ້ານອາຫານແຄມຂອງວິວມີເມນູອາຫານບໍລິການປະມານ 60-70 ລາຍການນັບແຕ່ອາຫານພື້ນບ້ານຮອດເຄື່ອງປະເພດທະເລໂດຍຈຸດເດັ່ນ ແລະຈຸດພິເສດຂອງຮ້ານຖືກວ່າແມ່ນມີສະຖານທີ່ຕິດແຄມຂອງທີ່ມີທິວທັດທຳມະຊາດໂດຍສະເພາະຍາມແລງພິເສດນອກຈາກບໍລິການປົກກະຕິທາງຮ້ານເພິ່ນເຮັດກິດຈະກຳບາງໄລຍະ ໂດຍຈະມີໝູ່ຄູ່ສ້າງຄວາມມ່ວນຊື່ນໃນການຂີ່ເຈັດສະກີໃນການສ້າງສີສັນແຖວບໍລິເວນຮ້ານ.


  ຮ້ານເພິ່ນຕັ້ງຢູ່ບ້ານທ່າເດືອ ເມືອງຫາດຊາຍຟອງ ນະຄອນຫຼວງວຽງຈັນ ໃຜທີ່ຍັງບໍ່ທັນໄປເຊີນຮັບຮອງທ່ານຈະບໍ່ຜິດຫວັງ.

__________________

  ຂຽນໂດຍ: ບຸນນິກ

  ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์