ເຂດເສດຖະກິດພິເສດບໍ່ແຕນແດນງາມດຶງດູດການລົງທຶນພາຍໃນ ແລະຕ່າງປະເທດໄດ້ແລ້ວ 232 ບໍລິສັດ

  ວັນທີ 21 ພຶດສະພາ 2020 ຄະນະພັກຮາກຖານຄະນະຄຸ້ມຄອງເຂດເສດຖະກິດພິເສດບໍ່ເຕ່ນແດນງາມແຂວງຫຼວງນໍ້າທາ ຈັດກອງປະຊຸມໃຫ່ຍຄັ້ງທີ II, ຢູ່ທີ່ ໂຮງ ແຮມຈີງລານເຂດເສດຖະກິດພິເສດບໍ່ເຕ່ນ, ໂດຍການເປັນປະທານສະຫາຍຄອນທອງເລືອງຄໍາມາເລຂາຄະນະພັກຮາກຖານຫົວໜ້າຄະນະຄຸ້ມຄອງເຂດເສດຖະກິດພິ ເສດບໍ່ເຕ່ນແດນງາມ,ເຂົ້າຮວ່ມໂດຍສະຫາຍ ຄໍາໄຫຼ ສີປະສີດ ກຳມະການປະຈໍາພັກແຂວງຮອງເຈົ້າ ແຂວງໆຫຼວງນໍ້າທາ, ມີຜູ້ຕ່າງໜ້າຄະນະຈັດຕັ້ງແຂວງ, ກວດກາ-ພັກລັດແຂວງ, ແຂກຖືກເຊີນ ແລະຜູ້ແທນສົມບູນເຂົ້າຮ່ວມ.


  ສະຫາຍ ຄອນທອງ ເລືອງຄໍາມາ ເລຂາຄະນະພັກຮາກຖານຫົວໜ້າຄະນະຄຸ້ມຄອງເຂດເສດຖະກິດພິເສດບໍ່ເຕ່ນແດນງາມໄດ້ຜ່ານຮ່າງບົດລາຍງານການເມືອງໃນໄລ ຍະ 5 ປີ ແລະທິດທາງແຜນການ 5 ປີຕໍ່ໜ້າ, ກອງປະຊຸມໄດ້ຕິລາຄາການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ I, ຕີລາຄາດ້ານດີ, ດ້ານອ່ອນ ແລະ ວິທີປັບປຸງແກ້ໄຂໃຫ້ດີຂຶ້ນໃນຕໍ່ໜ້າ, ໜ່ວຍພັກຮາກຖານຄະນະພັກຄຸ້ມຄອງເຂດເສດຖະກິດພິເສດບໍ່ເຕ່ນແດນງາມມີ 3 ໜ່ວຍພັກທີ່ຂຶ້ນກັບຄື: ໜ່ວຍພັກຄຸ້ມຄອງເຂດ, ໜ່ວຍພັກກອງບັນຊາການ ປກສ ເຂດ ແລະໜ່ວຍພັກໂຮງງານຕົ້ມເກືອ, ໃນໄລຍະ 5 ປີຜ່ານມາໄດ້ເອົາໃຈໃສ່ຊີ້ນໍາໆພາດ້ານວິຊາສະເພາະຢ່າງຕັ້ງໜ້າໂດຍສະເພາະແມ່ນວຽກ ງານການພັດທະນາ ແລະຄຸ້ມຄອງເຂດເສດຖະກິດພິເສດ,ແກ້ໄຂບັນຫາຕ່າງໆທີ່ເກີດຂຶ້ນພາຍໃນເຂດເສດຖະກິດພິເສດສະເພາະບໍ່ເຕ່ນແດນງາມເປັນຕົ້ນແມ່ນແກ້ໄຂບັນ ຫາການຊໍາລະຄ່າສໍາປະທານທີ່ດິນຂອງຜູ້ພັດທະນາ, ແກ້ໄຂຜົນກະທົບຂອງໂຮງງານຕົ້ມເກືອບໍ່ເຕ່ນ, ແກ້ໄຂຜົນກະທົບທາງສິ່ງແວດລອ້ມກັບພະແນກການທີ່ກ່ຽວຂ້ອງຂອງແຂວງ ແລະແກ້ໄຂເລື່ອງການຍົກຍ້າຍຂອງປະຊາຊົນກ່ຽວກັບການນໍາໃຊ້, ແກ້ໄຂເລື່ອງແຮງງານຄົນຕ່າງປະເທດທີ່ເຂົ້າ-ອອກເຂດ ແລະລົດບັນທຸກ ແອອັດຕາມເສັ້ນທາງ ແລະແກ້ໄຂເລື່ອງຕ່າງໆ, ໃນໄລຍະຜ່ານມາສາມາດດຶງດູດການລົງທຶນພາຍໃນ ແລະຕ່າງປະເທດໄດ້ 232 ບໍລິສັດ ແລະບັນດາຮ້ານ 245 ຮ້ານ.


