ວີເຄເຄ ເນັ້ນຄຸນນະພາບທີ່ສັງຄົມໃຫ້ການຍອມຮັບ

  ໂຮງງານ ວີເຄເຄ ອຸດສາຫະກຳຖືເປັນໂຮງງານໜຶ່ງທີ່ເປັນຜູ້ຜະລິດຈຳໜ່າຍສິນຄ້າປະເພດຫຼັກຄົບວົງຈອນທີ່ມີປະສົບການຫຼາຍກວ່າ 10 ປີທີ່ໄດ້ຮັບການຍອມຮັບຈາກສັງຄົມເລື່ອງມາດຖານຄຸນນະພາບໃນລະດັບສາກົນສິນຄ້າທີ່ຜະລິດຈຳໜ່າຍທີ່ສະເລ່ຍໃຫ້ເຫັນແຕ່ລະປີການຈຳໜ່າຍເພີ່ມຂຶ້ນ 10%.

  ທ່ານ ບຸນທະວົງ ບຸນເລີດ ເຈົ້າຂອງໂຮງງານວີເຄເຄອຸດສາຫະກຳໃຫ້ສຳພາດກັບນັກຂ່າວໜັງສືພິມເສດຖະກິດ-ສັງຄົມ ໃຫ້ຮູ້ວ່າ: ໂຮງງານສ້າງຂຶ້ນປີ 2003 ເບື້ອງ ຕົ້ນຜະລິດແຕ່ສັງກະສີເຄືອບສີຖືວ່າໄດ້ຮັບຜົນຕອບຮັບຢ່າງດີ, ຕໍ່ມາອີກ 2 ປີຜະລິດຕະພັນເຫຼັກທຸກຊະນິດມາຮອດປີ 2009 ແລະ ມາຮອດປະຈຸບັນຍ້ອນໄດ້ຮັບການເຊື່ອໝັ່ນຈາກສັງຄົມຈຳນວນກວ້າງເຮັດໃຫ້ທາງໂຮງງານເພີ່ມຂັ້ນຕອນການຜະລິດເພື່ອໃຫ້ໄດ້ຕາມຄວາມຕ້ອງການຂອງລູກຄ້າຜະລິດເສົາໄຟເຢືອງທາງຜະລິດແຜ່ນມຸງຫຼັງຄາເຫຼັກ, ເຫຼັກຮູບປະພັນທຸກຊະນິດ, ໂຄງຫຼັງຄາ, ເສົາໄຟເຍືອງທາງ,ຮາວປ້ອງກັນ ແລະທໍ່ສົ່ງນໍ້າລະດັບສູງແລະອື່ນໆ ຖືວ່າຄົບວົງຈອນເລື່ອງປະເພດຫຼັກໂຮງງານແມ່ນທາງໂຮງງານແມ່ນສາມາດເຮັດໄດ້ທຸກຢ່າງຕາມລູກຄ້າຕ້ອງການ.

  ສຳລັບວັດສະດຸນຳເຂົ້າມາຜະລິດຈຳໜ່າຍແມ່ນນຳເຂົ້າຈາກຫຼາຍປະເທດຕ່າງປະເທດເຊັ່ນໄທ, ຫວຽດນາມ, ອິນເດຍໂດຍມີຕະຫຼາດຈຳໜ່າຍແມ່ນຢູ່ແຕ່ພາຍໃນໂດຍມີສາຂາແຂວງຫຼວງພະບາງ,ປາກເຊ, ປາກຊັນ ແລະນະຄອນຫຼວງວຽງຈັນ ແຜນຕໍ່ໜ້າແມ່ນຈະສົ່ງອອກຕ່າງປະເທດຊຶ່ງສະເລ່ຍຍອດຈຳໜ່າຍໂຮງງານຖືວ່າເພີ່ມ 10% ຕໍ່ປີ ທີ່ສຳຄັນແມ່ນສາມາດສ້າງວຽກງານຕໍ່າແໜງຄົນລາວ 80 ຄົນ.

  ປະຈຸບັນດັ່ງຮູ້ກັນວ່າເລື່ອງພະຍາດໂຄວິດ 19 ເຖິງແມ່ນຢູ່ລາວເຮົາບໍ່ມີການແຜ່ລະບາດແຕ່ພັກ-ລັດເພິ່ນກໍ່ສືບຕໍ່ໃຫ້ທຸກພາກສ່ວນປະຕິດບັດເຂັ້ມງວດຊຶ່ງທາງໂຮງງານວີເຄເຄອຸດສາຫະກຳແມ່ນກໍ່ໄດ້ປະຕິບັດຕາມຂັ້ນຕອນທຸກຢ່າງໃນການຄວບຄຸມພະຍາດ.

  ເຈົ້າຂອງໂຮງງານກ່າວຕື່ມວ່າສຳລັບໂຮງງານວີເຄເຄອຸດສາຫະກຳແມ່ນຈະສືບຕໍ່ປະຕິດບັດທຸລະກິດຂອງຕົນອອກມາໄດ້ຮັບມາດຖານ ແລະຜະລິດຄຸນນະພາບໂດຍສີມືຂອງຄົນລາວທີ່ສາມາດຜະລິດໄດ້ມາດຖານທຽບເທົ່າສາກົນ ແລະຂອບໃຈລູກຄ້າໃຫ້ການສະໜັບສະໜູນຜະລິດຕະພັນຄົນລາວຕະຫຼອດມາໂຮງງານຕັ້ງຢູ່ບ້ານໄພລ້ອມ ນະຄອນຫຼວງວຽງຈັນ.

_________________

 ຂຽນໂດຍ: ບຸນນິກ

ພາບແລະຂ່າວ: ໜັງສືພິມເສດຖະກິດ-ສັງຄົມ

แชร์