ແອຣບີແອນບີມີບັນຫາທາງທຸລະກິດປົດພະນັກງານເກືອບ 1.900 ຄົນ

 ການແຜ່ລະບາດຂອງໂຄວິດ-19 ໃນທົ່ວໂລກໄດ້ສົ່ງຜົນກະທົບຕໍ່ການເດີນທາງການທ່ອງທ່ຽວ ແລະທຸລະກິດທ່ອງທ່ຽວປິດໂຕໄປທົ່ວໂລກ ແລະສົ່ງຜົນໃຫ້ບໍລິສັດ Airbnb ທຸລະກິດລະບົບຈ່ອງຫ້ອງພັກອອນລາຍຕ້ອງຄືນເງິນໃຫ້ກັບແຂກທີ່ຍົກເລີກຫ້ອງພັກດ້ວຍ ຊຶ່ງ ສະມາຄົມການທ່ອງທ່ຽວອາເມລິກາຄາດວ່າອຸດສາຫະກຳນີ້ຈະຕ້ອງເລີກຈ້າງງານໃນປີນີ້ 4,6 ລ້ານ ຕຳແໜ່ງ.

 ເມື່ອບໍ່ດົນມານີ້ Brian Ches ky ຊີອີໂອຂອງ Airbnb ໄດ້ສົ່ງຈົດໝາຍໄປຍັງພະນັກງານເພື່ອແບ່ງປັນຂ່າວອັນນ່າເສົ້າວ່າທ່າມກາງວິກິດນີ້ Airbnb ໄດ້ຮັບຜົນກະທົບຢ່າງໜັກໂດຍຄາດວ່າລາຍໄດ້ໃນ ທ້າຍປີນີ້ຈະນ້ອຍກວ່າເຄິ່ງໜຶ່ງຂອງປີ 2019 ຈຶ່ງຮັບມືໂດຍການລະດົມທຶນ 2 ຕື້ໂດລາສະຫະລັດ ແລະຫຼຸດຄ່າໃຊ້ຈ່າຍໃນດ້ານຕ່າງໆລົງແຕ່ບໍ່ພຽງພໍທີ່ຈະອູ້ມພະນັກງານຈຳນວນ ຫຼາຍເອົາໄວ້ໄດ້.

 ດັ່ງນັ້ນບໍລິສັດຈຶ່ງຕ້ອງປ່ຽນແປງຂັ້ນພື້ນຖານໂດຍການເລີກຈ້າງງານເກືອບ 1.900 ຄົນຈາກທັງໝົດ7.500 ຄົນຊຶ່ງຄິດເປັນປະມານ 25% ແລະກັບມາມຸ່ງເນັ້ນທຸລະກິດຫຼັກຂອງ Airbnb ໃນການບໍລິການເຊົ່າທີ່ພັກພ້ອມດ້ວຍຫຼຸດຄ່າໃຊ້ຈ່າຍໃນການຂົນສົ່ງການລົງທຶນໃນໂຮງແຮມ ແລະທີ່ພັກຫຼູຫຼາ.

--------

ໜັງສືພິມເສດຖະກິດ-ສັງຄົມ

 

แชร์