  ໃນນັ້ນລົງທຶນໃນຂະແໜງອຸດສາຫະກຳ 33 ບໍລິສັດ, ຂະແໜງການຄ້າ 171 ບໍລິສັດ, ຂະແໜງບໍລິການ 141 ບໍລິສັດ,ມີທຶນຈົດຖະບຽນ 114,75 ຕື້ກີບ, ແຜນ ການລົງທຶນ 105,62 ຕື້ກີບ ແລະສາມາດເກັບລາຍຮັບຈາກພາສີ - ອາກອນຄ່າບໍລິການ, ຄ່າທໍານຽມ, ຄ່າປັບໄໜຕ່າງໆຢູ່ພາຍໃນເຂດພິເສດ 2,47 ຕື້ກີບ,ຢູ່ໃນເຂດບໍ່ເຕ່ນ 5.195 ຄົນ, ຍິງ1.219 ຄົນ, ໃນນີ້ຄົນລາວ 506 ຄົນ, ຍິງ 280 ຄົນ ຄົນຕ່າງປະເທດ 4. 689 ຄົນ, ຍິງ 700 ຄົນ ແລະນັກທ່ອງທ່ຽວ 1,32 ແສນຄົນ, ຍິງ 63.553 ຄົນ, ຜະລິດເກືອໄອໂອດີນໄດ້ 1,6 ລ້ານໂຕນ, ສ້າງລາຍຮັບໄດ້ 2,3 ຕື້ກີບ.
  ທິດທາງແຜນການ 5 ປີສືບຕໍ່ສູ້ຊົນໃຫ້ສະມາຊິກ 3 ໜ່ວຍພັກຕ້ອງເປັນສາມະຊິກພັກແຂງ 100%, ສືບຕໍ່ເກັບລາຍຮັບເຂົ້າເຂດເສດຖະກິດພິເສດແຂວງຫຼວງນໍ້າທາໃຫ້ໄດ້ຕາມຄາດໝາຍທີ່ວາງໄວ້ ແລະດຶງດຸດນັກລົງທຶນທັງພາຍໃນ ແລະຕ່າງປະເທດເຂົ້າມາລົງທຶນໃນເຂດເສດຖະກິດພິເສດໃຫ້ນັບມື້ນັບຫຼາຍຂຶ້ນ.


  ກອງປະຊຸມຍັງໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່,ມີຜູ້ສະໝັກ 8 ສະຫາຍ ເລືອກເອົາ 5 ສະຫາຍ,ກອງປະຊຸມເຫັນດີເປັນເອກະສັນກັນເລືອກເອົາສະຫາຍຄອນທອງເລືອງຄໍາມາເປັນເລຂາຄະນະພັກຮາກຖານຂອງຄະນະເຂດເສດຖະກິດພິເສດບໍ່ເຕ່ນແດນງາມ,ເລືອກເອົາສະຫາຍ ພັນໂທ ສົມມີ ຄິດທະໄຊ ເປັນຮອງເລຂາຄະນະພັກຮາກຖານພ້ອມທັງເປັນປະທານກວດກາພັກ, ພ້ອມດ້ວຍຄະນະອີກ 3 ສະຫາຍ ແລະໄດ້ປ່ອນບັດຄັດເລືອກເອົາຜູ້ແທນສົມບູນ 3 ສະຫາຍ, ເຂົ້າຮ່ວມກອງປະຊຸມໃຫ່ຍຄັ້ງທີ່ 8 ຂອງອົງຄະພັກແຂວງທີ່ຈະຈັດຂຶ້ນໃນຕໍ່ໜ້າ.

--------------------

ຂຽນໂດຍ: ມຸນຕີ

ພາບແລະຂ່າວ: ໜັງສືພິມເສດຖະກິດ-ສັງຄົມ

แชร์