ເມືອງນອງ ໃຫ້ການຕ້ອນຮັບນັກສຶກສາແພດ ລົງຝຶກງານ

 ວັນທີ 1 ມິຖຸນາ 2020 ທີ່ສະໂມສອນຈຸດສຸມຕັງອາໄລ-ລະ ແບງ ເມືອງນອງ ແຂວງສະຫວັນນະເຂດ ໄດ້ຈັດພິທີຕ້ອນຮັບນັກສຶກສາແພດລົງຝຶກງານຢູ່ເຂດຈຸດສຸມຕັງອາໄລຄື:ບ້ານຕັງອາໄລເກົ່າຈຸດສຸມຕັງອາໄລ ແລະບ້ານປະໂຕ໊ຍໃຫຍ່ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ດຣ ບົງສຸວັນ ພັນທະວົງສາຫົວໜ້າພະແນກສາທາລະນະສຸກແຂວງສະຫວັນນະເຂດ, ທ່ານ ນາງ ສັງທອງ ກຽດຕະວົງ ປະທານກວດກາພັກ-ລັດເມືອງ, ທ່ານ ນາງ ສູນທອນ ໂພທິສານ ອຳນວຍການໂຮງຮຽນວິທະຍາໄລສຸຂະພາບແຂວງນອກ ນັ້ນກໍ່ມີບັນດາຫົວໜ້າຫ້ອງການສາທາລະນະສຸກເມືອງ, ຫົວໜ້າສຸກສາລາຈຸດສຸມ, ຫົວໜ້າຈຸດສຸມ, ກຸ່ມ ບ້ານ, ອຳນາດການປົກຄອງ, ພໍ່ແມ່ປະຊາຊົນພາຍໃນເຂດຈຸດສຸມເຂົ້າຮ່ວມ.

  ເພື່ອເຮັດໃຫ້ການລົງປະຕິບັດການຝຶກງານຢູ່ຊຸມຊົນຂອງນັກສຶກສາແພດຊັ້ນສູງສາຍກົງ, ຊັ້ນສູງພະຍາບານສາຍກົງ, ພະຍາບານສາຍຕໍ່ເນື່ອງ ແລະນັກສຶກສາຜະດຸງຄັນຊັ້ນສູງສາຍກົງໃນສົກ ປີ 2019-2020 ຈຳນວນ 55 ຄົນ, ຍິງ 48 ຄົນໃຫ້ເປັນໄປຕາມ ແຜນທີ່ວາງໄວ້ ແລະໄດ້ຮຽນຮູ້ປະສົບການໃໝ່ໆນອກຈາກການຮຽນ ຢູ່ໃນຫ້ອງຮຽນແລ້ວ, ການປະຕິບັດຕົວຈິງຢູ່ສະຖານທີ່ໂຮງໝໍແຂວງ ແລ້ວແຕ່ກໍ່ຍັງບໍ່ພຽງພໍ, ເພື່ອເຮັດໃຫ້ສອດຄ່ອງກັບຫຼັກສູດການຮຽນ-ການສອນ ຈຶ່ງມີຄວາມຈຳເປັນທີ່ ຈະຕ້ອງລົງຝຶກງານຢູ່ເຂດຫ່າງໄກສອກຫຼີກເພື່ອເຮັດໃຫ້ເຂົາເຈົ້າ ໄດ້ຮຽນຮູ້, ມີຄວາມຊຳນິຊຳນານ, ທັກສະ ແລະວິທີການໃນການລົງໄປສຳພັດຕົວຈິງກັບໃນຊຸມຊົນ,ພໍ່ ແມ່ປະຊາຊົນຢູ່ໃນເຂດທ້ອງຖິ່ນ ຢ່າງແທ້ຈິງ, ໄດ້ຮຽນຮູ້ບັນຫາສຸຂະພາບຂອງຊຸມຊົນ,ວິທີການໃນການ ແກ້ໄຂບັນຫາຕ່າງໆ ທີ່ເກີດຂຶ້ນໃຫ້ເໝາະສົມນອກນັ້ນຍັງໄດ້ຮຽນຮູ້ວິທີການດຳລົງຊີວິດ, ວັດທະນະທຳ ຮີດຄອງປະເພນີຂອງທ້ອງຖິ່ນນຳອີກທັງນີ້: ກໍ່ເພື່ອຢາກໃຫ້ນັກສຶກສາມີຄວາມຮູ້, ຄວາມສາມາດນຳເອົາແນວຄິດທິດສະດີຈາກພຶດຕິກຳຕົວຈິງໄປນຳໃຊ້ໃນວຽກງານວິຊາສະເພາະໃຫ້ຖືກຕ້ອງ, ຊັດເຈນ ແລະ ມີປະສິດຕິພາບສູງ.

--------

ໜັງສືພິມເສດຖະກິດ-ສັງຄົມ

แชร์