ຈີນ ມີ“ຜູ້ໃຊ້ບໍລິການຂ່າວອອນລາຍ” 731 ລ້ານຄົນ

 ສປ ຈີນມີຜູ້ໃຊ້ບໍລິການຂ່າວອອນລາຍຈຳນວນ 731 ລ້ານຄົນ ເມື່ອນັບເຖິງເດືອນມີນາທີ່ຜ່ານມາເພີ່ມຂຶ້ນ 55,98 ລ້ານຄົນຈາກທ້າຍປີ 2018.

ລາຍງານການພັດທະນາອິນເຕີເນັດຂອງຈີນຈາກສູນຂໍ້ມູນໂທລະຄົມມະນາຄົມ ແລະໂຄງຂ່າຍອິນເຕີເນັດແຫ່ງປະເທດຈີນ(CNNIC)ລະບຸວ່າຜູ້ໃຊ້ບໍລິການຂ່າວສານອອນລາຍຄິດເປັນ 80,9% ຂອງປະຊາກອນຜູ້ໃຊ້ອິນເຕີເນັດຂອງປະເທດຊຶ່ງມີຈຳນວນສູງເຖິງ 904 ລ້ານຄົນຈຳນວນຜູ້ໃຊ້ງານອິນເຕີເນັດທີ່ເຂົ້າເຖິງຂ່າວສານອອນລາຍຜ່ານໂທລະສັບມືຖືເພີ່ມຂຶ້ນ 73,56 ລ້ານຄົນ ຈາກທ້າຍປີ 2018 ຢູ່ທີ່ 726 ລ້ານຄົນເມື່ອເດືອນມີນາທີ່ຜ່ານມາຄິດເປັນ 81% ຂອງຈຳນວນຜູ້ໃຊ້ໂທລະສັບມືຖືທັງໝົດລາຍງານຊີ້ວ່າສື່ມວນຊົນແບບດັ້ງ ເດີມກຳລັງຮ່ວມມືກັບບັນດາຜູ້ລວບລວມຂ່າວສານ ແລະແພລຕຟອມ ຄວາມບັນເທີງອອນລາຍເພີ່ມຂຶ້ນຢ່າງຕໍ່ເນື່ອງເພື່ອຂະຫຍັບຂະຫາຍຊ່ອງທາງການເຜີຍແຜ່ຂ່າວສານຂອງຕົນເອງ.

 ນອກຈາກນັ້ນເຕັກໂນໂລຊີໃໝ່ໆ ເຊັ່ນ: 5G ແລະປັນຍາປະດິດ (AI)ຍັງກະຕຸ້ນໃຫ້ເກີດການບູລະນາການລະຫວ່າງສື່ແບບດັ້ງເດີມ ແລະ ສື່ໃໝ່ທີ່ອີງອີນເຕີເນັດເປັນຫຼັກອີກດ້ວຍ.

__________

ໜັງສືພິມເສດຖະກິດ-ສັງຄົມ

แชร์