ສາລະວັນ ປູກຕົ້ນໄມ້ຢູ່ແຫຼ່ງທ່ອງທ່ຽວ ອຸທິຍານພູຜາສຸກ

 ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະວັນເດັກນ້ອຍສາກົນນີ້, ດັ່ງນັ້ນມາໃນຕອນເຊົ້າ ວັນທີ 1 ມິຖຸນາ 2020 ນີ້, ແຂວງສາລະວັນ ໄດ້ຈັດກິດຈະກຳປູກຕົ້ນ ໄມ້ຢູ່ແຫຼ່ງທ່ອງທ່ຽວອຸທິຍານພູຜາສຸກໂດຍການນຳພາຂອງທ່ານ ສີສຸວັນ ວົງຈອມສີ ເຈົ້າແຂວງສາລະວັນ, ມີການນໍາຂັ້ນແຂວງ, ພະແນກການອ້ອມຂ້າງແຂວງ ແລະພະນັກງານ-ລັດຖະກອນເຂົ້າຮ່ວມຢ່າງເປັນຂະບວນຟົດຟື້ນ.

 ເບ້ຍໄມ້ທີ່ນໍາມາປູກໃນຄັ້ງນີ້ມີທັງໝົດ 65 ເບ້ຍຄື: ໄມ້ສາມສາ 20 ເບ້ຍ, ໄມ້ດູ່ 20 ເບ້ຍ, ໄມ້ແຕ້ຂ່າ 25 ເບ້ຍ, ພ້ອມດຽວກັນກໍ່ໄດ້ ປ່ອຍປາ ຈໍານວນ 1.500 ກວ່າໂຕ ໃນເຂດດັ່ງກ່າວແນໃສ່ສ້າງຄວາມສົມດູນຂອງທໍາມະຊາດສັດນໍ້າ ແລະສັດປ່າເຮັດໃຫ້ສະຖານທີ່ທ່ອງ ທ່ຽວເຂດດັ່ງກ່າວໃຫ້ມີຄວາມສວຍງາມ ແລະເຕັມໄປດ້ວຍທໍາມະຊາດ ປ່າໄມ້ເພື່ອຮອງຮັບໃຫ້ແຂກຄົນທີ່ທ່ຽວເຂດອຸທິຍານພູຜາສຸກໃຫ້ຫຼາຍຂຶ້ນ, ສຳລັບເບ້ຍໄມ້ທີ່ນຳມາປູກແມ່ນທາງພະແນກກະສີກໍາ ແລະປ່າໄມ້ແຂວງເປັນຜູ້ສະໜອງກວມ ເອົາເກືອບ 65%, ເພື່ອຕອບສະໝອງຕາມຍຸດທະສາດປີ 2020 ໃຫ້ໄດ້ 70% ຂອງເນື້ອທີ່ທົ່ວ ແຂວງ ໂດຍສະເພາະປີນີ້ໄດ້ວາງ ຄາດໝາຍສູ້ຊົນໃນການເກັບແກ່ນໃຫ້ໄດ້ 6 ຮ້ອຍກິໂລ, ກ້າເບ້ຍໃຫ້ ໄດ້ 7 ແສນເບ້ຍ, ປູກປ່າໃຫ້ໄດ້ 4 ຮ້ອຍກວ່າເຮັກຕາ, ຟື້ນຟູປ່າໃນ 3 ປະເພດປ່າໃຫ້ໄດ້ 16 ພັນກວ່າເຮັກຕາ ແລະຂຶ້ນທະບຽບສວນປູກໃຫ້ໄດ້ 1 ພັນເຮັກຕາ, ສໍາລັບຄາດໝາຍປູກໄມ້ລວມໃນປີ 2020 ຈະໄດ້ທັງໝົດ 2 ພັນເຮັກຕາ,ໃນນັ້ນປູກໄມ້ເປັນປ່າໃນແຜນປີ 2020 ມີ 4 ຮ້ອຍກວ່າເຮັກ ຕານອນໃນ 8 ຕົວເມືອງຄື: ເມືອງສາລະວັນ 19 ເຮັກຕາ, ວາປີ 30 ກວ່າເຮັກຕາ, ຄົງເຊໂດນ 25 ເຮັກຕາ, ລະຄອນ ເພັງ 40 ເຮັກຕາ, ເລົ່າງາມ 20 ເຮັກຕາ, ຕຸ້ມລານ 10 ເຮັກຕາ, ຕະໂອ້ຍ 150 ກວ່າເຮັກຕາ ແລະ ສະໝ້ວຍ 150 ເຮັກຕາ.

 ໃນໂອກາດດຽວກັນນີ້ການ ທ່ານ ສີສຸວັນ ວົງຈອມສີ ເຈົ້າ ແຂວງໆສາລະວັນ ແລະພະແນກການຕ່າງໆທີ່ກ່ຽວຂ້ອງອ້ອມຂ້າງ ແຂວງກໍ່ໄດ້ໄປຮ່ວມຂະບວນການປູກຕົ້ນໄມ້ຢູ່ທີ່ເດີ່ນຫ້ອງວ່າການປົກຄອງເມືອງຄົງເຊໂດນຕື່ມອີກ, ການປູກເບ້ຍໄມ້ໃນຄັ້ງນີ້ແມ່ນເພື່ອສ້າງອະນາຄົດອັນສົດໃສ, ຮັ່ງມີໃຫ້ແກ່ລູກຫຼານຜູ້ເກີດໃໝ່ໃຫ່ຍລຸນທັງປຸກລະ ດົມ ແລະເສີມຂະຫຍາຍວຽກງານບູລະນະ ແລະປົກປັກຮັກສາປ່າໄມ້ແນໃສ່ເຮັດໃຫ້ຄວາມຫຸ້ມຂອງປ່າໄມ້ໃນແຕ່ລະປີເພີ່ມຂຶ້ນເລື້ອຍໆ.

-------

ໂດຍ: ສິດຕ້າ ເພັດວົງສາ

แชร์