ໄປໄຊສົມບູນແລ້ວຢ່າລືມໄປສໍາຜັດ ບັນຍາກາດຜາແຈແລ

   ແຂວງໄຊສົມບູນເປັນ ແຂວງ ໜຶ່ງຂອງປະເທດລາວປະກອບມີ 5 ເມືອງຄື: ເມືອງອານຸວົງ, ເມືອງລ້ອງແຈ້ງ, ເມືອງລ້ອງຊານ, ເມືອງຮົ່ມ ແລະເມືອງທ່າໂທມເປັນແຂວງທີ່ອຸດົມສົມບູນເໜາະສໍາລັບການ ປູກຝັງ ແລະ ລ້ຽງສັດເພາະມີຊັບພະ ຍາກອນທໍາມະຊາດທີ່ອຸດົມສົມບູນ, ມີແມ່ນໍ້າລໍາເຊຫຼາຍສາຍທີ່ເປັນເງຶ່ອນໄຂແລະທ່າແຮງໃຫ້ແກ່ການພັດທະ ນາເສດຖະກິດ-ສັງຄົມ, ການຜະລິດ ກະສິກໍາ-ອຸດສາຫະກໍາ, ມີແຫຼ່ງພະ ລັງງານ, ມີບໍ່ແຮ່ຕ່າງໆທີ່ມີຄວາມ ສໍາຄັນຕໍ່ການການພັດທະນາພື້ນຖານໂຄງລ່າງໃນການແກ້ໄຂຄວາມທຸກຍາກຂອງປະຊາຊົນບັນດາເຜົ່າ.

  ແຂວງໄຊສົມບູນເປັນແຂວງທີ່ອຸດົມສົມບູນໄປດ້ວຍສະຖານທີ່ທ່ອງທ່ຽວທີ່ໂດດເດັ່ນ ແລະໜ້າສົນໃຈຢູ່ຫຼາຍແຫ່ງ ເຊັ່ນ:ພູເບ້ຍ, ຖໍ້າເຈົ້າອານຸ ວົງ, ອ່າງນໍ້າງຶ່ມ 2, ຕາດຫ້ວຍນົກ, ສັນພູໝອກ, ເຮືອນເກົ່າວາງປາວ, ພະຣາຊະວັງເກົ່າ, ສິມລ້ອງແຈ້ງ, ນໍາຕົກຕາດຜາແຈແລ,ນໍ້າຕົກຕາດ ຍອງ,ຕາດປຸ່ງ, ດ່ານຜາແຊບຊຶ່ງ ທັງໝົດເຫຼົ່ານີ້ໄດ້ກາຍເປັນມົນສະເໜດຶງດູດຈິດໃຈບັນດານັກທ່ອງທ່ຽວ ທັງພາຍໃນ ແລະຕ່າງປະເທດເຂົ້າ ມາທ່ຽວຊົມເປັນປະຈໍາ, ຈາກນັ້ນຈຶ່ງ ໄດ້ເຮັດໃຫ້ວຽກງານທ່ອງທ່ຽວຂອງແຂວງນັບມື້ເປີດກວ້າງ ແລະໄດ້ຮັບການພັດທະນາໄປເລື້ອຍໆຈຶ່ງໄດ້ມີ ຄໍາຂວັນປະຈໍາແຂວງທີ່ມີເນື້ອໃນ ວ່າ: ຄົ້ນຫາປະຫວັດສາດເມືອງລ້ອງແຈ້ງແຍງຊົມທໍາມະຊາດສັນພູໝອກຊອກຫາວິລະກໍາຖໍ້າເຈົ້າອານຸວົງ ລົງລ່ອງເຮືອຊົມທິວທັດທີ່ທ່າໂທມກິນເຂົ້າປ່າສາມັກຄີທີ່ຕາດຜາ ແຊບລ້ອງຊານຊົມຕໍານານນໍ້າຕົກຕາດຜາແຈແລເມືອງຮົ່ມ.

  ນໍ້າຕົກຕາດຜາແຈແລເປັນແຫຼ່ງທ່ອງທ່ຽວທາງທໍາມະຊາດເໝາະແກ່ການທ່ຽວຊົມ ແລະພັກຜ່ອນຕາກອາກາດສູບດົມເອົາອາກາດບໍລິສຸດເຢັນສົດຊື່ນໃນຍາມເຊົ້າຈະມີໝອກປົກຫຸ້ມບໍລິເວນຜາແຈແລນີ້ເບິ່ງ ແລ້ວຄ້າຍຄືກັບທະເລໝອກ ຫຼື ສະຫວັນເທິງພື້ນດິນກໍວ່າໄດ້ເປັນມົນສະເໝອັນໜຶ່ງທີ່ດຶງດູດໃຫ້ຜູ້ຄົນທີ່ໄດ້ໄປເມືອງຮົ່ມແລ້ວຕ້ອງໄດ້ໄປສໍາຜັດກັບບັນຍາກາດຜາແຈແລຊຶ່ງຕັ້ງຢູ່ບ້ານນໍ້າຄຽນຫ່າງຈາກເທສະບານເມືອງຮົ່ມປະມານ 6 ກິໂລແມັດຕາມການບອກເລົ່າຂອງຊາວບ້ານໄດ້ໃຫ້ຮູ້ວ່າ:ມີປະຊາຊົນໄດ້ພົບພະອົງໜຶ່ງທີ່ຢູ່ໃກ້ຕາດແຫ່ງນີ້ເປັນສີດໍາ ແລະມີຫຼາຍແຈຕໍ່ມາປະຊາຊົນເຂດນັ້ນຈຶ່ງ ໄດ້ເອີ້ນນໍ້າຕົກຕາດນີ້ວ່າຜາແຈແລ.

แชร์