ເກີດເຫດເຮືອບິນເຄື່ອນຍ້າຍຄົນເຈັບຕົກຢູ່ຟິລິບປິນເສຍຊີວິດ 8 ຄົນ

  ວັນທີ 29 ມີນາທີ່ຜ່ານມາໄດ້ເກິດເຫດເຮືອບິນເຄື່ອນຍ້າຍຄົນເຈັບເພື່ອປະປິ່ນປົວຢູ່ຍີ່ປຸ່ນຕົກ ແລະເກີດໄຟໄໝ້ຢູ່ສະໜາມບິນນະຄອນຫຼວງມະນີລາຂອງຟິລິບປິນເປັນເຫດເຮັັດໃຫ້ມີຜູ້ເສຍຊີວິດ 8 ຄົນ.

  ຕາມຂ່າວຕ່າງປະເທດລາຍງານວ່າ ເຮືອບິນ ໂດຍສານເຊົາເໝົາລໍາຂອງສາຍການບິນ ໄລອ້ອນແອ ຖະບຽນ (RP-C5880) ໄດ້ປະສົບອຸບັດຕິເຫດຕົກ ແລະລະເບີດລຸກເປັນໄຟໃນລະຫວ່າງບິນຂຶ້ນຈາກສະໜາມບິນມະນີລາຂອງຟິລິບປິນເພື່ອນໍາຄົນເຈັບໄປປິ່ນປົວຢູ່ຍີ່ປຸ່ນ ເຮັດໃຫ້ຜູ້ທີ່ຢູ່ໃນເຮືອບິນເສຍຊີວິດໝົດທັງ 8 ຄົນ, ໂດຍທ່ານ ຮິຊາດ ກໍດອນ ສະມາຊິກວຸດທິສະພາ ແລະສະພາກາແດງຟິລິບປິນເປີດເຜີຍວ່າ ເຮືອບິນໂດຍສານຂະໜາດນ້ອຍລຸ້ນເວສ ວິນ 24 ແບບ 2 ເຄື່ອງຈັກ ບັນທຸກນັກບິນ ແລະພະນັກງານ 3 ຄົນ ແພດ ແລະພະຍາບານ 3 ຄົນ ຄົນເຈັບ ແລະຍາດພີ້ນ້ອງ 2 ຄົນ.

 ສ່ວນທ່ານ ເອັດ ມອນຣຽວ ຜູ້ຈັດການສະໜາມບິນມະນີລາເປີດເຜີຍວ່າ ຜູ້ທີ່ຢູ່ໃນເຮືອບິນເສຍຊີວິດທັງ 8 ຄົນ ໂດຍເປັນຄົນອາເມລິກາ 1 ຄົນ, ການາດາ 1 ຄົນ ສ່ວນທີ່ເຫຼືອເປັນຄົນຟິລິບປິນທັງໝົດ ເບື້ອງຕົ້ນເຈົ້າໜ້າທີ່ຍັງບໍ່ຮູ້ລາຍຊື່ຂອງຜູ້ເສຍຊີວິດທັງໝົດລວມທັງສາເຫດຂອງການເກີດອຸບັດເຫດໃນຄັ້ງນີ້.

______________

ໜັງສືພິມເສດຖະກິດ-ສັງຄົມ

แชร์