ກາແດງແຂວງຄຳມ່ວນ ມອບເຄື່ອງຊ່ວຍເຫຼືອ 7 ຄອບຄົວເຄາະຮ້າຍເມືອງໄຊບົວທອງ

ໃນວັນທີ 22 ພຶດສະພາ 2020 ທີ່ຫ້ອງວ່າການເມືອງໄຊບົວທອງ ແຂວງຄໍາມ່ວນໄດ້ມີພິທີມອບ-ຮັບຖັງນໍ້າໃຫ້ແກ່ 2 ໂຮງຮຽນຄື: ມສ ນານ້ອຍ, ມສ ປ່າກ້ວຍ-ໜອງບອນ ແລະເຄື່ອງຊ່ວຍເຫຼືອບັນເທົາທຸກໃຫ້ແກ່: 7 ຄອບຄົວທີຖືກເຄາະຮ້າຍໄຟໄໝ້ເຮືອນໃນເມືອກ່ອນໂດຍການເປັນກຽດເຂົ້າຮ່ວມຂອງທ່ານ ກາຫຼົງ ແກ້ວສີຍາຮອງເຈົ້າເມືອງໄຊບົວທອງ, ທ່ານ ສາຍສະໝອນ ສົມໜຸກຄຳຈັນ ຫົວໜ້າອົງການກາແດງແຂວງຄຳມ່ວນ,ຕາງໜ້າອົງການກາແດງຂັ້ນເມືອງ, ຄະນະກຳມະການປ້ອງກັນໄພພິ ບັດຂັ້ນເມືອງ, ຕາງໜ້າຜູ້ອຳນວຍການຈາກໂຮງຮຽນ ມສ ນານ້ອຍ ແລະມສ ປ່າກ້ວຍ-ໜອງບອນ.


  ເຊິ່ງເຄື່ອງທ່ີນຳມາມອບໃນຄັ້ງນີ້ປະກອບມີຖັງນໍ້າຂະໜາດ 1.000 ລິດ, ຈໍານວນ 2 ຖັງ ແລະເຄື່ອງຊ່ວຍເຫຼືອບັນເທົາທຸກປະເພດ: ເຄື່ອງນຸ່ງຮົ່ມ ແລະເຄື່ອງໃຊ້ຄົວເຮືອນເຊັ່ນ: ຜ້າຮົ່ມ, ໜອນ, ມຸ້ງ, ໂສ້ງ, ເສື້ອ, ຖ້ວຍ, ຈານ, ຊ້ວານ, ສຽມ ແລະອື່ນໆລວມມູນຄ່າທັງໝົດ 6,98 ລ້ານກີບ.


  ໃນໂອກາດດຽວກັນນີ້ທ່ານ ກາຫຼົງ ແກ້ວສີຍາ ຮອງເຈົ້າເມືອງກໍ່ໄດ້ກ່າວສະແດງຄວາມຂອບໃຈ ແລະຍ້ອງຍໍຊົມເຊີຍມາຍັງອົງການກາແດງແຂວງຄຳມ່ວນທີ່ໄດ້ນຳເອົາເຄື່ອງມາມອບໃນຄັ້ງນີ້. ຊຶ່ງເຄື່ອງດັ່ງກ່າວແມ່ນຈະໄດ້ມອບຕໍ່ໃຫ້ແກ່ໂຮງຮຽນ ແລະຄອບຄົວທີ່ຖືກເຄາະຮ້າຍຈຳນວນດັ່ງກ່າວ.

-----------------

ຂຽນໂດຍ: ເມືອງໄຊບົວທອງ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์