ສະຫວັນ ເລື່ອນຊັ້ນໃຫ້ນາຍຕຳຫຼວດ 300 ກວ່າສະຫາຍ

  ໃນວັນທີ 21 ພຶດສະພາ 2020, ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີປະກາດເລື່ອນຊັ້ນໃຫ້ນາຍຕຳຫຼວດກອງບັນຊາການ ປກສ ແຂວງໃຫ້ຜູ້ທີ່ມີຜົນງານດີເດັ່ນ ແລະຄົບມາດຖານເງື່ອນໄຂໃນການເລື່ອນຊັ້ນໃນການປະຕິບັດໜ້າທີ່ວຽກງານພາຍໃຕ້ເປັນປະທານຂອງທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາ, ຄະນະຫ້ອງ, ຄະນະພະແນກອ້ອມຂ້າງ, ມີກອງພັນປ້ອງກັນເຄື່ອນທີ່, ໂຮງຮຽນ ປກສ ຊັ້ນສູງເລກ 3, ປກສ ເມືອງ 14 ເມືອງທົ່ວແຂວງ ແລະພະນັກງານ-ນັກຮົບຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.


  ໃນພິທີ ທ່ານ ພັທ ຄຳຜາຍ ຄູນລາດສຸ ວັນນະວົງ ຫົວໜ້າຫ້ອງການເມືອງ ປກສ ແຂວງ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ, ສະ ບັບເລກທີ 1028,1027/ປກສ, ລົງວັນທີ 12 ພຶດສະພາ 2020, ເລກທີ 920/ ປກສ, ລົງວັນທີ 06 ພຶດສະພາ 2020, ຂໍ້ຕົກລົງຂອງກົມໃຫຍ່ການເມືອງກະ ຊວງປ້ອງກັນຄວາມສະຫງົບ, ສະບັບເລກທີ 1080/ກມປສ, ລົງວັນທີ 25 ມີນາ 2020, ວ່າດ້ວຍການເລື່ອນຊັ້ນໃຫ້ນາຍຕໍາຫຼວດກອງບັນຊາການ ປກສ ແຂວງສະ ຫວັນນະເຂດ ແລະຂໍ້ຕົກລົງຂອງກອງບັນຊາການ ປກສ ແຂວງສະຫວັນນະເຂດ,ສະບັບເລກທີ 242/ປກສ.ສຂ, ລົງວັນທີ 20 ພຶດສະພາ 2020ວ່າດ້ວຍການເລື່ອນຊັ້ນໃຫ້ພົນຕໍາຫຼວດກອງບັນຊາການ ປກສ ແຂວງສະຫວັນນະເຂດ, ເຊິ່ງມີຜູ້ທີ່ໄດ້ຮັບເລື່ອນຊັ້ນທັງໝົດຈໍານວນ 328 ສະຫາຍ, ຍິງ 71 ສະຫາຍ ໃນນັ້ນເລື່ອນຊັ້ນພັນຕີຂຶ້ນພັນໂທ 32 ສະຫາຍ, ເລື່ອນຊັ້ນຮ້ອຍເອກຂຶ້ນພັນຕີ 54 ສະຫາຍ, ຍິງ 5 ສະຫາຍ, ເລື່ອນຊັ້ນ ຮ້ອຍໂທຂຶ້ນຮ້ອຍເອກ 107 ສະຫາຍ, ຍິງ 20 ສະຫາຍ, ເລື່ອນຊັ້ນຮ້ອຍຕີຂຶ້ນຮ້ອຍໂທ 68 ສະຫາຍ, ຍິງ 24 ສະຫາຍ, ເລື່ອນຊັ້ນວາທີຮ້ອຍຕີຂຶ້ນຮ້ອຍຕີ 63 ສະຫາຍ, ຍິງ1 ສະຫາຍ ແລະເລື່ອນຊັ້ນສິບໂທຂຶ້ນສິບເອກ 4 ສະຫາຍ, ຍິງ 1 ສະຫາຍ ແລະເລື່ອນຊັ້ນສິບຕີຂຶ້ນສິບໂທ 1 ສະຫາຍ,ໂດຍການປະດັບຊັ້ນຂອງທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ.

___________

ໜັງສືພິມເສດຖະກິດ-ສັງຄົມ

แชร์